Goranboy seçiciləri ölkəmizin gələcək inkişafı üçün YAP-ın namizədlərinə səs verəcəklər

Bakı:

13 °C

76 %

7 m/s

Əlaqə

AZ RU EN

Ana səhifə / YAP xəbərləri / Goranboy seçiciləri ölkəmizin gələcək inkişafı üçün YAP-ın namizədlərinə səs verəcəklər

Goranboy seçiciləri ölkəmizin gələcək inkişafı üçün YAP-ın namizədlərinə səs verəcəklər

03.12.2014 [09:27]

Yeni Azərbaycan Partiyası (YAP) Goranboy rayon təşkilatında bələdiyyə seçkilərində partiyanın namizədlərinin təbliğat-təşviqat kampaniyası çərçivəsində partiya fəalları və namizədlərlə görüş keçirilib. Görüşdə YAP-ın bələdiyyə seçkilərində səlahiyyətli nümayəndələri, millət vəkilləri - Elman Məmmədov, Bəxtiyar Sadıqov, Tahir Rzayev və YAP Mərkəzi Aparatının məsul işçisi Araz Xudadanov iştirak ediblər.
Tədbiri giriş sözü ilə açan YAP Goranboy rayon təşkilatının sədri Elçin İsmayılov bələdiyyə seçkilərinin əhəmiyyətindən bəhs edib. Bildirib ki, qələbələr partiyası olan YAP bu seçkilərə də üstün nüfuzunun və yüksək ictimai dəstəyin fonunda gedir: “Yeni Azərbaycan Partiyasının Sədri, Azərbaycan Prezidenti İlham Əliyevin rəhbərliyi ilə həyata keçirilən inkişaf siyasəti Azərbaycanı parlaq gələcəyə aparır. Hər bir Azərbaycan seçicisi, o cümlədən, Goranboy seçiciləri ölkəmizin gələcək inkişafı, tərəqqisi üçün seçkilərdə aktiv iştirak etməli və YAP-ın namizədlərinə səs verməlidirlər”.
Daha sonra çıxış edən “Azərbaycan” qəzetinin baş redaktoru, millət vəkili Bəxtiyar Sadıqov Yeni Azərbaycan Partiyasının Sədri, Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs edib və YAP-ın namizədlərinin növbəti dəfə əzəmətli qələbə qazanacağına inandığını bildirib: “Azərbaycanın sürətli inkişafına Yeni Azərbaycan Partiyası çoxşaxəli fəaliyyəti ilə müstəsna töhfələr verir”.
Millət vəkili Tahir Rzayev isə bildirib ki, ötən 11 ilin nəticələri və yekunları bir daha sübut edir ki, müstəqil Azərbaycan inkişafın növbəti mərhələsinə qədəm qoyub: “Yeni Azərbaycan Partiyası Azərbaycanın hərtərəfli inkişafında xüsusi rol oynayır. Bu partiya Azərbaycan ictimaiyyətində böyük hörmət və nüfuza malikdir. İnanıram ki, bu seçkilərdə Azərbaycan cəmiyyəti YAP-ın namizədlərinə etimad göstərəcək”.
Millət vəkili Elman Məmmədov da tədbirdə çıxış edərək Goranboy seçicilərini YAP-ın namizədlərinə səs verməyə çağırıb: “Yeni Azərbaycan Partiyası üstün nüfuza malik olan ümumxalq partiyasıdır. Partiyanın fəaliyyəti Azərbaycanın milli maraqlarına əsaslanır. Ona görə də, bu siyasətə dəstək mənasında Goranboy seçicilərinin bu seçkilərdə də YAP-ın namizədlərinə səs verəcəklərinə inanıram”.
NURLAN

Paylaş:

Baxılıb: 866 dəfə