YAP Yardımlı rayon təşkilatı üzrə ərazi partiya təşkilatında YAP-ın VIII Qurultayından irəli gələn vəzifələrin müzakirəsi və hesabat seçki yığıncağı keçirilib

Bakı:

21 °C

78 %

12 m/s

AZ RU EN

Ana səhifə / YAP xəbərləri / YAP Yardımlı rayon təşkilatı üzrə ərazi partiya təşkilatında YAP-ın VIII Qurultayından irəli gələn vəzifələrin müzakirəsi və hesabat seçki yığıncağı keçirilib

YAP Yardımlı rayon təşkilatı üzrə ərazi partiya təşkilatında YAP-ın VIII Qurultayından irəli gələn vəzifələrin müzakirəsi və hesabat seçki yığıncağı keçirilib

19.10.2026 [16:33]

19 oktyabr 2026-cı il tarixdə Yeni Azərbaycan Partiyası Yardımlı rayon təşkilatı üzrə 3 saylı Mərkəzi Rayon Xəstəxana ərazi partiya təşkilatının fəallarının iştirakı ilə Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin YAP-ın VIII Qurultayında səsləndirdiyi fikirlər, qarşıya qoyulan prioritet vəzifələrin müzakirəsi və hesabat seçki yığıncağı keçirildi.

Yığıncaqda YAP Yardımlı rayon təşkilatının sədri Anar Alışov, Yardımlı Rayon Mərkəzi Xəstəxananın direktoru Ravil Qənbərov, 3 saylı Mərkəzi Rayon Xəstəxana ərazi partiya təşkilatının sədri Yaşar Məmmədov və partiyanın fəal üzvləri iştirak etdilər.

Yığıncağın gündəliyində duran birinci məsələ ilə əlaqədar çıxış edən Ravil Qənbərov Yeni Azərbaycan Partiyasının VIII Qurultayının, partiyanın sədri, Prezident İlham Əliyevin Qurultaydakı çıxışının ölkəmizin siyasi həyatında və gələcək inkişaf strategiyasının müəyyənləşdirilməsində mühüm əhəmiyyət daşıdığını bildirib. Qeyd edib ki, Azərbaycanın ərazi bütövlüyünün və dövlət suverenliyinin tam bərpasından sonra keçirilən qurultay dövlətimizin gücünün, milli birliyin və xalq-iqtidar həmrəyliyinin bariz təzahürüdür. Prezident İlham Əliyevin qurultaydakı çıxışının partiyanın gələcək fəaliyyət istiqamətlərinin müəyyənləşdirilməsi, milli maraqların qorunması və əldə edilmiş nailiyyətlərin davamlılığının təmin olunması baxımından xüsusi əhəmiyyət daşıdığı vurğulanıb.

Çıxış edən YAP Yardımlı rayon təşkilatının sədri Anar Alışov VIII Qurultayda müəyyənləşdirilən hədəflərin həyata keçirilməsinin hər bir partiya üzvündən yüksək məsuliyyət, təşəbbüskarlıq və fəallıq tələb etdiyini diqqətə çatdırıb. O, əhali ilə işin gücləndirilməsinin, vətəndaşlarla müntəzəm təmasların qurulmasının, gənclərin milli-mənəvi dəyərlərə və vətənpərvərlik ruhuna uyğun tərbiyəsinin, eləcə də dövlətçilik prinsiplərinin təbliğinin əsas fəaliyyət istiqamətləri olduğunu bildirib.

Ərazi partiya təşkilatının sədri Yaşar Məmmədov Prezident İlham Əliyevin VIII Qurultayda səsləndirdiyi fikirlərin əhəmiyyətindən danışaraq milli-mənəvi dəyərlərin qorunmasının, gənc nəslin vətənə və dövlətə sədaqət ruhunda yetişdirilməsinin, cəmiyyətdə həmrəyliyin daha da möhkəmləndirilməsinin vacibliyini qeyd edib. O, qarşıya qoyulan vəzifələrin yerinə yetirilməsində hər bir partiya üzvünün fəal iştirakının və üzərinə düşən məsuliyyəti layiqincə yerinə yetirməsinin əhəmiyyətini vurğulayıb.

Gündəlikdə duran ikinci məsələni müzakirə edən ərazi partiya təşkilatının fəalları növbəti illər üçün YAP Yardımlı rayon təşkilatı üzrə 3 saylı Mərkəzi Rayon Xəstəxana ərazi partiya təşkilatının sədri Orxan Mustafayevin seçilməsini təklif etdilər. Təklif səsə qoyuldu və yekdilliklə qəbul edildi. Yığıncaq iştirakçıları Orxan Mustafayevi seni sədr seçilməsi münasibəti ilə təbrik etdilər.

Sonda vurğulanıb ki, Yeni Azərbaycan Partiyasının hər bir üzvü Prezident İlham Əliyevin rəhbərliyi ilə həyata keçirilən siyasətin dəstəklənməsində, milli həmrəyliyin gücləndirilməsində və ölkəmizin davamlı inkişafının təmin olunmasında fəal mövqe nümayiş etdirməli, Azərbaycanın müstəqilliyinin, ərazi bütövlüyünün və dövlət suverenliyinin qorunmasına öz töhfəsini verməlidir.

Paylaş:

Baxılıb: 60 dəfə

Xəbər lenti

Hamısına bax