YAP Binəqədi rayon təşkilatında “Xocalı soyqırımı: tarixi, siyasi və hüquqi təhlil” mövzusunda konfrans keçirilib

Bakı:

22 °C

68 %

2 m/s

AZ RU EN

Ana səhifə / YAP xəbərləri / YAP Binəqədi rayon təşkilatında “Xocalı soyqırımı: tarixi, siyasi və hüquqi təhlil” mövzusunda konfrans keçirilib

YAP Binəqədi rayon təşkilatında “Xocalı soyqırımı: tarixi, siyasi və hüquqi təhlil” mövzusunda konfrans keçirilib

26.02.2014 [09:44]

Binəqədi rayon İcra Hakimiyyəti, “Xocalıya ədalət!” beynəlxalq təbliğat-təşviqat kampaniyası və Yeni Azərbaycan Partiyası (YAP) Binəqədi rayon təşkilatının birgə təşkilatçılığı ilə “Xocalı soyqırımı: tarixi, siyasi və hüquqi təhlil” adlı konfrans keçirilib.
YAP Binəqədi rayon təşkilatında keçirilən konfransdan əvvəl qonaqlar peşəkar və həvəskar rəssamların əl işlərindən ibarət olan, özündə qanlı Xocalı soyqırımını əks etdirən rəsm əsərləri ilə tanış olublar.
Konfrasda çıxış edən Binəqədi rayon İcra Hakimiyyəti başçısının müavini Vüsal İsmayılov bildirib ki, Xocalı soyqırımı insanlıq əleyhinə törədilmiş bir cinayətdir.
Sonra çıxış edən “Xocalıya ədalət!” beynəlxalq təbliğat-təşviqat kampaniyasının koordinatoru Sevinc İsgəndərova bildirib ki, tanıtım kampaniyası 2008-ci il mayın 8-də Dialoq və Əməkdaşlıq uğrunda İslam Konfransı Gənclər Forumunun Mədəniyyətlərarası Dialoq üzrə baş əlaqələndiricisi Leyla Əliyevanın təşəbbüsü ilə başlanılıb. Kampaniyanın əsas məqsədi bu soyqırımının dünya ictimaiyyətinin diqqətinə çatdırılmasıdır. Son beş ildə kampaniya böyük ugurlara imza atıb, 2009-cu ildə Cenevrədə, 2010-cu ildə Brüsseldə böyük tədbirlər keçirilib. Tədbirlərdə Avropa Parlamentinin deputatları iştirak ediblər. Bu il İndoneziyada məsciddə xütbə oxunub. Hazırda Xocalı soyqırımının beynəlxalq miqyasda tanıdılması üçün Strateji Araşdırmalar Mərkəzi ilə birgə iş aparılır. Bundan başqa Xocalı haqqında roman yazılması istiqamətində də iş aparılacaq.
Daha sonra “Xocalıya ədalət!” beynəlxalq təbliğat-təşviqat kampaniyasının hüquq məsləhətçisi Vusal Qurbanov “Xocalı soyqırımının Beynəlxalq Məhkəmə perspektivindən təhlili” mövzusunda çıxış edib. O, bildirib ki, “Xocalıya ədalət!” beynəlxalq təbliğat-təşviqat kampaniyası artıq “Sosial Həmrəylik” aksiyasına da başlayıb. Xocalıda hər iki valideynini itirmiş 25 şəxs bu gün Binəqədi rayon İcra Hakimiyytində olub və onlardan ikisinə ilböyu müavinət veriləcək. V.Qurbanov deyib ki, Xocalı soyqırımının tanınması istiqamətində təkcə bir il ərzində dünyanın 40 ölkəsində müxtəlif tədbirlər keçirilib. İslam Konfransı Təşkilatı bu cinayətin soyqırımı olması haqda qətnamə qəbul edib. Sonra Pakistan, Meksika, Kolumbiya, Peru kimi dövlətlər Xocalı faciəsini soyqırımı kimi tanıyıb. Bu il isə Honduras Xocalı soyqırımını tanıyan qətnamə qəbul edib. O, “inanırıq ki, bu soyqırımını törədən şəxslər Beynəlxalq Cinayət Məhkəməsi tərəfindən cinayət məsuliyyətinə cəlb olunacaqlar” deyib.
“Xocalı Soyqırımını Tanıtma” İctimai Birliyinin Binəqədi rayon şöbəsinin sədri Ayna Novruzova da bu soyqırımının ermənilər tərəfindən azərbaycanlılara qarşı törədilmiş növbəti etnik təmizləmə aktı olduğunu bildirib.
Konfransda çıxış edən YAP Binəqədi rayon təşkilatının sədri Ramiz Göyüşov deyib ki, bu soyqırımına siyasi və hüquqi qiymət ilk dəfə Ulu ondər Heydər Əliyev tərəfindən verilib. O, çıxışının sonunda gəncləri bu soyqırımının tanıdılması üçün aktiv olmağa və dünya ictimaiyyətinə mütəmadi məlumatları göndərməyə çağırıb.

Paylaş:

Baxılıb: 1709 dəfə