YAP Gədəbəy rayon təşkilatı Çayrəsullu kənd ƏPT-də maarifləndirici görüş keçirildi

Bakı:

30 °C

45 %

11 m/s

Əlaqə

AZ RU EN

Ana səhifə / YAP xəbərləri / YAP Gədəbəy rayon təşkilatı Çayrəsullu kənd ƏPT-də maarifləndirici görüş keçirildi

YAP Gədəbəy rayon təşkilatı Çayrəsullu kənd ƏPT-də maarifləndirici görüş keçirildi

29.06.2026 [12:44]

YAP Gədəbəy rayon təşkilatının Çayrəsullu kənd ərazi partiya təşkilatında "Heydər Əliyevin həyat yolu və siyasi irsi" mövzusunda maarifləndirici görüş keçirildi.

Görüşdə çıxış edən YAP Gədəbəy rayon təşkilatının sədr müavini Zaur Mehdiyev qeyd etdi ki, “Bu gün biz Azərbaycan xalqının Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin həyat yolu və zəngin siyasi irsi haqqında danışmaq üçün bir araya gəlmişik. Heydər Əliyevin fəaliyyəti Azərbaycanın dövlətçilik tarixində xüsusi yer tutur və onun xalqımız qarşısındakı xidmətləri zaman keçdikcə daha aydın görünür.

Heydər Əliyev 1923-cü il mayın 10-da Naxçıvan şəhərində anadan olmuşdur. O, gənclik illərindən yüksək intellekti, təşkilatçılıq qabiliyyəti və vətənpərvərliyi ilə seçilmişdir. Təhsilini uğurla başa vurduqdan sonra müxtəlif məsul vəzifələrdə çalışmış, öz peşəkarlığı ilə daim diqqət mərkəzində olmuşdur.

1969-cu ildə Azərbaycan rəhbərliyinə gələn Heydər Əliyev respublikanın inkişafı üçün genişmiqyaslı islahatlara başladı. Həmin dövrdə sənaye, kənd təsərrüfatı, elm, təhsil və mədəniyyət sahələrində mühüm nailiyyətlər əldə olundu. Azərbaycanın iqtisadi potensialı gücləndi, yeni müəssisələr yaradıldı, minlərlə gəncin nüfuzlu ali məktəblərdə təhsil almasına şərait yaradıldı. Bu dövrdə formalaşdırılan milli kadr potensialı sonrakı illərdə ölkənin inkişafında mühüm rol oynadı.

1982-ci ildə Heydər Əliyev keçmiş Sovet İttifaqının ali rəhbərliyində yüksək vəzifəyə irəli çəkildi. Bu, Azərbaycanın nüfuzunun yüksəlməsinin və onun şəxsi siyasi nüfuzunun göstəricisi idi. Azərbaycan müstəqilliyini bərpa etdikdən sonra ölkə ciddi siyasi və iqtisadi böhranla üzləşmişdi. Dövlətçiliyin itirilməsi təhlükəsi yaranmış, ölkədə sabitlik pozulmuşdu. Belə bir mürəkkəb şəraitdə xalqın tələbi ilə Heydər Əliyev yenidən siyasi hakimiyyətə qayıtdı. 1993-cü ildə onun rəhbərliyə gəlməsi Azərbaycan tarixində dönüş nöqtəsi oldu.

Ümummilli Lider ilk növbədə ölkədə sabitliyin və qanunun aliliyinin təmin edilməsinə nail oldu. Dövlət institutları möhkəmləndirildi, vətəndaş qarşıdurmasının qarşısı alındı və ölkədə inkişaf üçün əlverişli şərait yaradıldı. Heydər Əliyevin həyata keçirdiyi uzaqgörən siyasət nəticəsində Azərbaycan qısa müddətdə beynəlxalq aləmdə etibarlı tərəfdaş kimi tanınmağa başladı.

Ümummilli Liderin siyasi irsinin ən mühüm istiqamətlərindən biri də gənclərə göstərdiyi diqqət və qayğı idi. O, gəncləri Azərbaycanın gələcəyi hesab edir, onların savadlı, vətənpərvər və müasir dünyagörüşlü yetişməsini vacib sayırdı. Bu siyasət bu gün də uğurla davam etdirilir.

Heydər Əliyevin müəyyən etdiyi inkişaf strategiyası hazırda Azərbaycan Respublikasının Prezidenti İlham Əliyev tərəfindən uğurla davam etdirilir. Azərbaycanın beynəlxalq nüfuzunun artması, iqtisadi inkişafı, hərbi gücünün möhkəmlənməsi və ərazi bütövlüyünün bərpası Ulu Öndərin müəyyən etdiyi siyasi kursun uğurlu nəticələrindəndir.

Heydər Əliyevin həyat yolu və siyasi fəaliyyəti Azərbaycan xalqına xidmət nümunəsidir. O, ömrünü dövlətimizin möhkəmlənməsinə, xalqımızın rifahına və Azərbaycanın dünyada layiqli yer tutmasına həsr etmişdir. Bu gün hər bir azərbaycanlı Ümummilli Liderin zəngin irsindən qürur duyur və onun ideyalarının işığında gələcəyə doğru inamla addımlayır.

Əminliklə demək olar ki, Heydər Əliyevin adı Azərbaycan tarixində əbədi yaşayacaq, onun dövlətçilik məktəbi gələcək nəsillər üçün daim örnək olacaqdır.”

Paylaş:

Baxılıb: 158 dəfə