Azərbaycanın qlobal enerji liderliyinin növbəti təsdiqi

Bakı:

24 °C

69 %

14 m/s

Əlaqə

AZ RU EN

Ana səhifə / YAP xəbərləri / Azərbaycanın qlobal enerji liderliyinin növbəti təsdiqi

Azərbaycanın qlobal enerji liderliyinin növbəti təsdiqi

02.06.2026 [17:13]

2026-cı il iyunun 1-də Prezident İlham Əliyev Bakı Enerji Həftəsinin rəsmi açılış mərasimində çıxış edərək Azərbaycanın beynəlxalq enerji sistemində oynadığı mühüm rolu, enerji təhlükəsizliyinə verdiyi töhfələri və gələcək strateji hədəflərini diqqətə çatdırdı. Dövlət başçısının çıxışı ölkəmizin enerji siyasətinin uğurlarını və qlobal enerji əməkdaşlığında artan nüfuzunu bir daha nümayiş etdirdi.

Prezident qeyd etdi ki, vaxtilə yalnız sərgi formatında təşkil olunan tədbir bu gün dünyanın aparıcı enerji platformalarından birinə çevrilərək dövlətləri, beynəlxalq şirkətləri və ekspertləri bir araya gətirir. Xüsusilə “Şahdəniz” layihəsinin 30 illik yubileyinin qeyd olunması Azərbaycanın enerji tarixində mühüm mərhələnin simvolu kimi dəyərləndirildi.

Çıxışda Azərbaycanın enerji təhlükəsizliyi sahəsində etibarlı tərəfdaş kimi qazandığı mövqe xüsusi vurğulandı. Dövlətimizin başçısı bildirdi ki, ölkəmiz enerji resurslarının dünya bazarlarına təhlükəsiz və sabit şəkildə çatdırılması istiqamətində mühüm missiya yerinə yetirir. Bu gün Azərbaycan yalnız enerji ixrac edən ölkə deyil, həm də enerji təhlükəsizliyinin təmin olunmasına töhfə verən məsuliyyətli tərəfdaşdır.

Prezident İlham Əliyev enerji keçidi məsələsinə də toxunaraq ənənəvi enerji resursları ilə bərpaolunan enerji mənbələri arasında balansın qorunmasının vacibliyini qeyd etdi. O vurğuladı ki, dünya iqtisadiyyatı hələ uzun müddət neft və qaz resurslarına ehtiyac duyacaq, eyni zamanda yaşıl enerji layihələrinin inkişafı da prioritet istiqamətlərdən biridir. Azərbaycan bu sahədə praqmatik və uzaqgörən siyasət həyata keçirir.

Dövlət başçısı çıxışında Azərbaycanın enerji gəlirlərindən səmərəli istifadə etdiyini, həmin vəsaitlərin iqtisadi inkişafın təmin olunmasına, sosial rifahın yüksəldilməsinə və yeni enerji layihələrinin maliyyələşdirilməsinə yönəldildiyini diqqətə çatdırdı. Bu yanaşma ölkəmizin dayanıqlı inkişaf modelinin əsasını təşkil edir və Azərbaycanı enerji sahəsində uğurlu nümunələrdən birinə çevirir.

Bakı Enerji Həftəsində səsləndirilən fikirlər bir daha göstərdi ki, Azərbaycan qlobal enerji gündəliyinin formalaşmasında fəal iştirak edən, beynəlxalq əməkdaşlığa açıq və etibarlı tərəfdaş kimi mövqeyini daim möhkəmləndirən dövlətdir. Prezident İlham Əliyevin çıxışı ölkəmizin enerji strategiyasının gələcəyə hesablanmış, milli maraqlara əsaslanan və beynəlxalq tərəfdaşlıq ruhunu əks etdirən uğurlu siyasət olduğunu bir daha təsdiqlədi.

Sevinc Xəlilova

YAP Samux rayon təşkilatının sədr müavini

Paylaş:

Baxılıb: 477 dəfə