Goranboyda

Bakı:

21 °C

50 %

6 m/s

Əlaqə

AZ RU EN

Ana səhifə / YAP xəbərləri / Goranboyda "Prezident İlham Əliyev - Böyük Qayıdışın memarı" mövzusunda tədbir keçirilib

Goranboyda "Prezident İlham Əliyev - Böyük Qayıdışın memarı" mövzusunda tədbir keçirilib

22.05.2026 [11:27]

Yeni Azərbaycan Partiyası Kəlbəcər rayon təşkilatının təşəbbüsü ilə bu Goronboy rayonun Xanqərvənd kəndində fəaliyyət göstərən Kəlbəcər rayon orta məktəbində "Prezident İlham Əliyev - Böyük Qayıdışın memarı" tədbir keçirilib.

Tədbirdə YAP Kəlbəcər rayon təşkilatının sədri Həbib Misirov məktəbin direktoru Fərqanə Məmmədova və məktəbin pedaqoji kollektivi iştirak ediblər.

Əvvəlcə xalqımızın Ümummilli Lideri Heydər Əliyevin və torpaqlarımızın azadlığı, suverenliyi və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.Tədbirdə çıxış edən YAP Kəlbəcər rayon təşkilatının sədri Həbib Misirov Azərbaycan xalqının çətin və taleyüklü dönəmlərində Ümummilli Lider Heydər Əliyevin xidmətlərindən danışaraq qeyd etdi ki, onun hakimiyyətə qayıdışından sonra ölkəmiz parçalanmaq və dövlətçiliyimizi itirmək təhlükəsindən xilas oldu. Ulu Öndər Heydər Əliyev müstəqil Azərbaycan dövlətini möhkəm təməllər üzərində quraraq müstəqilliyimizi daha da möhkəmləndirdi. Bu gün onun qurub yaratdığı müstəqil Azərbaycan dövləti onun siyasi kursunun layiqli davamçısı olan Prezident İlham Əliyevin rəhbərliyi ilə uğurla inkişaf edir. Müzəffər Ali Baş Komandan İlham Əliyev ata vəsiyyətini layiqincə yerinə yetirərək torpaqlarımızı işğaldan azad etdi, ölkəmizin ərazi bütövlüyünü və suverenliyini tam bərpa etdi. Bu gün Prezident cənab İlham Əliyevin rəhbərliyi ilə Qarabağ və Şərqi Zəngəzurda genişmiqyaslı quruculuq və bərpa işləri həyata keçirilir. Sədr qeyd etdi ki, işğaldan azad olunmuş ərazilərimizdə yeni infrastruktur layihələri icra olunur, məktəblər, sosial obyektlər və müasir yaşayış kompleksləri tikilərək insanların istifadəsinə verilir.Sədr Həbib Misirov vurğulayıb ki, Prezident İlham Əliyevin qətiyyətli siyasəti nəticəsində Azərbaycan hərb sahəsində, təhsil, mədəniyyət, sosial və humanitar istiqamətlərdə də böyük nailiyyətlər əldə edib. O, xüsusilə işğaldan azad edilmiş ərazilərdə təhsil mühitinin yenidən formalaşdırılmasının dövlətin prioritet istiqamətlərindən biri olduğunu diqqətə çatdırıb.

Məktəbin direktoru Fərqanə Məmmədova çıxışında qeyd edib ki, Ümummilli Lider Heydər Əliyevin müəyyən etdiyi siyasi kurs bu gün Prezident İlham Əliyev tərəfindən uğurla davam etdirilir. Bildirilib ki, dövlət başçısının rəhbərliyi ilə qazanılan tarixi Zəfər Azərbaycan xalqını qalib xalq kimi dünyaya tanıdıb.

Direktor Fərqanə Məmmədova həmçinin vurğulanıb ki, Birinci vitse-prezident Mehriban xanım Əliyevanın və Heydər Əliyev Fondunun təşəbbüsü ilə ölkəmizdə təhsil, sosial-mədəni və humanitar sahələrdə mühüm layihələr həyata keçirilir, Azərbaycan həqiqətlərinin dünya ictimaiyyətinə çatdırılması istiqamətində ardıcıl işlər görülür. İşğaldan azad edilmiş bölgələrdə yeni məktəb binalarının tikilməsi və təhsil infrastrukturunun yenilənməsi xüsusi qeyd olunub.
Sonda Yeni Azərbaycan Partiyasının fəaliyyətində fəallığı ilə seçilən bir qrup partiya üzvünə Fəxri fərmanlar təqdim edilib.

Paylaş:

Baxılıb: 267 dəfə