YAP Tərtər rayon təşkilatının geniş tərkibli Şura iclası keçirilib

Bakı:

25 °C

57 %

7 m/s

Əlaqə

AZ RU EN

Ana səhifə / YAP xəbərləri / YAP Tərtər rayon təşkilatının geniş tərkibli Şura iclası keçirilib

YAP Tərtər rayon təşkilatının geniş tərkibli Şura iclası keçirilib

11.01.2014 [09:50]

Ramiz Şabanov: Ölkəmizin əldə etdiyi hər bir uğurda Heydər Əliyev ideyalarının daşıyıcısı olan Yeni Azərbaycan Partiyasının və onun çoxminli üzvlərinin əməyi var
Dünən Yeni Azərbaycan Partiyası (YAP) Tərtər rayon təşkilatının geniş tərkibli Şura iclası keçirilib. Partiyanın rayon təşkilatı Şurasının, Qadınlar Şurası, Gənclər Birliyi, Nəzarət-Təftiş Qrupunun üzvlərinin, ərazi ilk partiya təşkilat sədrlərinin iştirak etdikləri iclası giriş sözü ilə açan YAP Tərtər rayon təşkilatının sədri Ramiz Şabanov 2013-cü ildə görülən işlər və qarşıda duran vəzifələrə dair hesabat məruzəsi ilə çıxış edib.
Natiq qeyd edib ki, 2013-cü il ölkəmizin və xalqımızın tarixində uğurlu il olmaqla yanaşı, eyni zamanda, bir çox yaddaqalan hadisələrlə də zəngin olub. Məhz bu ildə ölkəmizin beynəlxalq aləmdə nüfuzu və siyasi çəkisi daha da artıb, Azərbaycan iqtisadi inkişafı ilə təkcə öz əhalisinin maddi rifah halının yaxşılaşdırılması ilə deyil, həm də dünya ölkələrinin enerji təchizatında önəmli rol oynayaraq burada da söz sahibinə çevrilib: “Əlbəttə, Azərbaycanın əldə etdiyi uğurların təminatçısı dövlətimizin qurucusu Ulu öndər Heydər Əliyevin uzaqgörən ideyalarının ardıcıl həyata keçirilməsi, bu istiqamətdə partiyamızın Sədri, ölkə başçısı İlham Əliyev cənablarının ortaya qoyduğu iradə və həyata keçikdiyi böyük işlərdir. Qeyd etmək lazımdır ki, ölkəmizin əldə etdiyi hər bir uğurda Heydər Əliyev ideyalarının daşıyıcısı olan Yeni Azərbaycan Partiyasının və onun çoxminli üzvlərinin əməyi var. Azərbaycan xalqının ziyalı, qabaqcıl, vətənpərvər təbəqələrinin nümayəndələrini öz sıralarında birləşdirən YAP yarandığı ilk gündən ölkəmizin sürətli inkişafı və xalqımızın sosial rifah halının yaxşılaşdırılması istiqamətində ardıcıl siyasət yürüdür”.
“YAP Tərtər rayon təşkilatı da 2013-cü ildə partiyanın Proqram və Nizamnaməsinə, partiyanın V qurultayının qərarlarına uyğun olaraq Azərbaycan Respublikasının mövcud qanunları əsasında fəaliyyət göstərib”, - deyən Ramiz Şabanov onu da qeyd edib ki, 2014-cü ilə qədəm qoymuşuq, cari ildə ölkəmizin hər yerində olduğu kimi Tərtər rayonunda da aparılan abadlıq, quruculuq işləri sürətlə davam etməkdədir: “YAP rayon təşkilatının 2014-cü ildə də fəaliyyəti zəngin tədbirlərlə əhatə olunacaq. Belə ki, 2014-cü ildə cari məsələlərlə yanaşı, ölkəmizin yerli özünüidarəetmə sahəsində əhəmiyyətli xarakter daşıyan bələdiyyə seçkiləri keçiriləcək. Rayon təşkilatı, onun ərazi ilk partiya təşkilatları bələdiyyə seçkilərində də YAP nümayəndələrinin parlaq qələbəsini təmin etmək məqsədilə indidən hər bir yaşayış məntəqəsində güclü təbliğat-təşviqat işlərinə start verməlidirlər”.
Daha sonra YAP Tərtər rayon təşkilatı Nəzarət-Təftiş Qrupunun sədri Adil Hüseynov, rayon təşkilatının Şura üzvü Faiq Məmmədov və başqaları məruzə ətrafında çıxış ediblər. Çıxışlarda qeyd olunub ki, hazırda 84 ərazi ilk partiya təşkilatında 5273 nəfər üzv var. Onlardan 2713 nəfəri qadınlar, 1324 nəfəri isə gənclərdir.
Şura iclasında rayon təşkilatının sədri Ramiz Şabanovun hesabatının təsdiq olunması və qarşıda duran vəzifələrlə bağlı müvafiq qərar qəbul edilib.
Nadir AZƏRİ

Paylaş:

Baxılıb: 1347 dəfə