Sabunçuda “Ulu Öndər Heydər Əliyev: Müasir Azərbaycanın memarı” adlı tədbir keçirilib

Bakı:

21 °C

68 %

2 m/s

Əlaqə

AZ RU EN

Ana səhifə / YAP xəbərləri / Sabunçuda “Ulu Öndər Heydər Əliyev: Müasir Azərbaycanın memarı” adlı tədbir keçirilib

Sabunçuda “Ulu Öndər Heydər Əliyev: Müasir Azərbaycanın memarı” adlı tədbir keçirilib

08.05.2026 [19:14]

Sabunçu Rayon İcra Hakimiyyəti və YAP Sabunçu rayon təşkilatının birgə təşkilatçılığı ilə “Şəhərsalma və Memarlıq ili” çərçivəsində Ümummilli Lider Heydər Əliyevin anadan olmasının 103 illiyinə həsr olunmuş “Ulu Öndər Heydər Əliyev: Müasir Azərbaycanın memarı” adlı tədbir keçirilib.

Əvvəlcə iştirakçılar Ümummilli Lider Heydər Əliyevin abidəsini ziyarət edib, önünə gül dəstələri düzərək xatirəsini dərin ehtiramla yad ediblər.

Tədbirdə Ulu Öndər Heydər Əliyevin və ölkəmizin ərazi bütövlüyü, suverenliyi uğrunda canlarından keçmiş şəhidlərin xatirəsi bir dəqiqəlik sükutla yad olunub. Azərbaycan Respublikasının Dövlət Himni səsləndirilib.

Daha sonra Ümummilli Liderin zəngin həyat və siyasi fəaliyyətindən bəhs edən videoçarx nümayiş olunub.

Tədbirdə Sabunçu Rayon İcra Hakimiyyətinin başçısı Adil Vəliyev, YAP Sabunçu rayon təşkilatının sədri Araz Xudadanov, YAP Sabunçu rayon təşkilatı aparatının əməkdaşları, Rayon İcra Hakimiyyəti başçısının müavinləri, Sabunçu rayon hüquq-mühafizə orqanlarının rəhbərləri, şəhid ailələri, qazilər və müharibə iştirakçıları, təhsil, səhiyyə, mədəniyyət, xidmət və digər müəssisələrin rəhbərləri, YAP fəalları və rayon ictimaiyyətinin digər nümayəndələri iştirak ediblər.

Tədbiri giriş nitqi ilə açan Sabunçu Rayon İcra Hakimiyyətinin başçısı Adil Vəliyev bildirib ki, müasir Azərbaycanın memarı Ümumilli Lider Heydər Əliyev bu gün bütün dünyaya səs salmış müasir və müstəqil Azərbaycanın qurulması, inkişafı və tərəqqisində əvəzsiz rol oynamış, ictimai-siyasi, sosial-iqtisadi fəlakət astanasında olan Azərbaycanı uçurumdan, yox olmaqdan, daxili çəkişmələrdən xilas etmişdir. Ulu Öndərin iradəsi, cəsarəti və qətiyyəti, uzaqgörən və müdrik siyasəti nəticəsində xalqımızın Qarabağ həsrətinə son qoyulduğunu vurğuluyan A.Vəliyev Müzəffər Ali Baş Komandan cənab İlham Əliyevin rəhbərliyi ilə Azərbaycanın dünyanın ən qüdrətli, surətlə inkişaf edən, aparıcı dövlətə çevrildiyini, hər birimizin bugünkü Azərbaycanımıza görə Ulu Öndərimizə, ölkəmizin parlaq gələcəyinə görə isə cənab Prezident İlham Əliyevə minnətdar olduğumuzu qeyd edib.

Çıxış edən YAP Sabunçu rayon təşkilatının sədri Araz Xudadanov qeyd edib ki, Azərbaycanlı olması ilə daim qürur duyan bu böyük şəxsiyyət həyatının 40 ildən artıq bir dövrünü ölkəmizin tərəqqisi naminə apardığı mübarizəyə həsr etmişdir. Ulu Öndər Heydər Əliyevin hakimiyyətdə olduğu 30 illik dövrü xalqımızın illərlə həsrətini çəkdiyi dövlət müstəqilliyinin əldə edilməsi, onun inkişafı və yüksəlişi naminə apardığı mübarizələr və qələbələr tarixi kimi vurğulayan A.Xudadanov Ulu Öndərin xalqın təkidi ilə 1993-cü il 15 iyun tarixində ikinci dəfə siyasi hakimiyyətə qayıdışının müstəqil Azərbaycanın tarixinə qızıl hərflərlə yazıldığını diqqətə çatdırıb. Vurğulanıb ki, bu gün həyata keçirilən ardıcıl və məqsədyönlü siyasət göstərir ki, Ümummilli Lider Heydər Əliyevin ideyaları yaşayır və müasir dövrün tələblərinə uyğun şəkildə inkişaf etdirilir.

Tədbir Cahangir Cahangirov adına xor qrupunun və Müslüm Maqomayev adına Filarmoniyanın kamera orkestrinin kiçik heyətinin iştirakı ilə ədəbi-bədii proqram ilə davam edib.

Paylaş:

Baxılıb: 426 dəfə