Tovuzda Ulu Öndər Heydər Əliyevin anadan olmasının 103-cü ildönümü qeyd edilib

Bakı:

21 °C

49 %

3 m/s

Əlaqə

AZ RU EN

Ana səhifə / YAP xəbərləri / Tovuzda Ulu Öndər Heydər Əliyevin anadan olmasının 103-cü ildönümü qeyd edilib

Tovuzda Ulu Öndər Heydər Əliyevin anadan olmasının 103-cü ildönümü qeyd edilib

08.05.2026 [17:52]

Tovuz rayonunda Ümummilli Lider Heydər Əliyevin anadan olmasının 103-cü ildönümü münasibətilə tədbir keçirilib.

Tovuz Rayon İcra Hakimiyyəti, Yeni Azərbaycan Partiyası Tovuz Rayon Təşkilatı və Qazax-Tovuz Regional Mədəniyyət İdarəsinin birgə təşkilatçılığı ilə keçirilən tədbirdə Tovuz Rayon İcra Hakimiyyətinin başçısı Məmməd Məmmədov, YAP Tovuz Rayon Təşkilatının sədri Nihad Pənahov, rayonun hüquq-mühafizə orqanlarının rəhbərləri, idarə, müəssisə və təşkilat nümayəndələri, eləcə də ictimaiyyət təmsilçiləri iştirak ediblər.

Əvvəlcə tədbir iştirakçıları Ümummilli Lider Heydər Əliyevin abidəsini ziyarət edərək önünə gül dəstələri düzüblər. Tədbir çərçivəsində Ümummilli Lider Heydər Əliyevə həsr olunmuş rəsm və kitab sərgisi nümayiş etdirilib, iştirakçılar sərgi ilə yaxından tanış olublar.

Azərbaycan Respublikasının dövlət himni səsləndirilib, Ümummilli Lider Heydər Əliyevin və Vətənimizin azadlığı uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan rayon İcra Hakimiyyətinin başçısı Məmməd Məmmədov bildirib ki, Ulu Öndərin əziz xatirəsi xalqımız tərəfindən daim böyük ehtiram və sonsuz minnətdarlıq hissi ilə anılır. O qeyd edib ki, Heydər Əliyev bütün mənalı ömrünü Azərbaycan dövlətinin möhkəmlənməsinə, xalqın rifahına və ölkənin davamlı inkişafına həsr edib. Rayon rəhbəri Ulu Öndərin hakimiyyətdə olduğu hər iki dövrdə həyata keçirdiyi uzaqgörən siyasətdən, milli maraqlara söykənən inkişaf strategiyasından və dövlətçilik tariximizdəki misilsiz xidmətlərindən bəhs edib.

YAP Tovuz Rayon Təşkilatının sədri Nihad Pənahov çıxışında bildirib ki, Ümummilli Lider Heydər Əliyev Azərbaycan tarixində dövlətçilik düşüncəsini formalaşdıran böyük siyasi xadim kimi mühüm yer tutur. O qeyd edib ki, Ulu Öndərin uzaqgörən siyasəti nəticəsində ölkədə sabitlik təmin olunub, dövlət institutları möhkəmləndirilib və milli inkişafın əsası qoyulub. Bildirilib ki, bu gün Prezident İlham Əliyev tərəfindən həmin siyasi kurs uğurla davam etdirilir, Azərbaycan hərtərəfli inkişaf yolunda inamla irəliləyir.

Daha sonra çıxış edən Tovuz rayonu üzrə təhsil sektorunun müdiri Aysel Quliyeva, Tarix-Diyarşünaslıq Muzeyinin direktoru Günel Qasımova, “Tovuz Rayon Mərkəzi Xəstəxanası” PHŞ-nin direktor müavini Kəmalə Abbasova, Tovuz Dövlət Aqrar İnkişaf Mərkəzinin direktor müavini Vüqar Əhmədov, A.Hüseynov adına Aşağı Öysüzlü kənd tam orta ümumtəhsil məktəbinin direktoru Səhər İmamverdiyeva və YAP partiya veteranı Valeh Rzayev çıxış edərək bildiriblər ki, Ümummilli Lider Heydər Əliyevin zəngin siyasi irsi bu gün də Azərbaycan dövlətçiliyinin inkişafında mühüm rol oynayır. Qeyd olunub ki, Ulu Öndərin müəyyən etdiyi siyasi kurs Prezident İlham Əliyev tərəfindən uğurla davam etdirilir, ölkəmiz hərtərəfli inkişaf və tərəqqi yolunda inamla irəliləyir. Çıxışlarda Heydər Əliyevin milli-mənəvi dəyərlərin qorunması, gənclərin vətənpərvərlik ruhunda tərbiyəsi, təhsil, səhiyyə və digər sahələrin inkişafı istiqamətində həyata keçirdiyi mühüm xidmətlər xüsusi vurğulanıb.

Tədbirdə Ulu Öndər Heydər Əliyevin həyat və fəaliyyətindən bəhs edən film nümayiş etdirilib.

Tədbir rayonun mədəniyyət işçilərinin hazırladığı konsert proqramı ilə davam etdirilib.

Paylaş:

Baxılıb: 265 dəfə