YAP Ağcabədi rayon təşkilatında partiya veteranları ilə gənclərin görüşü keçirilib

Bakı:

27 °C

46 %

4 m/s

Əlaqə

AZ RU EN

Ana səhifə / YAP xəbərləri / YAP Ağcabədi rayon təşkilatında partiya veteranları ilə gənclərin görüşü keçirilib

YAP Ağcabədi rayon təşkilatında partiya veteranları ilə gənclərin görüşü keçirilib

10.04.2026 [13:03]

Aprel ayının 9-də Yeni Azərbaycan Partiyası Ağcabədi rayon təşkilatında partiya veteranları ilə gənclərin görüşü təşkil edilib.

Görüşün əvvəlində Azərbaycan Dövlət himni səsləndirilmiş, Ümummilli Lider Heydər Əliyevin və Azərbaycan Respublikasının azadlığı və ərazi bütövlüyü uğrunda canlarını fəda etmiş şəhidlərin xatirəsi 1 dəqiqəlik sükutla yad etdilmişdir.

YAP Ağcabədi rayon təşkilatının sədri Rövşən Əhmədov çıxış edərək, Yeni Azərbaycan Partiyasının müasir Azərbaycanın inkişafında mühüm rol oynadığını qeyd etdi. Partiyanın veteran üzvlərinin dövlətimizin inkişafı yolunda əvəzsiz fəaliyyətləri, verdikləri töhfələrdən, Ümummilli Lider Heydər Əliyev irsinin öyrənilməsi və təbliği işində əvəzsiz rolu barədə ətraflı məlumat verdi.

Görüşdə partiya veteranları Tofiq Zeynalov, Əli Bədəlov, Səfa Zeynalov çıxış edərək, onları gənclərlə görüşə dəvət etdikləri üçün təşkilat rəhbərliyinə minnətdarlıqlarını bildirmiş, əsası Ulu Öndər Heydər Əliyev tərəfindən qoyulan Yeni Azərbaycan Partiyası sıralarında uzun müddət fəaliyyət göstərdiklərindən qürur duyduqlarını bildirmişlər. Partiya veteranları çıxışlarında Ölkə Prezidenti, Müzəffər Ali Baş Komandan cənab İlham Əliyevin rəhbərliyi ilə qəhrəman ordumuz tərəfindən 30 ildən artıq Erməni işğalında qalmış torpaqlarımızın azad edilməsində gənclərin böyük fədakarlıq göstərdiklərini qeyd etmiş, eyni zamanda gənclərə vətənpərvər olmağı, ərazi bütövlüyünə qovuşmuş ölkəmizin gələcək inkişafı naminə əzmlə çalışmağı, elm və təhsilə önəm verməyi, ictimai işlərdə fəal olmağa, Yeni Azərbaycan Partiyası ətrafında sıx birləşərək, ölkəmizin müstəqilliyi və suverenliyi uğrunda bütün qüvvələrini sərf etməyə səsləmişlər.

Ağcabədi Pedoqoji Kolleci ƏPT-nin sədri Rövşən Bayramov, gənclər adından isə, Xankəndi şəhər 1 nömrəli Körpələr evi-uşaq bağçasının tərbiyəçi müəllimi Asiya Şirinova və Azərbaycan Dövlət Pedoqoji Universitetinin Ağcabədi filialının tələbəsi Susana Süleymanzadə çıxış edərək bildirdilər ki, partiya veteranlarının təcrübəsi, bilikləri və Heydər Əliyev ideyalarına sadiqliyi gənc nəsil üçün örnəkdir və bu dəyərlərin yaşadılmasında onların üzərinə böyük məsuliyyət düşür. Çıxışlarda vurğulandı ki, gənclər partiya veteranlarından nümunə götürərək, onların yolunu davam etdirəcək, Vətənimiz üçün laiqli vətəndaş olmaq üçün səylə çalışacaqlar.

Tədbirdə rayonun ictimai-siyasi həyatında fərqlənən və yubiley yaşı tamam olan bir qrup partiya veteranına, gənc YAP fəalına Fəxri Fərman və hədiyyələr, həmçinin gənc könüllülərə isə Sertifikatlar və hədiyyələr təqdim edildi.

Tədbir Yeni Azərbaycan Partiyasının Himninin səslənməsi ilə başa çatmışdır.

Sonda tədbir iştirakçıları YAP Ağcabədi rayon təşkilatının inzibati binasının qarşısında xatirə şəkili çəkdirmişlər.

Paylaş:

Baxılıb: 537 dəfə