Tarixən güclü bağlara malik olan Azərbaycan-Gürcüstan münasibətləri müasir kontekstdə

Bakı:

23 °C

56 %

10 m/s

Əlaqə

AZ RU EN

Ana səhifə / YAP xəbərləri / Tarixən güclü bağlara malik olan Azərbaycan-Gürcüstan münasibətləri müasir kontekstdə

Tarixən güclü bağlara malik olan Azərbaycan-Gürcüstan münasibətləri müasir kontekstdə

08.04.2026 [16:27]

Tarixən Cənubi Qafqaz regionu müxtəlif xalqların mədəni, iqtisadi və siyasi baxımdan qarşılıqlı təsir göstərdiyi mühüm coğrafi məkan olmuşdur. Bu regionda yaşayan Azərbaycan və gürcü xalqları əsrlər boyu mehriban qonşuluq, qarşılıqlı hörmət və əməkdaşlıq prinsiplərinə əsaslanan münasibətlər qurmuşlar. Bu münasibətlər təkcə coğrafi yaxınlıqdan irəli gəlməyərək, eyni zamanda ortaq dəyərlər, tarixi təcrübələr və regional maraqlar üzərində formalaşmışdır.

Azərbaycan-Gürcüstan münasibətlərinin kökləri qədim dövrlərə gedib çıxır. Ticarət yolları, xüsusilə İpək Yolunun keçdiyi ərazilər bu iki xalq arasında iqtisadi və mədəni əlaqələrin inkişafına mühüm töhfə vermişdir. Orta əsrlərdən başlayaraq, hər iki xalq müxtəlif imperiyaların təsiri altında yaşasa da, öz milli kimliyini qoruyaraq bir-birinə qarşı dost münasibətini saxlamışdır. Bu ənənə müasir dövrümüzdə də uğurla davam etdirilir.

Müstəqillik dövründə Azərbaycan ilə Gürcüstan arasında münasibətlər yeni mərhələyə qədəm qoymuşdur. Xüsusilə, Ümummilli Lider Heydər Əliyev tərəfindən əsası qoyulan xarici siyasət kursu çərçivəsində Gürcüstanla əlaqələrin inkişafına xüsusi önəm verilmişdir. Onun uzaqgörən siyasəti nəticəsində iki ölkə arasında siyasi dialoq gücləndirilmiş, enerji və nəqliyyat sahələrində strateji əməkdaşlığın təməli qoyulmuşdur. Bakı-Tbilisi-Ceyhan neft kəməri və digər regional layihələr məhz bu siyasətin uğurlu nəticəsi kimi tarixə düşmüşdür.

Ulu Öndər Heydər Əliyevin Gürcüstan rəhbərliyi ilə qurduğu qarşılıqlı etimada əsaslanan münasibətlər bu gün də öz bəhrəsini verməkdədir. Onun təşəbbüsləri nəticəsində Azərbaycan və Gürcüstan yalnız qonşu dövlətlər deyil, eyni zamanda etibarlı strateji tərəfdaşlara çevrilmişdir. Bu münasibətlər regionda sabitliyin və təhlükəsizliyin təmin olunmasında mühüm rol oynayır.

Bu siyasi kurs bu gün də Azərbaycan Respublikasının Prezidenti cənab İlham Əliyev tərəfindən uğurla davam etdirilir.Cənab Prezident İlham Əliyevin 6 aprel 2026-cı il tarixində Gürcüstana həyata keçirdiyi dövlət səfəri Azərbaycan-Gürcüstan münasibətlərinin daha da möhkəmləndirilməsi baxımından xüsusi əhəmiyyət daşıyır. Bu səfər çərçivəsində aparılan yüksək səviyyəli görüşlər, imzalanan sənədlər və verilən bəyanatlar iki ölkə arasında strateji tərəfdaşlığın yeni mərhələyə qədəm qoyduğunu göstərir.

Səfərin əsas məqamlarından biri enerji təhlükəsizliyi sahəsində əməkdaşlığın genişləndirilməsi olmuşdur. Azərbaycan Avropanın enerji təminatında mühüm rol oynayan ölkə kimi Gürcüstan üzərindən həyata keçirdiyi layihələrlə regionun geosiyasi əhəmiyyətini artırır. Bu baxımdan Gürcüstan Azərbaycanın etibarlı tranzit tərəfdaşı kimi çıxış edir və bu əməkdaşlıq hər iki ölkənin iqtisadi inkişafına xidmət edir.

Bununla yanaşı, nəqliyyat və logistika sahəsində əməkdaşlıq da səfərin mühüm istiqamətlərindən biri olmuşdur. Orta Dəhliz layihəsi çərçivəsində Azərbaycan və Gürcüstanın rolu getdikcə artır və bu istiqamətdə atılan addımlar regionun qlobal ticarət marşrutlarında əhəmiyyətini daha da gücləndirir. Bu əməkdaşlıq yalnız iqtisadi deyil, həm də siyasi baxımdan region dövlətlərinin müstəqilliyini və dayanıqlığını möhkəmləndirir.

Humanitar və mədəni sahədə əlaqələrin inkişafı da xüsusi diqqət mərkəzində olmuşdur. Azərbaycan və gürcü xalqları arasında mövcud olan tarixi dostluq münasibətləri bu gün də xalqlar arasında qarşılıqlı səfərlər, mədəni tədbirlər və təhsil layihələri vasitəsilə davam etdirilir. Bu, iki xalq arasında etimadın və qarşılıqlı əlaqələrin daha da güclənməsinə şərait yaradır.

Nəticə etibarilə, Cənab Prezident İlham Əliyevin Gürcüstana dövlət səfəri Azərbaycan-Gürcüstan münasibətlərinin strateji mahiyyətini bir daha təsdiqləmişdir. Bu səfər təkcə mövcud əlaqələrin möhkəmləndirilməsi deyil, həm də gələcək əməkdaşlıq istiqamətlərinin müəyyənləşdirilməsi baxımından mühüm əhəmiyyət kəsb edir. Əsası Ulu Öndər Heydər Əliyev tərəfindən qoyulan dostluq və tərəfdaşlıq münasibətləri bu günCənab Prezident İlham Əliyev tərəfindən uğurla davam etdirilərək yeni zirvələrə yüksəlir və regionda sülh, sabitlik və inkişafın təmin olunmasına xidmət edir.

David Həsənov

YAP Naxçıvan şəhər təşkilatının əməkdaşı

Paylaş:

Baxılıb: 267 dəfə