YAP gəncləri Masallıda “Heydər Əliyev-Dahi şəxsiyyət” mövzusunda anım tədbiri keçiriblər

Bakı:

26 °C

69 %

3 m/s

Əlaqə

AZ RU EN

Ana səhifə / YAP xəbərləri / YAP gəncləri Masallıda “Heydər Əliyev-Dahi şəxsiyyət” mövzusunda anım tədbiri keçiriblər

YAP gəncləri Masallıda “Heydər Əliyev-Dahi şəxsiyyət” mövzusunda anım tədbiri keçiriblər

12.12.2013 [09:30]

Yeni Azərbaycan Partiyası (YAP) Masallı rayon təşkilatında Ulu öndər Heydər Əliyevin xatirəsini anım gününə həsr olunmuş “Heydər Əliyev-Dahi şəxsiyyət” mövzusunda tədbir keçirilib. Tədbiri giriş sözü ilə YAP Masallı rayon təşkilatı Gənclər Birliyinin sədr müavini Cəlal Əliyev açıb. Natiq öz çıxışında qeyd edib ki, xalqı tarixdə yaşadan onun böyük şəxsiyyətləridir: “Azərbaycan xalqının dahi şəxsiyyətlərindən biri də xalqımızın böyük oğlu, Ulu öndər Heydər Əliyevdir”.
C.Əliyev daha sonra müasir müstəqil Azərbaycan dövlətinin memarı və qurucusu olan Heydər Əliyevin adının xalqımızın yaddaşına əbədi həkk olunduğunu, Azərbaycan xalqının hər zaman Ulu öndərin xatirəsini dərin hörmət və ehtiramla yad etdiyini bildirib.
Gənc YAP üzvü Fəxrəddin Eyvazov isə məruzəsində qeyd edib ki, Azərbaycanın yeni tarixinin böyük bir mərhələsi bilavasitə Ulu öndər Heydər Əliyevin adı ilə bağlıdır: “Ümummilli liderimizin adı özünü azərbaycanlı sayan hər bir kəsin qəlbində səmimiyyəti, alicənablığı, vətənpərvərliyi və bütün digər yüksək insani keyfiyyətləri ilə unudulmaz izlər buraxıb. Bu dahi insanın adı Azərbaycan xalqının simvoluna, əməlləri isə şəxsi hünər rəmzinə çevrilib, həyat və fəaliyyəti doğma xalqına və torpağa məhəbbət və sədaqət meyarı olub. Heydər Əliyevin sarsılmaz polad iradəsi və qətiyyəti, xalqın tərəqqisi yolunda yorulmaq bilmədən çalışması, fədakar əməyi sayəsində müasir Azərbaycanın bünövrəsi ucaldılıb. Bu qüdrətli şəxsiyyətin müəyyən etdiyi yol dinamik inkişafı təmin edən strateji xətt olaraq ölkəmizə və xalqımıza daim uğur gətirib. Zəngin hadisələrlə dolu gərgin dövrdə Heydər Əliyev Azərbaycan dövlətini və millətini zamanın ən çətin sınaqlarından məharətlə çıxararaq ölkəmizin ictimai-siyasi, iqtisadi və mədəni-mənəvi tərəqqisinə nail olub”.
Sonra fəal YAP üzvlərindən Nemət Abdullayev, Yafəs Kərimov, Sərvər Mürşüdov, Zeynal Abbasov, Flora İbadova, Hikmət Babayev və başqaları çıxış edərək Ulu öndər Heydər Əliyevin Azərbaycan xalqı və dövlətimiz qarşısında misilsiz xidmətlərindən danışıblar. Qeyd olunub ki, Ümummilli liderimiz Heydər Əliyev xalqın tələbi ilə ikinci dəfə hakimiyyətə gələrək, Özünün siyasi bacarığı və gücü sayəsində ölkəni vətəndaş müharibəsi təhlükəsindən, ictimai-siyasi pərakəndəlikdən xilas edə bildi. O, Öz fəaliyyəti ilə müstəqil Azərbaycanın tarixində silinməz izlər qoydu, bütün bu illər ərzində əsl rəhbər kimi Azərbaycan həqiqətlərini qətiyyətlə bütün dünyaya tanıda bildi. Azərbaycan xalqı hər zaman Ulu öndərimizi rəğbətlə anacaq, Onun xatirəsini hər zaman uca tutacaq.
Səlim Loğmanoğlu

Paylaş:

Baxılıb: 1303 dəfə