Azərbaycan tarixində qadınların qəhrəmanlığı və fədakarlığı

Bakı:

25 °C

73 %

5 m/s

Əlaqə

AZ RU EN

Ana səhifə / YAP xəbərləri / Azərbaycan tarixində qadınların qəhrəmanlığı və fədakarlığı

Azərbaycan tarixində qadınların qəhrəmanlığı və fədakarlığı

06.03.2026 [14:24]

Toğrul Zeynalov

YAP Ağdam rayon təşkilatının əməkdaşı

Hər il dünyanın müxtəlif ölkələrində qeyd olunan Beynəlxalq Qadınlar Günü qadınların cəmiyyət həyatında oynadığı mühüm rolu, onların hüquq və azadlıqları uğrunda apardıqları mübarizəni və əldə etdikləri nailiyyətləri xatırladan əlamətdar günlərdən biridir. 8 mart tarixi təkcə bir bayram deyil, eyni zamanda qadınların bəşəriyyətin inkişafına verdiyi töhfələrin qiymətləndirildiyi, onların əməyinə və fədakarlığına ehtiramın ifadə olunduğu xüsusi bir gündür. Müasir dünyada qadınlar siyasət, iqtisadiyyat, elm, mədəniyyət və digər sahələrdə fəal iştirak edərək cəmiyyətlərin inkişafına mühüm töhfələr verirlər.

Azərbaycan cəmiyyətində də qadınların rolu hər zaman yüksək qiymətləndirilib. Tarix boyu Azərbaycan qadınları ailənin mənəvi dayağı olmaqla yanaşı, ölkənin ictimai-siyasi həyatında da mühüm mövqe tutublar. Azərbaycan qadını öz zəhmətkeşliyi, müdrikliyi və vətənpərvərliyi ilə seçilərək milli-mənəvi dəyərlərin qorunub saxlanılmasında mühüm rol oynayıb. Bu gün ölkəmizdə qadınlar dövlət idarəçiliyindən tutmuş elm və təhsilə, səhiyyədən mədəniyyətə qədər müxtəlif sahələrdə uğurla fəaliyyət göstərirlər.Azərbaycan qadınlarının hüquqlarının qorunması və onların cəmiyyətdə fəal iştirakının təmin edilməsi dövlət siyasətinin prioritet istiqamətlərindən biridir. Bu sahədə tarixi ənənələrin formalaşmasında böyük xidmətləri olan şəxsiyyətlərdən biri Ulu Öndər Heydər Əliyev olmuşdur. Ulu Öndər hər zaman qadınların cəmiyyət həyatında fəal rol oynamasının vacibliyini vurğulamış, onların sosial müdafiəsinin gücləndirilməsi və ictimai-siyasi proseslərdə iştirakının genişləndirilməsi istiqamətində mühüm addımlar atmışdır. Onun müəyyən etdiyi siyasət bu gün də uğurla davam etdirilir.

Müstəqil Azərbaycanın inkişaf strategiyasında qadınların rolunun artırılması məsələsi daim diqqət mərkəzində saxlanılır. Bu istiqamətdə Prezident İlham Əliyev tərəfindən həyata keçirilən siyasət nəticəsində qadınların hüquqlarının qorunması, onların sosial rifahının yüksəldilməsi və dövlət idarəçiliyində iştirakının genişləndirilməsi istiqamətində mühüm nəticələr əldə olunub. Dövlət başçısı dəfələrlə çıxışlarında Azərbaycan qadınının yüksək mənəvi keyfiyyətlərini və cəmiyyətin inkişafındakı rolunu xüsusi vurğulamışdır.Azərbaycan qadınının nüfuzunun beynəlxalq miqyasda artmasında və humanitar layihələrin həyata keçirilməsində Birinci vitse-prezident Mehriban Əliyevanın fəaliyyəti də xüsusi qeyd olunmalıdır. Onun rəhbərlik etdiyi Heydər Əliyev Fondu tərəfindən həyata keçirilən sosial və humanitar layihələr həm ölkə daxilində, həm də beynəlxalq miqyasda böyük rəğbətlə qarşılanır. Bu fəaliyyət Azərbaycan qadınının mərhəmət, humanizm və xeyirxahlıq kimi yüksək dəyərlərə sadiqliyini nümayiş etdirir.

Azərbaycan tarixində qadınların qəhrəmanlığı və fədakarlığı xüsusi yer tutur. Qarabağ münaqişəsi və Vətən müharibəsi dövründə Azərbaycan qadınları həm arxa cəbhədə, həm də müxtəlif sahələrdə ölkənin müdafiəsinə və inkişafına böyük töhfələr veriblər. Onlar şəhid anaları, vətənpərvər müəllimlər, həkimlər və müxtəlif peşə sahibləri kimi ölkənin güclənməsi naminə əzmlə çalışıblar.Bu gün Azərbaycan qadını həm milli dəyərlərə sadiqliyi, həm də müasir dünyanın çağırışlarına uyğun fəallığı ilə seçilir. O, ailədə ana və tərbiyəçi kimi gələcək nəslin formalaşmasına töhfə verir, eyni zamanda cəmiyyətin müxtəlif sahələrində peşəkar fəaliyyəti ilə ölkənin inkişafına xidmət edir. Azərbaycan qadınının bu nümunəvi yolu xalqımızın milli-mənəvi dəyərlərinin yaşadılmasında və dövlətimizin gələcək inkişafında mühüm rol oynayır.

Paylaş:

Baxılıb: 478 dəfə