Əbu-Dabidə “İnsan Qardaşlığı və Qlobal Sülh” mesajı

Bakı:

30 °C

50 %

2 m/s

Əlaqə

AZ RU EN

Ana səhifə / YAP xəbərləri / Əbu-Dabidə “İnsan Qardaşlığı və Qlobal Sülh” mesajı

Əbu-Dabidə “İnsan Qardaşlığı və Qlobal Sülh” mesajı

10.02.2026 [17:17]

Prezident İlham Əliyevin Əbu-Dabidə “Zayed İnsan Qardaşlığı Mükafatı”nın təqdimolunma mərasimində çıxışı: Humanizm, dialoq və qlobal həmrəylik çağırışı 2026-cı il fevralın 4-də Birləşmiş Ərəb Əmirliklərinin paytaxtı Əbu-Dabidə keçirilən “Zayed İnsan Qardaşlığı Mükafatı”nın təqdimolunma mərasimi beynəlxalq ictimaiyyətin diqqət mərkəzində oldu. Dünyanın müxtəlif ölkələrindən dövlət və hökumət nümayəndələrinin, beynəlxalq təşkilat rəhbərlərinin, din xadimlərinin və ictimai fikir liderlərinin iştirak etdiyi bu mötəbər tədbirdə Azərbaycan Respublikasının Prezidenti İlham Əliyevin çıxışı qlobal humanizm, multikulturalizm və sülh ideyalarının təbliği baxımından xüsusi əhəmiyyət daşıdı.

Prezident İlham Əliyev çıxışında mükafatın mahiyyətinə toxunaraq, “Zayed İnsan Qardaşlığı Mükafatı”nın yalnız fərdlərin və ya dövlətlərin deyil, bütövlükdə bəşəri dəyərlərin təntənəsi olduğunu vurğuladı. O bildirdi ki, bu mükafat xalqlar və mədəniyyətlər arasında qarşılıqlı hörmətin, anlaşmanın və əməkdaşlığın təşviqi baxımından mühüm beynəlxalq platformaya çevrilib. Prezidentin fikrincə, müasir dünyada artan qarşıdurmalar, münaqişələr və ideoloji bölünmələr fonunda insan qardaşlığı ideyasının ön plana çəkilməsi xüsusi aktuallıq kəsb edir. Çıxışda Azərbaycan Respublikasının tarixən tolerantlıq və multikulturalizm dəyərlərinə sadiq ölkə olduğu diqqətə çatdırıldı. Prezident İlham Əliyev qeyd etdi ki, Azərbaycan coğrafi mövqeyinə və tarixi taleyinə görə Şərqlə Qərbin, müxtəlif dinlərin və mədəniyyətlərin qovuşduğu məkanda yerləşir. Bu amil əsrlər boyu ölkədə fərqli etnik və dini icmaların sülh və qarşılıqlı hörmət şəraitində yaşamasına zəmin yaradıb.

Dövlət başçısı vurğuladı ki, bu gün də Azərbaycanda məscidlər, kilsələr və sinaqoqlar yanaşı fəaliyyət göstərir, dini və etnik müxtəliflik dövlət siyasətinin mühüm tərkib hissəsi kimi qorunur. Prezident İlham Əliyev çıxışında müasir beynəlxalq münasibətlər sistemində dialoqun və əməkdaşlığın alternativsiz olduğunu xüsusi qeyd etdi. Onun sözlərinə görə, qlobal problemlər – istər təhlükəsizlik çağırışları, istər iqlim dəyişikliyi, istərsə də humanitar böhranlar – yalnız birgə səylər və qarşılıqlı etimad əsasında həll oluna bilər. Dövlət başçısı bildirdi ki, insan qardaşlığı ideyası təkcə mənəvi çağırış deyil, eyni zamanda praktiki siyasətin əsasını təşkil etməlidir. Çıxışda Azərbaycanın beynəlxalq humanitar təşəbbüslərə verdiyi töhfələrə də toxunuldu. Prezident İlham Əliyev vurğuladı ki, Azərbaycan müxtəlif beynəlxalq platformalarda sivilizasiyalararası dialoqun təşviqi istiqamətində ardıcıl siyasət aparır.

Bakı Beynəlxalq Humanitar Forumu, Mədəniyyətlərarası Dialoq üzrə Dünya Forumu kimi tədbirlərin keçirilməsi ölkənin bu sahədəki fəal mövqeyinin bariz nümunəsidir. Dövlət başçısı qeyd etdi ki, bu təşəbbüslər fərqli baxışların qarşıdurmasına deyil, dialoq və əməkdaşlıq mühitinin formalaşmasına xidmət edir. Prezident İlham Əliyev çıxışında regionda və dünyada sülhün möhkəmləndirilməsinin vacibliyini də ön plana çəkdi. O bildirdi ki, ədalətə və beynəlxalq hüquqa əsaslanan yanaşma olmadan davamlı sülhə nail olmaq mümkün deyil. Dövlət başçısı qeyd etdi ki, hər bir xalqın təhlükəsiz və ləyaqətli şəkildə yaşamaq hüququ var və bu prinsip beynəlxalq münasibətlərin təməlində dayanmalıdır. Mərasimdə səsləndirilən fikirlərdən aydın oldu ki, Prezident İlham Əliyev “Zayed İnsan Qardaşlığı Mükafatı”nı təkcə simvolik bir təltif kimi deyil, həm də qlobal məsuliyyət çağırışı kimi dəyərləndirir. Onun çıxışı insan ləyaqətinin qorunması, mədəni müxtəlifliyin zənginlik kimi qəbul edilməsi və nifrətə qarşı birgə mübarizə ideyaları üzərində qurulmuşdu. Prezident vurğuladı ki, dövlətlərarası münasibətlərdə qarşılıqlı hörmət və bərabərlik prinsipləri möhkəmləndirilmədən qlobal sabitlikdən danışmaq çətindir.

Məhəmməd Balaqadaşov

YAP Xaçmaz rayon təşkilatının sədri

Paylaş:

Baxılıb: 735 dəfə