YAP Laçın rayon təşkilatında “Möhtəşəm Zəfərin müəllifi, qətiyyətli Lider!” mövzusunda tədbir keçirilib

Bakı:

11 °C

82 %

3 m/s

AZ RU EN

Ana səhifə / YAP xəbərləri / YAP Laçın rayon təşkilatında “Möhtəşəm Zəfərin müəllifi, qətiyyətli Lider!” mövzusunda tədbir keçirilib

YAP Laçın rayon təşkilatında “Möhtəşəm Zəfərin müəllifi, qətiyyətli Lider!” mövzusunda tədbir keçirilib

24.12.2025 [17:05]

Dekabrın 24-də “Konstitusiya və Suverenlik İli” çərçivəsində Yeni Azərbaycan Partiyası (YAP) Laçın rayon təşkilatı tərəfindən “Möhtəşəm Zəfərin müəllifi, qətiyyətli Lider!” mövzusunda tədbir keçirilib.
Tədbir iştirakçıları əvvəlcə Ümummilli Lider Heydər Əliyevin, eləcə də ölkəmizin ərazi bütövlüyü və suverenliyi uğrunda canlarından keçmiş şəhidlərin əziz xatirəsini bir dəqiqəlik sükutla yad ediblər. Azərbaycan Respublikasının Dövlət Himni səsləndirilib.

Sonra “Möhtəşəm Zəfərin müəllifi, qətiyyətli Lider!” mövzusunda videoçarx nümayiş etdirilib.
Tədbirdə YAP Laçın rayon təşkilatının sədri İlqar İlyasov, Milli Məclisin deputatı Rövşən Muradov, Bakı Mühəndislik Universitetinin prorektoru Mikayıl Zeynalov, AMEA Nəsimi adına Dilçilik İnstitutunun Monitorinq şöbəsinin müdiri Sevinc Əliyeva, şəhid Mənsur Əhmədovun atası Mamed Əhmədov, Bakı Mühəndislik Universitetinin Magistratura və doktorantura şöbəsinin müdiri Şikar Qasımov, Qarabağ Müharibəsi Əlilləri, Veteranları və Şəhid Ailələri İctimai Birliyinin Laçın rayon şöbəsinin sədri Babək Aslanov və Vətən Müharibəsi Qəhrəmanı Fərhad Məmmədov, rayon ziyalısı Varaşil Məmmədov, rayon ağsaqqalı Fəxrəddin Paşayev və Möhübbət Həsənov çıxış ediblər.

Çıxışlarda vurğulanıb ki, Ümummilli Lider Heydər Əliyevin müəyyən etdiyi strateji inkişaf xəttinin Prezident, Müzəffər Ali Baş Komandan İlham Əliyev tərəfindən qətiyyətlə və uğurla davam etdirilməsi nəticəsində Azərbaycan regionun güclü, nüfuzlu və sürətlə inkişaf edən dövlətinə çevrilib.

Bildirilib ki, Prezident İlham Əliyev iyirmi iki illik fəaliyyəti dövründə xalqa verdiyi bütün vədləri ardıcıl şəkildə yerinə yetirib. Bu illər ərzində ölkəmizdə bütün sahələr üzrə davamlı inkişaf təmin olunub, əhalinin sosial rifahı əhəmiyyətli dərəcədə yüksəlib. 2020-ci il sentyabrın 27-də Ermənistanın hərbi təxribatlarına cavab olaraq başlanan Vətən müharibəsində əldə edilən tarixi Zəfər, eləcə də 2023-cü il sentyabrın 19-20-də həyata keçirilmiş lokal xarakterli antiterror tədbirləri nəticəsində Azərbaycan Respublikasının suverenliyinin və ərazi bütövlüyünün tam bərpası məsələsi birdəfəlik həll olunub.

Qeyd edilib ki, Prezident İlham Əliyev müharibədə olduğu kimi, quruculuq işində də sonsuz qətiyyət və əzmkarlıq nümayiş etdirir. İşğaldan azad edilmiş ərazilərdə zəruri infrastruktur obyektləri ilə paralel olaraq, yaşayış kompleksləri, sosial obyektlər tikilib istifadəyə verilir, yenilərinin təməli qoyulur. Bütün bunlar “Böyük Qayıdış”ın geniş perspektivindən xəbər verir. İndiyədək yüzlərlə ailə doğma yurda qayıdaraq xoşbəxt və firavan yaşayırlar.
Natiqlər xatırladıblar ki, 2011-ci il dekabrın 24-də Prezident İlham Əliyev Ağcabədi rayonuna səfər edərək Taxtakörpü qəsəbəsində məskunlaşmış Laçın rayonundan olan məcburi köçkün ailələrlə görüşmüş, yubileyini onlarla birlikdə qeyd etmiş və “mənim ailəm sizsiniz” ifadəsi ilə hər bir məcburi köçkünə göstərilən yüksək diqqət və qayğını bir daha nümayiş etdirmişdir.

Tədbirdə Yeni Azərbaycan Partiyasının sıralarına yeni qəbul olunmuş şəxslərə üzvlük vəsiqələri təqdim edilib.

Daha sonra Yeni Azərbaycan Partiyasının Himni səsləndirilib.

Sonda ədəbi-bədii kompozisiya və konsert proqramı təqdim olunub.

Paylaş:

Baxılıb: 329 dəfə