Azərbaycan Konstitusiyasının 30 illik yolu

Bakı:

22 °C

64 %

1 m/s

Əlaqə

AZ RU EN

Ana səhifə / YAP xəbərləri / Azərbaycan Konstitusiyasının 30 illik yolu

Azərbaycan Konstitusiyasının 30 illik yolu

12.11.2025 [15:31]

Fidan Hüseynova

YAP Quba rayon təşkilatının sədri

Konstitusiyanın qəbulu müstəqillik tariximizin ən mühüm hadisələrindən biridir. Müstəqil dövlətin yeni və müasir Konstitusiyasının hazırlanması Ulu Öndər Heydər Əliyevin Azərbaycan dövlətçiliyi qarşısındakı ən böyük xidmətlərindən biri kimi dəyərləndirilir.

Ulu Öndər Heydər Əliyev qeyd edirdi ki, “elə bir layihə hazırlanmalı və elə bir Konstitusiya qəbul edilməlidir ki, o, müstəqil Azərbaycan Respublikasının demokratik prinsiplər əsasında uzun müddət sabit yaşamasını təmin edən Əsas Qanun, tarixi sənəd olsun.”

Konstitusiyada hakimiyyət bölgüsü prinsipi – ali icra, qanunvericilik və məhkəmə hakimiyyətinin ayrılığı – xalqın iradəsinə söykənərək, demokratik seçkilər yolu ilə təmin edilməlidir. Məhz Ümummilli Lider Heydər Əliyevin rəhbərliyi ilə Konstitusiya Komissiyası tərəfindən müstəqil Azərbaycan Respublikasının Konstitusiya layihəsi hazırlandı və 1995-ci il noyabrın 12-də ümumxalq referendumu ilə qəbul edildi.

Həmin gün həm də respublika parlamentinə ilk dəfə çoxpartiyalı sistem əsasında demokratik seçkilər keçirildi. İlk Konstitusiyanın milli dövlətçilik tariximizdə müstəsna əhəmiyyətini nəzərə alaraq, Ulu Öndər Heydər Əliyevin 1996-cı il 1 noyabr tarixli Fərmanı ilə hər il noyabrın 12-si Azərbaycan Respublikasının Konstitusiya Günü kimi qeyd olunmağa başlanıldı.

Azərbaycan Respublikasının Konstitusiyası müstəqil dövlət quruculuğu prosesini tənzimləyən, demokratik inkişafa təminat yaradan, cəmiyyətin siyasi, sosial, mədəni və iqtisadi sahələrində köklü dəyişiklikləri özündə ehtiva edən, qanunvericiliyin təkmilləşdirilməsi üçün hüquqi baza rolunu oynayan mükəmməl və mütərəqqi sənəddir.

Əsas Qanun qəbul edilərkən hüquqi dövlət quruculuğunun müasir meyillərinə əsaslanılmış, hüquq sistemimiz üçün yeni bir təsisat – Konstitusiya ədalət mühakiməsi orqanı yaradılmış və bu təsisatın dövlət hakimiyyəti sistemindəki yeri və rolu müəyyən edilmişdir.

Son 30 ildə ölkəmizin sürətli inkişafı nəticəsində yeni dövrün tələbləri ilə bağlı olaraq Konstitusiyamıza bir neçə dəfə mühüm dəyişikliklər və əlavələr edilmişdir. Bu dəyişikliklər dövlətimizin sosial-iqtisadi əsaslarının möhkəmlənməsi, vətəndaşların hüquq və azadlıqlarının daha etibarlı təminatı, sosial dövlət prinsiplərinin gücləndirilməsi məqsədi daşıyırdı.

Nəticədə Azərbaycan Respublikasının Konstitusiyası daim təkmilləşdirilərək yeni dövrün tələblərinə uyğunlaşdırılmış, müasir dövlət idarəçiliyinin hüquqi dayağına çevrilmişdir.

Bu gün Azərbaycan Respublikasının Konstitusiyası dövlətimizin, cəmiyyətimizin və demokratik dəyərlərimizin inkişafının hüquqi bazası olmaqla yanaşı, ölkəmizdə demokratik, hüquqi və dünyəvi dövlət quruculuğu prosesinin davamlı inkişafına güclü təkan verir.

Paylaş:

Baxılıb: 916 dəfə