Tovuzda “Konstitusiya və Suverenlik İli” çərçivəsində “8-Noyabr Zəfər Günü”nə həsr olunmuş şahmat üzrə “Zəfər Kuboku” TEMPO-turniri keçirilib

Bakı:

29 °C

54 %

6 m/s

AZ RU EN

Ana səhifə / YAP xəbərləri / Tovuzda “Konstitusiya və Suverenlik İli” çərçivəsində “8-Noyabr Zəfər Günü”nə həsr olunmuş şahmat üzrə “Zəfər Kuboku” TEMPO-turniri keçirilib

Tovuzda “Konstitusiya və Suverenlik İli” çərçivəsində “8-Noyabr Zəfər Günü”nə həsr olunmuş şahmat üzrə “Zəfər Kuboku” TEMPO-turniri keçirilib

06.11.2025 [11:39]

“Konstitusiya və Suverenlik İli” çərçivəsində Tovuz rayon İcra Hakimiyyəti ,YAP Tovuz rayon təşkilatı, Qazax–Tovuz RTİ-nin Tovuz rayon Təhsil Sektoru və nəzdində fəaliyyət göstərən Tovuz rayon Uşaq-Gənclər İdman-Şahmat Məktəbinin birgə təşkilatçılığı ilə “8-Noyabr Zəfər Günü”nə həsr olunmuş şahmat üzrə “Zəfər Kuboku” TEMPO-turniri keçirilib.Turnirdə 16 yaşa qədər oğlan və qızlardan ibarət məktəblilər iştirak etmişlər.

Tədbirdə YAP Tovuz rayon təşkilatının sədri Nihad Pənahov, Tovuz rayon İcra Hakimiyyəti başçısının müavini-İctimai-siyasi və humanitar məsələlər şöbəsinin müdiri Təranə Bayramova, Tovuz Təhsil Sektorunun müdiri Aysel Quliyeva, Tovuz UGİŞM-in direktoru Məleykə Əmirzadə iştirak ediblər.

8 noyabr – Zəfər Günü münasibətilə təşkil edilən tədbirdən öncə Ulu Öndər Heydər Əliyevin və Vətən uğrunda canından keçmiş bütün şəhidlərimizin əziz xatirəsi bir dəqiqəlik sükutla yad olunub.

Tədbiri Tovuz UGİŞM-in direktoru Məleykə Əmirzadə açaraq 8 Noyabr – Zəfər Gününün beşinci ildönümünün keçirilməsi ilə əlaqədar rayon üzrə tədbirlər planına uyğun olaraq, rayonda silsilə tədbirlər, keçirildiyini bildirmişdir. Məleykə Əmirzadə qeyd edib ki turnirin məqsədi şagirdlərin idman hərəkatını gücləndirmək, məktəblilər arasında qarşılıqlı əməkdaşlıq mühiti yaratmaq,komanda bacarıqlarını inkişaf etdirmək, Zəfər Günü münasibətilə milli qürur və vətənpərvərlik ruhunu möhkəmləndirməkdir.

Daha sonra çıxış edən YAP Tovuz rayon təşkilatının sədri Nihad Pənahov yarış iştirakçılarını salamlayaraq, xalqımızı Azərbaycan tarixinə qızıl hərflərlə yazılmış Zəfər Günü münasibətilə təbrik edərək, Azərbaycan Prezidenti Müzəffər Ali Baş Komandan cənab İlham Əliyevin müdrik rəhbərliyi ilə rəşadətli Ordumuz cəmi 44 gün ərzində tarixdə misli görünməmiş qəhrəmanlıq göstərərək 30 ilə yaxın müddətdə düşmən tapdağı altında olan torpaqlarımızı işğaldan azad edildiyini, vətən yolunda canlarını fəda etmiş şəhidlərimizin yenilməz iradəsi və qəhrəmanlıqları sayəsində ölkəmizin ərazi bütövlüyü bərpa olunduğunu, Zəfərimizin isə nəticəsi olaraq ölkəmiz regionda sülhün və inkişafın təminatçısına çevrildiyini bildirmişdir

Çıxış edən Tovuz rayon İcra Hakimiyyəti başçısının müavini-İctimai-siyasi və humanitar məsələlər şöbəsinin müdiri Təranə Bayramova yarışda iştirak edən məktəbliləri salamlayaraq, Azərbaycanın zəngin şahmat ənənələrinin yaranmasında Ulu Öndərin müstəsna xidmətləri olduğunu, eyni zamanda həmin ənənələr əsasında respublikamızda adlı-sanlı şahmatçılar yetişdiyini hazırda da bu idman sahəsinin hərtərfli dövlət qayğısı ilə əhatə olunduğunu bildirmişdir.

Sonra Tovuz Təhsil Sektorunun müdiri Aysel Quliyeva ölkəmizdə idmanın inkişafına göstərilən dövlət qayğısından, gənclər siyasətinin uğurlu icrasından bəhs edib, bu cür tədbirlərin gənclərin intellektual inkişafına, komanda bacarıqlarının formalaşmasına önəmli töhfə verdiyini vurğulayaraq iştirakçılara uğurlar arzulayıb.

Ümumilikdə 64 şagirdin qatıldığı yarış gərgin və maraqlı mübarizə şəraitində keçib. Sonda yarışda oğlan və qızlar arasında 1,2,3 yerləri tutmuş şahmatçılar təşkilatçılar tərəfindən Kubok,medal və diplomlarla təltif edilmiş, digər yarış iştirakçılarına gələcək turnirlərdə uğurlar arzulanmışdır.

Paylaş:

Baxılıb: 659 dəfə