Füzulinin Zəfər Günü – Prezident İlham Əliyevin qətiyyətli siyasətinin nəticəsi

Bakı:

18 °C

72 %

9 m/s

Əlaqə

AZ RU EN

Ana səhifə / YAP xəbərləri / Füzulinin Zəfər Günü – Prezident İlham Əliyevin qətiyyətli siyasətinin nəticəsi

Füzulinin Zəfər Günü – Prezident İlham Əliyevin qətiyyətli siyasətinin nəticəsi

16.10.2025 [17:45]

Azərbaycan xalqının qəhrəmanlıq salnaməsinə qızıl hərflərlə yazılan 17 oktyabr – Füzuli şəhərinin azad olunduğu gün, müasir tariximizin ən qürurlu səhifələrindən biridir. Bu tarix, təkcə bir şəhərin azadlığı deyil, həm də Azərbaycanın milli iradəsinin, Prezident İlham Əliyevin qətiyyətli liderliyinin, xalq–ordu birliyinin təntənəsidir.
Uzun illər ərzində düşmən tapdağı altında qalan, viran edilən Füzuli torpaqlarına 2020-ci ilin payız günündə azadlıq nəfəsi doldu. Prezident Cənab İlham Əliyevin rəhbərliyi ilə aparılan Vətən müharibəsi zamanı Azərbaycan Ordusu “Dəmir yumruq” birliyini nümayiş etdirərək Füzulini düşmən işğalından azad etdi. Füzuli uğrunda döyüşlər təkcə hərbi deyil, həm də mənəvi qələbə idi – çünki bu torpaqlar bizim milli kimliyimizin, mədəni irsimizin ayrılmaz parçasıdır. Füzulinin azadlığı ilə başlayan yeni dövr bu gün yenidənqurma, dirçəliş və qürur dövrüdür. Prezident İlham Əliyevin rəhbərliyi ilə həyata keçirilən “Böyük Qayıdış” proqramı Füzulini cənnətə çevirir. Müasir infrastruktur, “ağıllı şəhər” və “ağıllı kənd” layihələri, Füzuli Beynəlxalq Hava Limanının inşası, yeni yollar, məktəblər, xəstəxanalar – bütün bunlar dövlət başçısının “işğaldan azad olunmuş torpaqlarımız əvvəlkindən də gözəl olacaq” vədinin real təcəssümüdür.
Bu gün Füzuli artıq qürur mənbəyidir – həm azadlığına qovuşduğu, həm də sürətlə dirçələn ilk şəhərlərdən biri kimi. Cənab Prezidentin iradəsi ilə bu torpaqlarda həyata keçirilən quruculuq işləri bir daha göstərir ki, Azərbaycanın hər qarışı dövlətimizin diqqət mərkəzindədir. Bu, ölkə rəhbərinin uzaqgörən siyasətinin, xalqına və Vətəninə sonsuz məhəbbətinin nəticəsidir. Biz fəxr edirik ki, bu zəfərlərin arxasında Prezident, Müzəffər Ali Baş Komandan İlham Əliyevin siyasi iradəsi, milli birliyimiz və dövlətçilik ideallarımız dayanır. Partiyamızın hər bir üzvü bu siyasətin dəstəkçisi olmaqla yanaşı, onun həyata keçirdiyi islahatların, quruculuq prosesinin fəal iştirakçısına çevrilməyi öz borcu bilir.
17 oktyabr – Füzuli şəhərinin azadlığı günü bizə bir daha xatırladır ki, güclü lider, güclü dövlət və xalq birliyi varsa, heç bir ədalətsizlik əbədi ola bilməz. Bu gün Füzuli torpağında yüksələn hər bina, əkilən hər ağac, açılan hər məktəb Azərbaycan xalqının iradəsinin, Prezident İlham Əliyevin müdrik və uzaqgörən siyasətinin canlı təntənəsidir.

Səfa Ağayev
YAP İmişli rayon təşkilatının sədri

Paylaş:

Baxılıb: 414 dəfə