Ağcabədililər İlham Əliyevin növbəti 5 ildə də ölkəmizə rəhbərlik etməsini istəyirlər

Bakı:

31 °C

42 %

3 m/s

Əlaqə

AZ RU EN

Ana səhifə / YAP xəbərləri / Ağcabədililər İlham Əliyevin növbəti 5 ildə də ölkəmizə rəhbərlik etməsini istəyirlər

Ağcabədililər İlham Əliyevin növbəti 5 ildə də ölkəmizə rəhbərlik etməsini istəyirlər

01.10.2013 [10:04]

Bu fikir dünən rayonun Qaravəlli kəndində keçirilən görüşdə bir daha bəyan edilib
9 oktyabr 2013-cü ildə keçiriləcək prezident seçkilərində Yeni Azərbaycan Partiyası (YAP) tərəfindən namizədliyi irəli sürülmüş cənab İlham Əliyevin Ağcabədi rayonu üzrə seçki qərargahının üzvləri təbliğat-təşviqat kampaniyasını uğurla davam etdirirlər. Kampaniya çərçivəsində sentyabrın 30-da rayonun Qaravəlli kəndində seçicilərlə növbəti görüş keçirilib.
Görüşü giriş sözü ilə açan YAP Ağcabədi rayon təşkilatının sədr müavini Nazim Bünyatov seçicilərə partiyamızın namizədi cənab İlham Əliyevin zəngin həyat yolundan, Onun Azərbaycan dövlətçiliyi üçün həyata keçirdiyi misilsiz işlərdən, həmçinin, rayonda görülən quruculuq işlərindən danışıb.
Onun sözlərinə görə, ötən illərdə dünyada baş verən qlobal böhran fonunda Azərbaycan iqtisadiyyatının davamlı inkişafı, bütün sosial proqramların tam həcmdə və vaxtında yerinə yetirilməsi əsası xalqımızın Ümummilli lideri Heydər Əliyev tərəfindən qoyulmuş milli-iqtisadi inkişaf modelinin möhkəm təməllər üzərində qurulmasının əyani göstəricisidir. Prezident İlham Əliyevin rəhbərliyi ilə ölkəmizdə həyata keçirilən siyasətin müsbət nəticələri hər bir vətəndaşın, o cümlədən, ağcabədililərin həyatında hiss edilir.
Sədr müavini cənab İlham Əliyevin Ağcabədi rayonu üzrə seçki qərargahının üzvlərinin bu günə kimi seçicilərlə bir sıra görüşlər keçirdiyini xatırladaraq deyib ki, görüşlər zamanı bir daha qeyd olunub ki, ağcabədili seçicilər oktyabrın 9-da cənab İlham Əliyevə səs verəcəklər.
Çıxış edən seçki qərargahının üzvü Teymur Rəhimov deyib ki, bu gün Azərbaycanda İlham Əliyevə rəqib ola biləcək siyasi qüvvə yoxdur: “Prezident İlham Əliyev Azərbaycanı qabaqcıl dünya ölkələrindən birinə çevirib. Ona bu işdə dəstək olmaq üçün hər bir azərbaycanlı 9 oktyabrda seçki məntəqələrinə gedərək İlham Əliyevə səs verməlidir”.
O, əlavə edib ki, bütün ağcabədililərin yalnız bir seçimi var - Ulu öndər Heydər Əliyev siyasətinin davamçısı cənab İlham Əliyev: “Çünki biz dövlətimizin gələcəyini məhz Heydər Əliyev siyasətinin davamında görürük”.
Öz növbəsində çıxış edən kənd sakinləri Səfa Fərzəliyev, Familə Məmmədova, Qurban Gülmalıyev və başqaları deyiblər ki, ölkəmiz gündən-günə inkişaf edir, insanlarımızın rifah halı yüksəlir. Ağcabədililər də rayonda görülən işləri yüksək qiymətləndirir və bu işlərin davamlı olmasını istəyirlər. Ona görə də, rayon seçiciləri 9 oktyabrda Prezidentimiz İlham Əliyevə səs verəcəklər.
NADİR

Paylaş:

Baxılıb: 1311 dəfə