Yeni reallıqlar Azərbaycana növbəti geosiyasi uğurlar vəd edir.

Bakı:

23 °C

54 %

9 m/s

Əlaqə

AZ RU EN

Ana səhifə / YAP xəbərləri / Yeni reallıqlar Azərbaycana növbəti geosiyasi uğurlar vəd edir.

Yeni reallıqlar Azərbaycana növbəti geosiyasi uğurlar vəd edir.

10.09.2025 [20:28]

10 sentyabr 2025-ci il tarixdə “Konstitusiya və Suverenlik İli çərçivəsində” YAP Samux rayon təşkilatının və Gəncə Daşkəsən Regional Təhsil İdarəsi Samux rayon təhsil sektorunun birgə təşkilatçılığı ilə Samux şəhər 2 saylı tam orta məktəbdə “Yeni reallıqlar Azərbaycana növbəti geosiyasi uğurlar vəd edir” mövzusunda tədbir keçirilib.

Əvvəlcə Ulu Öndər Heydər Əliyevin və torpaqlarımızın bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Samux rayon təşkilatının sədri Gündüz Bayramov Prezident İlham Əliyevin xarici və daxili siyasət sahəsində qazandığı möhtəşəm uğurlardan danışıb. Bildirib ki, Prezident İlham Əliyevin və birinci xanım Mehriban Əliyevanın Kəlbəcər və Ağdərəyə səfərləri post-münaqişə dövrünün inkişaf strategiyasının növbəti mühüm mərhələsi hesab etmək olar. Yeni infrastruktur layihələrinin təməlinin qoyulması və açılışı ilə müşayiət olunan bu kimi səfərlər hər dəfə Azərbaycanın suverenliyinin bərpa olunduğu ərazilərdə canlanma yaradır, yeni qaynar həyatın başlanğıcına stimul verir.

G.Bayramov həmçinin Prezident İlham Əliyevin məqsədyönlü xarici siyasəti nəticəsində keçən dövr ərzində Azərbaycanın regional və qlobal əhəmiyyətli iqtisadi, siyasi və humanitar layihələrin mərkəzinə çevrilməsindən, Amerikaya, Çinə, Türkmənistana etdiyi işgüzar səfərlərdən danışıb. Qeyd edib ki, cənab prezidentin həyata keçirdiyi xarici siyasət kursu həmişə öz dinamikliyi, intensivliyi və çevikliyi ilə xarakterizə olunub və daim milli maraqlara söykənib. Bu gün ölkəmiz Cənubi Qafqazda sülhü bərqərar edir. Bu, nəinki bizim bölgəmiz, eyni zamanda, bütün dünya üçün böyük bir imkandır.Dövlət başçımızın qeyd etdiyi kimi məhz “Tramp rifah və sülh marşrutu” rabitə, əlaqələr baxımından divarları yox edəcək, əlaqələr yaradacaq və bir sıra ölkələr üçün investisiya, sərmayə, sabitlik və rifah baxımından böyük imkanlar açacaqdır.

Sonra tədbirdə iştirak edən Samux şəhər 2 saylı tam orta məktəb ərazi partiya təşkilatının sədri Əminə Cəfərova, Yuxarı Ağasıbəyli kənd tam orta məktəbin müəllimi Əfqanə Ümmani və Lək kənd tam orta məktəbin müəllimi Ülviyyə Qasımova çıxış edərək bildiriblər ki, bu gün Azərbaycanın dünya miqyasında nüfuzu xeyli artıb. Bu da ölkəmizin Cənubi Qafqaz regionunda lider dövlətə çevrilməsini şərtləndirib. Bu baxımdan, Prezident İlham Əliyevin uğurlu xarici siyasətinin təməlində Azərbaycanın milli maraqlarının hər zaman üstün tutulduğunu əminliklə söyləmək olar.

Tədbirin sonunda YAP Samux rayon təşkilatı tərəfindən keçirilən tədbirlərdə siyasi fəallıq göstərdiyinə, rayonun ictimai- siyasi həyatında fəal iştirakına və təhsil sahəsində fərqləndiyinə görə bir qrup partiya üzvləri YAP Samux rayon təşkilatı tərəfindən Fəxri Fərmanla təltif edilib.

Paylaş:

Baxılıb: 541 dəfə