Azərbaycan son 10 ildə böyük uğurlara imza atıb

Bakı:

25 °C

73 %

7 m/s

Əlaqə

AZ RU EN

Ana səhifə / YAP xəbərləri / Azərbaycan son 10 ildə böyük uğurlara imza atıb

Azərbaycan son 10 ildə böyük uğurlara imza atıb

21.09.2013 [10:04]

Bərdə rayonunun Şirvanlı və Kürdboraki kəndlərində keçirilən görüşlərdə bu fikir bir daha vurğulanıb
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Bərdə rayonu üzrə Seçki Qərargahının üzvləri dünən növbəti görüşlərini rayonun Şirvanlı və Kürdboraki kəndlərində keçiriblər.
Hər iki görüşü giriş sözü ilə açan YAP Bərdə rayon təşkilatının sədri Fəqət Şadlinskaya cənab İlham Əliyevin rəhbərliyi ilə ötən 10 il ərzində həyata keçirilən islahatlar barədə məlumat verib: “Prezident İlham Əliyev 2003-cü ildə dövlət başçısı seçilərkən bildirmişdi ki, “Mən hər bir azərbaycanlının prezidenti olacağam”. Həqiqətən də, dövlət başçısı ötən 10 il ərzində gördüyü işlərlə özünü əsl lider, rəhbər kimi sübut etmiş oldu”.
Rayon təşkilatının sədri deyib ki, regionların sosial-iqtisadi inkişafına dair Dövlət proqramlarının həyata keçirilməsi nəticəsində Azərbaycanın bütün bölgələri keyfiyyətcə yeni inkişaf erasını yaşamaqdadır: “Bu proqramlar nəticəsində yeni müəssisələr işə salınır. Bunun nəticəsi olaraq yeni iş yerləri açılır və regionlardan şəhərə axının qarşısı alınır. Artıq yerli əhali açılan yeni müəssisələrdə işləməyə başlayıb. Eyni zamanda, sahibkarlığın dəstəklənməsi, fermerlərə güzəştli kreditlərin ayrılması, kəndlilərə fəaliyyət göstərmək üçün əlverişli şəraitin yaradılması insanların maddi rifah halını yüksəldir. İkinci faza kimi regionlarda yeni məktəblərin, diaqnostika mərkəzlərinin, olimpiya komplekslərinin tikilməsi, parkların salınması həmin insanların istirahətinin, rahatlığının təmin edilməsi deməkdir”.
Seçicilər qarşısında çıxış edən Rayon Ağsaqqalar Şurasının sədri Arif Əliyev deyib ki, cənab İlham Əliyevin təbliğata ehtiyacı yoxdur: “Çünki ölkəmizdə əldə edilən inkişaf, tərəqqi göz qabağındadır. Ölkəmizdə quruculuq, abadlıq işləri yüksək səviyyədədir. Bu gün Azərbaycanın elə bir bölgəsi, kəndi yoxdur ki, orada inkişaf olmasın. Yeni məktəblər, səhiyyə ocaqları, idman kompleksləri, yollar, körpülər tikilir. Bütün bunlar ölkənin iqtisadi imkanlarının geniş olmasını təsdiqləyir”.
Rayon Qadınlar Şurasının sədri Rahilə Babayeva öncə onu deyib ki, son 10 ildə Prezident İlham Əliyevin rəhbərliyi ilə Azərbaycan sürətlə inkişaf edib və dünyanın nüfuzlu ölkələrindən birinə çevrilib. Əldə edilən uğurlardan Bərdə rayonuna da pay düşdüyünü deyən Rahilə Babayeva “Bu gün Bərdə rayonunda bütün tələblərə cavab verən təhsil, səhiyyə, mədəni məişət obyektləri tikilərək istifadəyə verilir. Bu səbəbdən də, biz Bərdə rayon seçiciləri olaraq cənab İlham Əliyevi dəstəkləyirik və oktyabrın 9-da Ona səs verəcəyik” sözlərini əlavə edib.
Çıxış edən Əməkdar müəllim Rzaqulu Şərifov öncə onu deyib ki, Azərbaycan Prezidenti İlham Əliyev dünyada müsbət imici ilə tanınan nüfuzlu dövlət xadimlərindəndir. Bu uğurun təməlində dayanan səbəb isə ilk növbədə, Prezident İlham Əliyevin dövlət başçısı kimi fəaliyyətinin səmərəliliyinin Azərbaycanın daxili və beynəlxalq nailiyyətlərində əksini tapmasıdır. Bu nailiyyətlərin hər bir Azərbaycan vətəndaşında qürur hiss doğurduğunu deyən Rzaqulu Şərifov “Azərbaycan xalqı, o cümlədən, bərdəlilər bu seçkilərdə də ölkəmizi daima uğurlara aparan liderə-İlham Əliyevə səs verəcəklər” sözlərini də əlavə edib.
Görüşlərdə çıxış edən kənd sakinləri İlahə Kərimova, Camal Həsənov və başqaları oktyabrın 9-da seçki məntəqələrinə gedərək, ölkəmiz üçün vacib olan bu siyasi proesesdə fəal iştirak edəcəklərini və Yeni Azərbaycan Partiyasının namizədinə səs verəcəklərini deyiblər.
Nadir AZƏRİ

Paylaş:

Baxılıb: 1578 dəfə