YAP Ağcabədi rayon təşkilatında Silahlı Qüvvələri Günü münasibətilə tədbir keçirilib

Bakı:

30 °C

42 %

4 m/s

Əlaqə

AZ RU EN

Ana səhifə / YAP xəbərləri / YAP Ağcabədi rayon təşkilatında Silahlı Qüvvələri Günü münasibətilə tədbir keçirilib

YAP Ağcabədi rayon təşkilatında Silahlı Qüvvələri Günü münasibətilə tədbir keçirilib

25.06.2025 [19:11]

İyun ayının 25-də YAP Ağcabədi rayon təşkilatında “Konstitusiya və Suverenlik İli” çərçivəsində Azərbaycan Respublikasının Silahlı Qüvvələri Günü münasibətilə tədbir keçirilib. Tədbirdə hərbi qulluqçular, Şəhid ailəsi üzvləri, qazilər, rayon ictimaiyyətinin nümayəndələri, ƏPT sədrləri və partiya fəalları iştirak ediblər.

Tədbir iştirakçıları əvvəlcə müstəqil və müasir Azərbaycanın banisi, Ümummilli Lider Heydər Əliyevin abidəsi önünə gül dəstələri düzərək onun əziz xatirəsini ehtiramla yad etdilər.

YAP Ağcabədi rayon təşkilatının sədri Rövşən Əhmədov tədbiri açmış, Azərbaycanın Dövlət Himni səsləndirilmişdir.

Ulu Öndər Heydər Əliyevin və xalqımıza Qələbə sevinci yaşadan, dövlət müstəqilliyimiz və ərazi bütövlüyümüz uğrunda canından keçən şəhidlərin əziz xatirəsi 1 dəqiqəlik sükutla yad edildi.

Tədbirdə Azərbaycan Silahlı Qüvvələrin yaradılması, keçdiyi şərəfli yolu və qəhrəmanlıq səlnaməsini əks etdiyən film nümayiş olunub.

Tədbiri giriş sözü ilə açan YAP Ağcabədi rayon təşkilatının sədri Rövşən Əhmədov bildirdi ki, əsası Azərbaycan Xalq Cümhuriyyəti dövründə qoyulmuş Azərbaycan Ordusunun ənənələri sonrakı dövrdə qorunub saxlanıldı və inkişaf etdirildi. Əbədiyaşar lider Heydər Əliyevin rəhbərliyi ilə ordu quruculuğu sahəsində aparılan işlər ölkəmizdə mütəşəkkil, qüdrətli ordu yaratmağa imkan verdi, onun gələcəkdə daha da möhkəmlənməsi üçün əsaslı zəmin yaratdı.

Zəfər savaşı ilə Azərbaycan tarixinin iki əsrlik məğlubiyyət seriyasına son qoyaraq qalib Sərkərdə statusunu qazanan Prezident İlham Əliyev Müzəffər Ali Baş Komandan kimi dövlətçilik tariximizdə qəhrəmanlıq səhifəsi açdı.

Silahlı Qüvvələrimizin Azərbaycanın müstəqilliyinin və suverenliyinin keşiyində ayıq-sayıq dayandığını qeyd edən Rövşən Əhmədov Silahlı Qüvvələr Günü münasibəti ilə Silahlı Qüvvələrimizin qəhrəman əsgər və zabitlərini, bütün hərbi qulluqçularımızı təbrik edirək, Azərbaycanın milli maraqlarının və hərbi təhlükəsizliyinin qorunması naminə şərəfli missiyalarını həyata keçirməkdə onlara yeni uğurlar arzuladı.

Tədbirdə SHXÇDX-nin Ağcabədi rayon şöbəsinin rəisi mayor Vasif Rzayev, “N” saylı Hərbi hissənin komandiri polkovnik-leytinant Zaur Zalov və Ağcabədi rayon Statistika idarəsinin rəisi, Ərazi Partiya Təşkilat sədri Elsevər İsmayılov çıxış edərək ordumuzun 44 günlük Vətən Müharibəsində və bir günlük antiterror tədbirləri zamanı düşmənə qarşı keçirdikləri uğurlu hərbi əməliyyatlardan, bu əməliyyatlarda Azərbaycan əsgərinin göstərdiyi misli görünməmiş qəhrəmanlıqlarından geniş danışdılar.

Tədbirdə rayonun ictimai-siyasi həyatında fəal iştirakına görə Silahlı Qüvvələr Günü münasibətilə bir qrup partiya fəalları, şəhid ailələri və qazilər YAP Ağcabədi rayon təşkilatının Fəxri Fərmanları ilə təltif olunublar.

Tədbirə Yeni Azərbaycan Partiyasının Himninin səslənməsi ilə yekun vurulub.

Sonda tədbir iştirakçıları xatirə şəkli çəkdirdilər.

Paylaş:

Baxılıb: 370 dəfə