YAP Sabunçu rayon təşkilatı “Konstitusiya və Suverenlik-Güclü Dövlətimizin Təməli” mövzusunda inşa müsabiqəsi keçirib.

Bakı:

30 °C

47 %

3 m/s

AZ RU EN

Ana səhifə / YAP xəbərləri / YAP Sabunçu rayon təşkilatı “Konstitusiya və Suverenlik-Güclü Dövlətimizin Təməli” mövzusunda inşa müsabiqəsi keçirib.

YAP Sabunçu rayon təşkilatı “Konstitusiya və Suverenlik-Güclü Dövlətimizin Təməli” mövzusunda inşa müsabiqəsi keçirib.

07.05.2025 [19:13]

Yeni Azərbaycan Partiyası Sabunçu rayon təşkilatı “Konstitusiya və Suverenlik İli” çərçivəsində Ümummilli Lider Heydər Əliyevin anadan olmasının 102-ci ildönümü münasibətilə “Konstitusiya və Suverenlik-Güclü Dövlətimizin Təməli” mövzusunda inşa müsabiqəsi keçirib.

Tədbiri giriş sözü ilə açan YAP Sabunçu rayon təşkilatının sədri Araz Xudadanov Prezident İlham Əliyevin 2025-ci ili “Konstitusiya və Suverenlik İli” elan etməsinin vacibliyindən danışıb. O, qeyd edib ki, Azərbaycan Respublikasının Konstitusiyası müstəqil dövlətçiliyimizin əsasını qoyan Ümummilli Lider Heydər Əliyevin siyasi iradəsi və uzaqgörənliyi nəticəsində formalaşmış fundamental bir sənəddir. Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən uğurlu siyasət nəticəsində torpaqlarımızın işğaldan azad olunması həm möhtəşəm hərbi nailiyyət, həm də siyasi və diplomatik zəfər olmaqla Konstitusiyamızın ruhuna və məqsədlərinə uyğun şəkildə dövlətimizin tam suverenliyinin təmininə xidmət etmişdir.

Tədbirdə iştirak edən Vətən Müharibəsi qəhrəmanı Zaur Hüseynov bildirib ki, Ümummilli lider Heydər Əliyevin siyasi kursu ölkəmizdə əmin-amanlığı, dinamik inkişafı təmin edib. Vurğulanıb ki, Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən uğurlu siyasət nəticəsində torpaqlarımızın işğaldan azad olunması həm möhtəşəm hərbi nailiyyət, həm də siyasi və diplomatik zəfər olmaqla Konstitusiyamızın məqsədlərinə uyğun şəkildə dövlətimizin tam suverenliyinin təmininə xidmət etmişdir.

Əlavə olunub ki, bu cür müsabiqələrin keçirilməsinin də əsas məqsədi məhz dövlətin gənclər siyasətinə dəstək vermək və gənc intellektləri üzə çıxarmaqdır.

69 nəfərin iştirak etdiyi inşa müsabiqəsində birinci yerin qalibi 28 saylı tam orta məktəbin X sinif şagirdi Kərimova Roza Eldəniz qızı, ikinci yerin qalibi 113 saylı tam orta məktəbin X sinif şagirdi Şabiyeva Aysel Abiş qızı, üçüncü yerin qalibi isə 96 orta saylı tam məktəbin X sinif şagirdi İsmayılova Ayan Elsevər qızı olublar.

Həmçinin Dövlət İmtahan Mərkəzinin 02 mart 2025-ci il tarixində keçirdiyi tam (11 illik) orta təhsil səviyyəsi üzrə buraxılış imtahanında 300 bal toplayan 295 nömrəli tam orta məktəbin XI sinif şagirdi Seyidova Tovuz Natiq qızı, 68 nömrəli tam orta məktəbin XI sinif şagirdi Fərəczadə Rəhim Dəyanət oğlu və 192 nömrəli tam orta məktəbin XI sinif şagirdi Ələkbərova Ülkər Elşən qızı təltif olunublar.

Çıxışlardan sonra mükafatlandırma mərasimi olub. Qaliblərə diplom və hədiyyələr təqdim olunub.

Paylaş:

Baxılıb: 532 dəfə