Novruz Bayramı milli adət-ənənələrin ayrılmaz parçasıdır

Bakı:

25 °C

57 %

0 m/s

Əlaqə

AZ RU EN

Ana səhifə / YAP xəbərləri / Novruz Bayramı milli adət-ənənələrin ayrılmaz parçasıdır

Novruz Bayramı milli adət-ənənələrin ayrılmaz parçasıdır

13.03.2025 [18:32]

David İbramxəlilov,
YAP Qusar rayon təşkilatının sədri

Novruz bayramı, Azərbaycan xalqının tarixində yalnız təbiətin oyanışını deyil, həm də milli birliyin, həmrəyliyin və ölkə tarixinin parlaq səhifələrini simvollaşdıran bir bayramdır. Ulu Öndər Heydər Əliyevin Novruz bayramını yalnız baharın gəlişi ilə əlaqələndirməyib, həm də bu bayramın Azərbaycan xalqının mənəvi inkişafı, milli həmrəylik və dostluq mesajı verdiyini qeyd etməsi heç də təsadüfi deyil. Novruz bayramı, xalqı birləşdirən və onları müxtəlif siyasi baxışlardan, sosial mövqelərdən asılı olmayaraq ortaq bir məxrəcə, yəni milli həmrəyliyə çağırır. Ulu öndər bu bayrama yüksək dəyər verərək bildirmişdir ki, “Bu bayram bir də onunla fərqlənir və səciyyələnir ki, bu bayramda siyasi baxışlarından, siyasi dünyagörüşündən asılı olmayaraq hamı bayram edir. Əgər bu günümüzü götürsək, iqtidar da, müxalifət də bayram edir, bir-birini sevən də bayram edir, bir-birinə düşmən olan da. Amma bayramın bizə bəxş etdiyi ən gözəl nemət ondan ibarətdir ki, qədim zamanlardan bu bayramda insanlar kin-küdurəti unudur, küsülülər barışır, ziddiyyətlər aradan götürülür. Demək, bu, dostluq, həmrəylik, yüksək mənəviyyat bayramıdır. Ona görə də Novruz bayramını hər il böyük el bayramı kimi, hər bir insanın şəxsi bayramı kimi qeyd edərək biz istəyirik, arzu edirik və bu, Azərbaycan vətəndaşlarının əksəriyyətinin arzusudur ki, ölkəmizdə milli həmrəylik, vətəndaş həmrəyliyi, birliyi olsun. Bu ali məqsədləri, ali fikirləri ulu babalarımız bizə nəsihət ediblər. Bu bayram yaranandan onun xüsusiyyətləri insanları həmişə dostluğa, həmrəyliyə, qarşılıqlı anlaşmaya dəvət edibdir.” Bu gün isə Cənab Prezident İlham Əliyev və Novruz Bayramının Zəfər ruhunu daşımamız olduqca qiymətlidir. Azərbaycan Respublikasının Prezidenti cənab İlham Əliyevin Novruz bayramını azad edilmiş torpaqlarda qeyd etməklə, xalqına yalnız bir bayramın sevincini yaşatmağı bütün dünyaya məlumdur. Cənab Prezident həm də Azərbaycanın müstəqilliyini, ərazi bütövlüyünü və gücünü bir daha dünyaya nümayiş etdirdi. Ali Baş Komandanın rəhbərliyi altında, müzəffər Azərbaycan Ordusu torpaqlarımızı işğaldan azad edərək, Novruz bayramının keçirilməsi üçün yeni məkanlar açdı. Şuşa, Cıdır düzü, Qarabağ artıq Azərbaycan xalqının qələbəsinin simvolu olaraq bayramın məkanı oldu. Bu, bir tərəfdən, Azərbaycanın zəfər ruhunu, digər tərəfdən isə bu bayramın həmrəylik və birliyin əsasını qoyan dərin mənəvi anlamını təmsil edir. Novruz Bayramının Beynəlxalq Əhəmiyyəti də danılmazdır. Azərbaycan həmçinin Novruz bayramının beynəlxalq aləmdə tanınması istiqamətində də mühüm addımlar atıb. Mehriban xanım Əliyevanın rəhbərliyi ilə, UNESCO tərəfindən bu bayramın Qeyri-Maddi Mədəni İrs siyahısına daxil edilməsi, Novruzun yalnız Azərbaycanda deyil, bütün dünyada tanınması üçün mühüm bir təşəbbüs olmuşdur. Bu, təkcə Azərbaycanın mədəniyyəti və adətləri üçün deyil, həm də dünya xalqlarının birliyinin, müxtəlif mədəniyyətlərin qarşılıqlı hörmətinin simvoludur. Bu gün Novruz, təkcə Azərbaycanın deyil, eyni zamanda, Türkiyənin, Özbəkistanın, İraqın və digər ölkələrin bayramıdır. Novruz bayramı milli birliyin simvolu olmaqla yanaşı, həm də ekoloji məsuliyyətin bir təbliğatıdır. Mehriban xanım Əliyevanın təşəbbüsü ilə başlanan "Hərəyə bir ağac əkək" kampaniyası, Novruz bayramının ekologiya ilə bağlı tərəfini gücləndirir. Hər il minlərlə ağacın əkilməsi və yeni parkların salınması ilə Azərbaycan təbiətinə verdiyi töhfəni artırır. Bu, həm də gənc nəslə ətraf mühitə qarşı məsuliyyətli yanaşma hissi aşılamaq baxımından əhəmiyyətlidir.

Novruz bayramı həm də ölkəmizin inkişafını simvollaşdırır. İnsanlar bayram süfrələrini açarkən yalnız təbiətə deyil, cəmiyyətə də faydalı olan, müsbət düşüncələrlə dolu bir gələcəyin təməlini qoyurlar. Novruz, sosial harmoniya və sülhün daha da möhkəmləndiyi bir bayramdır, hansı ki, xalq birləşir, dostluq qurur, müxtəlif sosial qruplar arasında qarşılıqlı hörmət və anlaşma yaranır. Novruz bayramı, Azərbaycanın siyasi, sosial və ekoloji inkişafını əks etdirən, həm də ölkəmizin gücünü və iradəsini bütün dünyaya nümayiş etdirən bir bayramdır. Novruz bayramı özündə milli folklorun bütün çalarlarını ehtiva edir. “Papaq atmaq”, “qulaq falı”, “tonqaldan tullanmaq”, “üzük falı”, “səməni əkmək”, “yumurta döyüşdürmək” və Novruz bayramı ilə əlaqələndirilən digər məşhur adətlər Azərbaycan xalqının tarixini, onun zəngin folklorunu və fəlsəfəsini özündə ehtiva edir. Novruzda bayram masasının üzərində mərkəzində səməni olan xonçanın olması vacibdir. Səməninin ətrafına milli şirniyyatlar: paxlava - yer kürəsinin 4 istiqamətini, qoğal - günəşi, şəkərbura - ayı, rənglənmiş yumurta - həyatı simvolizə edir. Adətə görə süfrədə “S” hərfi ilə başlayan 7 məhsul olmalıdır: səbzi, sumaq, sirkə, səməni, süd, su və sünbül süfrədə olması vacib şərtdir. Bayram süfrəsinin əsas bəzəyi şah plovdur. Novruz bayramı qonşuları, dostları xonçaya yığılmış şirniyyatlara qonaq etməklə davam edirBu bayram yalnız baharın gəlişi ilə deyil, həm də Azərbaycanın hər bir vətəndaşının birliyini, gücünü, torpaqlarını və gələcəyini sevməsini simvollaşdırır. Ulu Öndər Heydər Əliyevin qoyduğu təməl əsasında, Prezident İlham Əliyevin rəhbərliyi altında bu bayram, Azərbaycanın müstəqilliyini və gücünü bir daha dünya xalqlarına göstərir.

Paylaş:

Baxılıb: 346 dəfə