Bütün şəhərlər müasir yollarla birləşir

Bakı:

25 °C

54 %

1 m/s

Əlaqə

AZ RU EN

Ana səhifə / YAP xəbərləri / Bütün şəhərlər müasir yollarla birləşir

Bütün şəhərlər müasir yollarla birləşir

31.01.2025 [17:32]

Samir Qocayev,

YAP Goranboy rayon təşkilatının sədri

Prezident İlham Əliyevin iştirakı ilə yanvarın 28-də nəqliyyat məsələlərinə həsr olunmuş müşavirə keçirildi. “Nəqliyyat məsələlərini həmişə diqqət mərkəzində saxlamışıq” söyləyən cənab İlham Əliyev bildirdi ki, son 15 ildə Bakı şəhərində bir çox böyük layihələr icra edildi, yeni metro stansiyaları istifadəyə verildi, yol qovşaqları, tunellər, körpülər inşa edildi, yeni yollar salındı: “Əgər bu işləri görməsəydik, bu gün, ümumiyyətlə, Bakı şəhərində nəqliyyat iflic vəziyyətinə düşərdi. Amma yenə də görürük ki, növbəti böyük bir proqramın qəbul olunmasında böyük fayda olacaq. Bu məqsədlə bir müddət bundan əvvəl Rəqəmsal İnkişaf və Nəqliyyat Nazirliyinə dövlət proqramının hazırlanmasına dair müvafiq göstərişlər verilib və bir neçə ay ərzində bu proqram üzərində iş aparılıb”.

Bütün ölkə üzrə bir çox nəqliyyat layihələri icra edilib. Əgər 20 il əvvələ nəzər salsaq bu gün görülən işlərin miqyasının nə qədər geniş olduğunu, Azərbaycanın qarşısında açdığı imkanları aydın görürük. Bakı şəhərinin əsas yolları faktiki olaraq heç bir standarta uyğun gəlmirdi. Yeni yollar salındı. Bütün şəhərlər müasir yollarla birləşir. Kənd yollarının təmiri və salınması dərəcəsi təqribən 85-90 faizə çatıb və hər il bu məqsədlər üçün vəsait ayrılır.

İstər Bakı və Bakıətrafı qəsəbələrin, istərsə də regionların sosial-iqtisadi inkişafına dair Dövlət proqramlarında əsas diqqət göstərilən məsələlərdən biri nəqliyyat infrastrukturunun inkişaf etdirilməsi oldu. Uğurlu nəticələr göz önündədir. Bu gün ən ucqar kəndlərə belə müasir yollar çəkilib, insanların rahat yaşayışı təmin edilir. Bugünümüzün çağırışları yeni Dövlət Proqramının qəbulunu zərurətə çevirdi. Cənab İlham Əliyev müşavirədə bu məsələni də xüsusi diqqətə çatdırdı. Artıq Prezident İlham Əliyevin 30 yanvar 2025-ci il tarixli Sərəncamı ilə “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı” təsdiq edildi.

Prezident İlham Əliyev müşavirədə Azərbaycanın yerləşdiyi coğrafi vəziyyətdən səmərəli şəkildə istifadə etdiyini, beynəlxalq nəqliyyat dəhlizlərin ərazilərimizdən keçdiyini də diqqətə çatdırdı. Vurğuladı ki, sadəcə olaraq, coğrafi yerləşmə hələ o demək deyil ki, hər hansı bir ölkə nəqliyyat qovşağına çevrilə bilər. Ardıcıl olaraq beynəlxalq nəqliyyat dəhlizlərinin Azərbaycan ərazisindən keçməsinə maraq, səylər göstərmişik və praktiki işlər görmüşük. Bu gün Avrasiyanın nəqliyyat xəritəsini Azərbaycansız, onun nəqliyyat infrastrukturu olmadan təsəvvür etmək mümkün deyil. Hazırda ərazimizdən Şərq-Qərb və Şimal-Cənub nəqliyyat dəhlizləri keçir. Bu dəhlizlər üzrə daşınan yüklərin həcmi ildən-ilə artır. Yüklərin daha səmərəli daşınması üçün fiziki infrastrukturla yanaşı, digər addımlar da atılır, o cümlədən rəqəmsallaşma məsələlərinə diqqət göstərilir. Qonşu ölkələrlə yeni əməkdaşlıq formatları yaradılmış və ortaq, müştərək müəssisələr qurulmuşdur.

Onu da qeyd edək ki, nəqliyyat mərkəzləri statusuna malik olan ölkələr o ölkələrdir ki, onların açıq dənizlərə çıxışı var. Azərbaycanın isə dünya okeanlarına çıxışı yoxdur. Amma buna baxmayaraq, gördüyü işlər nəticəsində əvəzolunmaz nəqliyyat mərkəzlərinin birinə çevrilib. İşlər davam edir. Həm Şimal-Cənub, həm də Şərq-Qərb nəqliyyat dəhlizləri üzrə əlavə tədbirlər görülür.

Cənubi Qafqazın ən böyük və perspektivli dövləti, Şərqlə-Qərbin qovşağında unikal coğrafi geosiyasi şəraitə malik olan Azərbaycan bu gün regionda gedən əsas proseslərin mərkəzində dayanmaqla geoiqtisadi cəhətdən dünyanın aparıcı dövlətləri, böyük şirkətləri üçün cəlbedici tərəfdaşa çevrilib. Azərbaycanın təşəbbüsü ilə reallaşan, gəlir gətirən layihələr həm də başqa ölkələrin iqtisadi inkişafı üçün əlavə imkanlar yaradır. Ölkəmizin təşəbbüsü ilə həyata keçirilən Bakı-Tbilisi-Qars, Şimal-Cənub, Cənub-Qərb nəqliyyat dəhlizlərinin, eləcə də Beynəlxalq Transxəzər Nəqliyyat Marşrutu kimi layihələr təkcə iqtisadi səmərəsi ilə deyil, ölkələrarası əməkdaşlığın genişləndirilməsi baxımından da diqqət çəkir. Reallaşan hər bir layihə isə ölkəmizin dünya birliyində siyasi, iqtisadi əhəmiyyətini artırmaqla, nəqliyyat təhlükəsizliyinin təminatındakı rolunun əvəzedilməzliyini təsdiqləyir.

Paylaş:

Baxılıb: 439 dəfə