Qətiyyətli siyasət - nüfuzlu dövlət

Bakı:

25 °C

69 %

4 m/s

Əlaqə

AZ RU EN

Ana səhifə / YAP xəbərləri / Qətiyyətli siyasət - nüfuzlu dövlət

Qətiyyətli siyasət - nüfuzlu dövlət

18.11.2024 [17:30]

Anar Şahmuradov,

YAP Ağdaş rayon təşkilatının ideoloji işlər üzrə məsləhətçisi

Azərbaycan beynəlxalq aləmdə yüksək nüfuz sahibi olan, həçminin müasir çağırışılara adekvat cavab verən ölkədir. Ölkə başçısının həyata keçirdiyi düşünülmüş siyasət, eləcə də qətiyyətli mövqeyi Azərbaycanın milli maraqlarına xidmət etməklə yanaşı dünyada yüksək nüfuza sahib olmasına gətirib çıxarmışdır. Azərbaycan dünyada ədalət, sülh və qarşılıqlı əməkdaşlıq tərəfdarıdır. Bir sıra beynəlxalq əhəmiyyətli tədbir və idman yarışlarının ölkəmizdə keçirilməsi də buna bariz nümunədir. Məhz COP29-a da ölkəmizin ev sahibliyi etmək statusunu qazanması Azərbaycanın beynəlxalq aləmdəki yüksək nüfuzundan xəbər verir. Çünki Azərbaycanın COP29-a ev sahibliyi etməsinə təxminən 200 ölkə yekdilliklə qərar vermişdir. Beynəlxalq əhəmiyyətinə görə çox böyük tədbir olan COP29-un ölkəmizdə keçirilməsi qərarının verilməsi müəyyən dairələr və bəzi qərb dövlətlərini kəskin narahat etmiş, bunun üçün də ölkəmizə qarşı davamlı qara piar kampaniyaları aparılmağa başlanılmışdır. Təbii ki, bu əsassız kampaniya erməni lobbisi və Makron Fransası tərəfindən həyata keçirilirdi. Azərbaycanı neft-qaz istehsalçısı olmaqda günahlandırır, heç bir reallığa uyğun olmayan ittihamlar səsləndirirdilər. Hətta COP29 tədbirinin dünya ölkələri tərəfindən boykot edilməsi üçün cəhdlər də edilmişdir. Lakin ölkəmizin COP29 tədbirləri üçün çox yüksək səviyyədə hazırlaşması, lazimi infrastrukturun yaradılması, eləcə də beynəlxalq aləmdə yüksək nüfuz sahibi olması anti-Azərbaycan dairələrin cəhdlərinin nəticəsiz qalmasına səbəb oldu. Tədbirdə iştirak etmək üçün 196 ölkədən 72 min insan qeydiyyatdan keçmiş, 80 ölkənin prezident, vitse-prezident və Baş naziri COP29-un Liderlər Sammitinin açılış mərasiminə qatılmışlar. COP29-un Liderlər Sammitinin açılış mərasimində çıxışı zamanı Prezident İlham Əliyev Azərbaycana qarşı qarayaxma kampaniyası aparan Qərb siyasətçiləri və mediasına tutralı cavab verərək dəqiq faktları səsləndirməklə onların ölkəmizə qarşı olan anti-təbliğatını iflasa uğratdı. Ölkə başçısı Azərbaycanın yaşıl enerji gündəliyi haqqında, eləcə də bu sahədə görülmüş böyükmiqyaslı real işlərdən bəhs etdi.

Liderlər Sammitinin açılış mərasimində Prezident İlham Əliyev Azərbaycanın davamlı olaraq ikili standartlarla üzləşdiyini, eləcə də beynəlxalq səviyyədə tanınmış ərazilərinin 20 faizinin 30 il Ermənistanın işğalında qaldığını vurğulamaqla ölkəmizin haqq işinə də diqqət çəkdi. Lakin üzləşdiyi bütün çətinliklərə baxmayaraq Azərbaycan davamlı olaraq iqtisadi cəhətdən gücləndirilmiş, həyata heçirilmiş meqa layihələr nəticəsində çoxtərəfli əməkdaşlıqların qurulmasına nail olmuşdur. Ümumiyyətlə, Azərbaycan milli maraqları daxilində hər zaman istənilən ölkə ilə əməkdaşlıqda maraqlıdır. Həmçinin Azərbaycan dünyada işğaldan əziyyət çəkən, ikili standartlarla üzləşən ölkələrin də maraqlarının təmin olunmasına çalışır. Çünki Azərbaycan özü bu qeyd olunan problemlərlə üzləşmiş ölkədir. Odur ki, beynəlxalq ədalətin bərqərar olunmasında maraqlıdır. Ölkəmizin kiçik ada dövlətlərinə münasibəti də məhz bu konteksdərir. Heç şübhəsiz ki, dünya yalnız bəzi qərb dövlətlərindən ibarət deyil. COP29 çərçivəsində inkişaf etməkdə olan ada dövlətlərinin Sammitində Prezident İlham Əliyev bildirdi ki, kiçik ada dövlətlərinin səsi qlobal arenada eşidilməlidir. Ölkə başçısının bu Sammitdə səsləndirdiyi fikirlər Azərbaycana qarşı qərəzli mövqe tutmuş Fransa və Niderland üçün həm də tutarlı cavab oldu. Fransa və Niderlandın işğalçılıq cinayətləri faktlarla dünya ictimaiyyətinin diqqətinə çatdırıldı, Avropa Parlamenti, Avropa Şurası Parlament Assambleyası kimi təsisatların, Makron və Cozep Borrel kimi siyasətçilərin siyasi riyakarlıqları ifşa edildi.

Paylaş:

Baxılıb: 596 dəfə