Şəmkirdə Müstəqilliyin Bərpası Günü Münasibətiilə tədbir keçirilib

Bakı:

19 °C

72 %

8 m/s

Əlaqə

AZ RU EN

Ana səhifə / YAP xəbərləri / Şəmkirdə Müstəqilliyin Bərpası Günü Münasibətiilə tədbir keçirilib

Şəmkirdə Müstəqilliyin Bərpası Günü Münasibətiilə tədbir keçirilib

18.10.2024 [19:03]

17 oktyabr 2024-cü il tarixində Şəmkir Rayon İcra Hakimiyyəti və YAP Şəmkir rayon təşkilatının birgə təşkilatçılığı ilə “18 Oktyabr Müstəqilliyin Bərpası Günü” münasibətilə YAP Şəmkir rayon təşkilatının qərərgahında tədbir keçirildi.

Tədbirdə YAP Şəmkir rayon təşkilatının sədri Fəxrəddin Vəliyev, Şəmkir Rayon İcra Hakimiyyəti başçısının müavini, Sosial-iqtisadi inkişafin təhlili və proqnozlaşdırılması şöbəsinin müdiri Rüfət Sahibsoy və Şəmkir Rayon İcra Hakimiyyəti başçısının müavini Aynur Abdullayeva, YAP Şəmkir rayon təşkilatının bütün ərazi partiya təşkilatlarını təmsil edən 90 partiya fəalları iştirak etdilər.

İlk öncə Ulu Öndər Heydər Əliyevin və torpaqlarımızın azadlığı, ölkəmizin müdafiəsi naminə canını fəda etmiş şəhidlərimizin xatirəsi bir dəqiqəlik sükutla yad edilib.

YAP Şəmkir rayon təşkilatının sədri Fəxrəddin Vəliyev çıxış edərək Müstəqilliyin Bərpası Gününün tarixi və əhəmiyyəti haqqında danışılıb. Qeyd edib ki, müstəqilliyimizin möhkəmləndirilməsi dönəmində ölkəmizdə dünyəvi, hüquqi və demokratik dövlət quruculuğu istiqamətində görülən böyük işlər dünyaşöhrətli siyasətçi, xalqımızın Ümummilli Lideri Heydər Əliyevin misilsiz xidmətlərinin bəhrəsidir.

F.Vəliyev bildirib ki, Ulu Öndər Heydər Əliyevin müstəqilliyimizin qorunub saxlanılması və möhkəmləndirilməsi istiqamətində yorulmaz səyləri bu gün Prezident İlham Əliyev tərəfindən davam etdirilir. Ulu Öndərin çoxşaxəli fəaliyyətinin nəticələrinə əsaslanaraq Prezident İlham Əliyev ölkəmizə rəhbərliyi dövründə siyasi, iqtisadi, sosial və hərbi sahələrdə böyük tərəqqi və inkişafa nail olub. Azərbaycan yerləşdiyi bölgədə cərəyan edən strateji, siyasi və iqtisadi proseslərin gedişinə təsir göstərməyə qadir ölkəyə çevrilib. Dövlətimizin başçısının müəyyənləşdirdiyi uğurlu inkişaf strategiyası nəticəsində Azərbaycan iqtisadiyyatı inkişaf sürətinə görə dünyada ən yüksək yerlərdə dayanır.

Çıxış edən Şəmkir Rayon İcra Hakimiyyəti başçısının müavini, Sosial-iqtisadi inkişafin təhlili və proqnozlaşdırılması şöbəsinin müdiri Rüfət Sahibsoy qeyd edib ki, Məhz Ali Baş Komandan İham Əliyevin rəhbərliyi altında Azərbaycan Ordusu 44 gün ərzində işğala son qoyaraq ərazilərimizi azad etdi. Təbii ki, ölkəmizin qüdrətini nümayiş etdirən daha bir hadisə 2023-cü il sentyabrın 19-20-də baş verdi. Azərbaycan Silahlı Qüvvələrinin Qarabağın qeyri-qanuni erməni silahlı birləşmələrindən təmizlənməsi və ərazilərimizdəki qondarma rejimin ləğv edilməsi istiqamətində başlatdığı lokal xarakterli antiterror tədbirləri qısa müddətdə böyük uğurla nəticələndi. Qeyri-qanuni erməni silahlı birləşmələrinin tərk-silah olunması, qondarma rejiminin özünü buraxdığını elan etməsi ilə Azərbaycan bütün ərazilərində suverenliyini bərpa etdi. Beləliklə, bu gün Azərbaycanın üçrəngli Dövlət Bayrağı ölkəmizin bütün şəhər və rayonlarında dalğalanır. Özünün müdrik, uzaqgörən və qətiyyətli Liderinin rəhbərliyi ilə möhtəşəm uğurlara imza ataraq tarixi Zəfər qazanan xalqımız bütün dünyaya göstərdi ki, Azərbaycanın müstəqilliyi əbədidir, dönməzdir!

Digər çıxış edən partiya fəallarında Elza Hüseynova, Sənan Məmmədli bildiriblər ki, Ümummilli Lideri Heydər Əliyev öz xalqını zamanın mürəkkəb tarixi-siyasi sınaqlarından uğurla çıxarmış və ardıcıl mübarizə apararaq onu müstəqilliyə qovuşdurmuş qüdrətli şəxsiyyətdir. “Dövlət o zaman müstəqil olur ki, onun torpaqları işğaldan azad olunur, ərazi bütövlüyü tamamlanır, suverenliyi bərpa olunur”, - deyən G.Bayramov Müzəffər Ali Baş Komandan İlham Əliyevin rəhbərliyi altında 2020-ci ilin 27 sentyabrında başlayan Vətən müharibəsində qazandığımız tarixi Qələbə ilə bu istəyimizə nail olduğumuzu vurğulayıb.

Tədbirin sonunda Yeni Azərbaycan Partiyasının himni səsləndirildi.

Paylaş:

Baxılıb: 423 dəfə