Küləklər şəhəri köhnə qitənin Olimpiadasını keçirməyə tam hazırdır

Bakı:

18 °C

63 %

3 m/s

Əlaqə

AZ RU EN

Ana səhifə / Xarici siyasət / Küləklər şəhəri köhnə qitənin Olimpiadasını keçirməyə tam hazırdır

Küləklər şəhəri köhnə qitənin Olimpiadasını keçirməyə tam hazırdır

05.06.2015 [10:18]

Bakı şəhəri 12-18 iyun tarixində ilk Avropa Oyunlarının paytaxtı olacaq
Bu günlərdə Rusiyada nəşr olunan populyar “Nezavisimaya qazeta”da Aleksandr Maleşevin “Küləklər şəhəri köhnə qitənin Olimpiadasını keçirməyə tam hazırdır” başlıqlı məqalə dərc olunub. Yazının aktuallığını nəzərə alaraq onu oxucularımıza təqdim edirik.
İyunun 12-də Bakıda ilk Avropa Oyunları start götürür. Azərbaycan isə bu möhtəşəm idman tədbirini Yay Olimpiya Oyunları səviyyəsində keçirmək əzmindədir. Təqribən 50 ölkədən 6 min idmançının qatılacağı idman yarışmasına hazırlıq işləri tam başa çatıb, bütün idman qurğuları yüksək hazırlıq vəziyyətinə gətirilib, ətraf gül-çiçəyə bürünüb, al-əlvan bayraqlar asılıb bütün bunlar isə Bakını bir qədər də gözəlləşdirib. Sosial infrastruktur, stadionlar, hovuz və idman sarayları təkcə Avropa Oyunlarına xidmət etməyəcək, bütün bunlar sonrakı illərdə Azərbaycanda idmanın kütləviliyinin inkişafına da səbəb olacaq.
Məlum olduğu kimi, 2017-ci ildə Bakıda İslam Həmrəylik Oyunları keçiriləcək. Demək, bütün bu idman qurğuları sözügedən yarışma və gələcəkdə Azərbaycanda təşkil olunacaq digər beynəlxalq yarışlar üçün də istifadə olunacaq.
Yeri gəlmişkən, qeyd etmək lazımdır ki, ilk Avropa Oyunlarına hazırlığa Bakı, demək olar ki, ağır seytnot vəziyyətində başladı. Belə ki, Avropa Olimpiya Komitəsi ilk Avropa Oyunlarının Azərbaycanda keçirilməsi barədə qərarı 2012-ci ilin dekabrında verdi. Bütün resurslar bu məqsədlə səfərbər olundu. Yarışlar paytaxtın 18 idman qurğusunda təşkil olunacaq. Yalnız avarçəkmə yarışları paytaxtdan 250 km aralıda - Mingəçevirdə təşkil olunacaq. Yarışların mərkəzi, sözsüz ki, Milli Olimpiya Stadionu olacaq. 65 min nəfər tamaşaçı tutumu olan bu möhtəşəm stadionda ilk Avropa Oyunlarının açılış və bağlanış mərasimi də təşkil olunacaq. Hətta iddia olunur ki, Oyunların açılış mərasimi Yay Olimpiya Oyunlarını belə kölgədə qoyacaq. Açılış mərasimi üçün hazırlanan şounun bədii direktoru 2004-cü ildə Afinada keçirilən Yay Olimpiya Oyunlarının təşkilatçısı Dimitris Papaionnoudur.
Xatırladaq ki, Bakı Avropa miqyasında mötəbər tədbirlər keçirməkdə artıq təcrübəyə malikdir - “Eurovision-2012” məhz bu şəhərdə təşkil olunub. Bu məqsədlə çox qısa bir zamanda möhtəşəm “Kristal Holl” inşa olundu. Bu dəfə də belə oldu, bir çox idman qurğuları yenidən inşa olundu. Onlardan biri də Xəzərin sahilində ucalan Su İdman Sarayıdır. Bu iki möhtəşəm tikili yeni Bakı bulvarına xüsusi yaraşıq verməkdədir. Burada, həmçinin Bayraq Meydanı yerləşir, hansı ki, son vaxtlaradək dünyanın ən hündür bayraq dirəyi məhz burada idi.
Su İdman Sarayının həndəvərində, həmçinin, su polosu, çimərlik futbolu və voleybolu üçün meydançalar da inşa olunub.
Müasir Bakıya yaraşıq verən digər yeni idman qurğusu isə Milli Gimnastika Arenasıdır. 5 min tamaşaçı tutumu olan bu möhtəşəm zalda ötən il artıq bədii gimnastika üzrə Avropa çempionatı keçirilib. Məhz burada ilk Avropa Oyunları proqramına daxil olan 5 növdə gimnastika yarışı keçiriləcək. Bu möhtəşəm idman qurğusu Atletlər kəndinin yaxınlığında yerləşir. İki il əvvəl inşa olunan Atletlər kəndi 13 hündürmərtəbəli binadan ibarətdir. Buradakı 1042 mənzildə nümayəndə heyətlərinin üzvləri və idmançılar yerləşəcəklər. Bura, demək olar ki, qeyri-adi bir yaşayış mərkəzidir - şəhərcikdə məişət xidməti, ərzaq, səhiyyə mərkəzi obyektlərindən tutmuş gözəllik salonunadək - bütün lazımi müəssisələr fəaliyyət göstərir. Təşkilatçılar burada, həmçinin, atletlərə milli mətbəxin təamlarından da dadmağı təklif edirlər.
Qeyd edək ki, Avropa Oyunlarına hazırlıq işləri ilə digər Olimpiya Oyunlarında iş təcrübəsi olan beynəlxalq komanda məşğul olur. Bundan əlavə, təqribən 12 min könüllü də bu işdə onlara yardım edir.
Xatırlatmaq yerinə düşər ki, ilk Avropa Oyunlarında idmanın 20 növündə yarışlar təşkil olunacaq. Bunlardan 12-si 2016-cı ildə Rio-de Janeyroda keçiriləcək Yay Olimpiya Oyunlarına lisenziya xarakteri daşıyacaq.
Səlim Loğmanoğlu

Paylaş:

Baxılıb: 1727 dəfə