Heydər Əliyev
yeni azerbaycan logo

Ana səhifə / Sosial / 25 manatın badına gedənlər...

25 manatın badına gedənlər...

08.06.2023 [11:20]

Saxta iş elanlarından sonra narazılıq doğuran məqamlardan biri də saxta reklam mesajlarıdır. Son zamanlar sosial şəbəkələr üzərindən gələn bu tip mesajlar “ümumi bədənin “chek-up”ı” başlığı ilə əhali arasında müəyyən mənada çaşqınlıq yaradır. Belə ki, insanlar qiymətə aldanaraq bu cür  “sağlamlıq mərkəzləri”nə üz tuturlar. Ancaq qarşılaşdıqları mənzərə isə görüntüdən başqa bir şey deyil. Nəticədə isə insanlarda klinikalara, xəstəxanalara ümumən tibb müəssisələrinə inamsızlıq yaranır...

Bu cür şablon mesaj alanlardan biri də həmsöhbətimiz Vüsal Babayevdir. Vüsal deyir ki, eyni başlıqlı mesaj ona da göndərilib. “Ucuz ətin şorbası”na aldanan Vüsal gördüklərini danışır: “İçəri daxil olanda buranın tibb müəssisəsi olmadığını anladım. “Sağlamlıq mərkəzi” dedikləri yer ancaq azyaşlı xanımlardan ibarət idi. Qeydiyyatçı xanım məni alman aparatı ilə yoxlayacaqlarını bildirdi. 25 manat ödədikdən sonra həkimin yanına göndərdilər. Həkimin otağında isə nə aparat, nə analiz üçün hansısa bir vasitə, nə də müayinə üçün USM var idi. Xanım minnətli şəkildə qələmə oxşar bir aparatı əlimin içində müxtəlif istiqamətlərdə hərəkət etdirdi. 5 dəqiqə sonra artıq mənim “müayinə”m bitmişdi. Otaqdan çıxanda boş otaq, xanımın sarışın olduğu yadımda qalmışdı. Bir də mənə verdiyi möhürsüz “resept”...  Möhürsüz reseptdəki dərmanlar sən demə, yalnız bunların “depo aptek” dedikləri yerdə satılırmış. Ən qəribəsi isə odur ki, depo adlandırdıqları təyinatı məlum olmayan yer elə mərkəzin içində yerləşən balaca otaq imiş. Dərmanların başqa yerdə satılmadığını dediklərində artıq aldadıldığımdan tam əmin oldum...

Reseptə yazılan “dərmanların” qiyməti də kiməsə məlum olmayan hansısa “tarif şurası” tərəfindən təyin edilir. 25 manata təklif olunan xidmətlər sonda vətəndaşın və ya onların dili ilə desək, “pasiyent”in təxminən 250-300 manatlıq xərcə düşməsi ilə nəticələnir.

Belə “çek up əməliyyatları” barədə fikirlərini bölüşən həkim-terapevt Abbas Bağırov qəzetimizə açıqlamasında bu tipli  reklamlardan xəbərdar olduğunu bildirib: “Müşahidə etmişəm ki, təklif olunan, göstərilən “Çek-up” müayinəsinin qiyməti yazılan müayinələrin aparılması üçün istifadə olunan reagentlərin, tibbi istifadə materiallarının, preparatın hazırlanması  üçün tələb olunan digər resursların qiymətini ödəmir. Hətta real qiymətdən uçuz təqdim olunur. Bundan başqa, işçi maaşları, vergilər və başqa xərclər də bu qiymətə əlavə olunmalıdır. Bütün bunları hesablayan zaman görürük ki, bu “check-up” müayinələri real bazar qiyməti ilə uzlaşmır. Sadəcə olaraq kütlənin fikirlərini özlərinə yönəldərək fəaliyyət göstərdikləri tibb müəssisəsinə dəvət edib, pasiyent üzərində bu və ya digər müayinə aparıb, müalicə etmək  təklif olunur”.

Qeyd etmək istəyirəm ki,  istənilən bir orqanizm üzərində tibb mütəxəssisi müayinə aparsa, orada patoloji fon və ya xəstəlik tapa biləcək. Çünki ideal vəziyyətdə tam sağlam orqanizm mövcud deyil. Bunun bir çox səbəbləri var. İstənilən orqanizmdə bu və ya digər formada metobalizm pozuntusu və ya patoloji, fon yaxud digər xəstəliyə aparan amillər var.  “Çekapçılar” bu xəstəliyin fəsadları haqqında danışdıqda, şübhəsiz ki, hər bir pasiyent sağlamlığını qorumaq üçün təlaş-təşviş keçirərək problemi aradan qaldırmaq üçün müayinə metodlarına əməl etməli olur.  Nəticədə müalicə kurslarının aparılmasına razılaşırlar”.

“İnsanların reklam xarakterli “çek-up” müayinələri seçimi edərkən düzgün qənaətdə olmadığını görürük. Buna görə ixtisası bəlli olmayan yalan?ı mütəxəssislərlə əlaqə qurub onların apardıqları müayinə və müalicələri dərindən təhlil etmək lazımdır”, - deyə mütəxəssis əlavə edib.

Qönçə Quliyeva,

Şahanə Xankişiyeva

Paylaş:
Baxılıb: 304 dəfə

Xəbər lenti

Hamısına bax

Xəbər lenti

Ədəbiyyat

Analitik

Siyasət

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31