Gənclərin ən böyük himayəçisi və dəstəkçisi...

Bakı:

29 °C

26 %

6 m/s

Əlaqə

AZ RU EN

Ana səhifə / Sosial / Gənclərin ən böyük himayəçisi və dəstəkçisi...

Gənclərin ən böyük himayəçisi və dəstəkçisi...

01.02.2022 [10:00]

İlham Əliyev: Siz bütün işlərdə mənə arxalana bilərsiniz. Mən də sizə arxalanıram

Müşfiqə BAYRAMLI

2 fevral - Azərbaycan Gəncləri Günüdür. İki ildir ki, Azərbaycan gəncləri öz bayramlarını qalib ölkənin vətəndaşları kimi qürurla qeyd edirlər. Müzəffər Ali Baş Komandanın liderliyi ilə gənclərimizin böyük rəşadət göstərərək tarix yazması Azərbaycan gəncliyinin yüksək vətənpərvərlik ruhunda yetişməsinin təsdiqidir. Gənclərin milli ruhda tərbiyəsində, onlara Vətən sevgisinin aşılanmasında ən mühüm amillərdən biri də ölkəmizdə uzun illərdir uğurla həyata keçirilən dövlət gənclər siyasətidir. Azərbaycanda gənclər siyasəti məhz ümummilli lider Heydər Əliyevin adı ilə bağlıdır. Hazırda Prezident İlham Əliyevin rəhbərliyi ilə uğurla həyata keçirilən gənclər siyasəti çox möhkəm təməllər üzərində qurulub.

Ölkəmizin gələcək qarantı olan gənclər

Gənclərimizin ən böyük himayəçisi və dəstəkçisi məhz Azərbaycan Prezidenti İlham Əliyevdir. Prezident İlham Əliyevin gənclərlə çoxsaylı görüşləri, onların diqqət və qayğıları ilə maraqlanması dövlətimizin başçısının ölkə gəncliyinə diqqət və qayğısının təzahürüdür. Təsadüfi deyil ki, dövlətimizin başçısı gənclərlə görüşlərinin birində onlara inamını belə ifadə etmişdi: “Mənim gənclərə xüsusi münasibətim var, mənim ürəyim sizinlədir. Siz bütün işlərdə mənə arxalana bilərsiniz. Mən də sizə arxalanıram”.

Onun bu sözləri Azərbaycan dövlətinin gənclərə etimadının, gənclərin isə Prezidentə məhəbbətinin və dəstəyinin bariz nümunəsidir. Gənclər də dövlət qayğısını daim öz üzərlərində hiss edərək, uğurları ilə onlara göstərilən qayğını doğrultmağa çalışırlar.

Azərbaycan gəncliyi göstərilən etimadı layiqincə doğruldur

Ölkəmizdə gənclərin vətənpərvərlik ruhunda tərbiyəsi, yenilikçi ideyalarının reallaşdırılması, ictimai-siyasi həyatda rolunun artırılması istiqamətində bütün addımlar atılır, lazımi şərait yaradılır.

Prezidentin gənclərə verdiyi dəyərin ən bariz nümunələrindən biri də 2020-ci ilin ölkəmizdə “Könüllülər ili” elan edilməsidir. Bu ali diqqət və qayğını daim öz üzərində hiss edən Azərbaycan gəncliyi göstərilən etimadı layiqincə doğrultmağa çalışır. Sosial həyatın bütün sferalarına nəzər salsaq, görərik ki, orada gənclər əksəriyyət təşkil edir. Təbii ki, bu, Prezident İlham Əliyevin gənc kadrların irəli çəkilməsi ilə bağlı qarşıya qoyduğu vəzifənin reallaşmasının nəticəsidir.

Vətənpərvər Azərbaycan gənci Vətən müharibəsindəki qələbəmizdə mühüm rol oynadı

Bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır. Azərbaycan gəncləri gündən-günə ölkənin ictimai-siyasi həyatında daha böyük rol oynayır.

Prezident İlham Əliyev Azərbaycan Gəncləri Günü münasibətilə təşkil olunan respublika toplantısında gənclərə münasibətini bu sözlərlə ifadə edib: “Bu gün Azərbaycan gəncləri müstəqillik dövründə yaşayırlar. Bu, böyük xoşbəxtlikdir. Bu gün hər bir vətənpərvər azərbaycanlı haqlı olaraq fəxr edir ki, o, müstəqil Azərbaycan Respublikasının vətəndaşıdır. Ölkəmizin hərtərəfli inkişafında gənclərimizin çox böyük rolu vardır. Gənclər müxtəlif sahələrdə çox uğurla fəaliyyət göstərirlər, ölkəmizin ümumi inkişafına böyük töhfə verirlər”.

Azərbaycan gəncləri üçün ən həlledici sınaqlardan biri də sentyabrın 27-də başlayan və noyabrın 10-dək davam edən Vətən müharibəsi oldu. 18 il əvvəl uşaq olanlar yetişdi, formalaşdı və cəsur, vətənpərvər Azərbaycan gəncinə çevrildi. Dövlətçiliyimizin inkişafında, torpaqlarımızın düşmən tapdağından azad olunmasında can qoydular. Gənclərimizin Vətən müharibəsində döyüş meydanında göstərdiyi şücaətin məntiqi davamı olaraq hazırda informasiya müharibəsində də onlar yüksək intellekt və bacarıq nümayiş etdirirlər.

Paylaş:

Baxılıb: 846 dəfə