Mahirə Hüseynova: “Nizami Gəncəvi İli”nin elan edilməsi hər bir azərbaycanlının, o cümlədən Şərq insanının diqqətini böyük şair-filosofa yönəltməyə xidmət edir

Bakı:

23 °C

64 %

1 m/s

AZ RU EN

Ana səhifə / Sosial / Mahirə Hüseynova: “Nizami Gəncəvi İli”nin elan edilməsi hər bir azərbaycanlının, o cümlədən Şərq insanının diqqətini böyük şair-filosofa yönəltməyə xidmət edir

Mahirə Hüseynova: “Nizami Gəncəvi İli”nin elan edilməsi hər bir azərbaycanlının, o cümlədən Şərq insanının diqqətini böyük şair-filosofa yönəltməyə xidmət edir

06.04.2021 [09:03]

Məlum olduğu kimi, Prezident İlham Əliyevin Sərəncamı ilə 2021-ci il “Nizami Gəncəvi İli” elan edilib. “Nizami Gəncəvi İli”nin elan edilməsi ölkəmizdə klassik ədəbi irsimizin, milli ədəbiyyatımızın və mədəniyyətimizin görkəmli simalarının tanıdılması, təbliğ edilməsi sahəsində atılan növbəti addımdır. Dünya poeziya xəzinəsinə əvəzsiz incilər bəxş edən dahi şairin 870 illik yubileyi ölkəmizdə, xüsusilə Nizami Gəncəvinin Vətəni Gəncədə böyük izdiham, təntənə ilə qeyd edilib, söz sərrafları dahi şairin yaradıcılığının işığına yığışıblar.
“Yaşadığımız ilin “Nizami Gəncəvi İli” elan edilməsi, əlbəttə, hər bir azərbaycanlının, o cümlədən Şərq insanının diqqətini böyük şair-filosofa yönəltməyə xidmət edir. İnanırıq ki, ölkə Prezidentinin imzaladığı bu xüsusi əhəmiyyətli dövlət sənədi, ilk növbədə, ədəbiyyatşünas alimlərimizin yeni tədqiqat sahələrini araşdırmaq üçün stimul olacaq”. Bu fikirləri qəzetimizə açıqlamasında ADPU-nun filologiya fakültəsinin dekanı, filologiya elmləri doktoru, professor Mahirə Hüseynova deyib.
Professorun sözlərinə görə, Nizami Gəncəvi irsinin akademik araşdırılması işinin tamamilə yeni müstəviyə keçirilməsi Ümummilli Lider Heydər Əliyevin bilavasitə diqqət və qayğısı sayəsində xüsusilə aktual oldu. Onun iradəsi ilə 1979-cu il yanvar ayının 6-da “Azərbaycanın böyük şairi və mütəfəkkiri Nizami Gəncəvinin irsinin öyrənilməsini, nəşrini və təbliğini daha da yaxşılaşdırmaq tədbirləri haqqında”, 1981-ci ilin avqust ayında isə “Nizami Gəncəvinin anadan olmasının 840 illiyi haqqında” qərarlar təkcə Nizami irsinin tədqiqi sahəsində deyil, ümumən orta əsrlər Azərbaycan mədəniyyətinin sistemli araşdırılması üçün geniş perspektivlər açdı.
Qeyd olunub ki, yaradıcılığa lirik şeirlər - qəsidə, qəzəl və rübailərlə başlayan Nizami qısa zaman ərzində öz “Divan”ını tərtib etdi və bir şair kimi məşhurlaşdı. Onu populyar edən, dünya şöhrəti qazandıran, “Xəmsə” adlandırılan beş poeması (“Sirlər xəzinəsi”, “Xosrov və Şirin”, “Leyli və Məcnun”, “Yeddi gözəl”, “İsgəndərnamə”) isə ədəbiyyata tamamilə yeni bir poetik səs, nəfəs gətirdi. Nizami Gəncəvi sözün qiymətini bilən, onun ağırlıqları altında poeziyanın yükünü çəkən, nadir istedadın fitrəti ilə adını dünya ədəbiyyatının korifeyləri sırasına həkk etdirən fikir adamı kimi yaşamaqda davam edir.
MÜŞFİQƏ

Paylaş:

Baxılıb: 780 dəfə