Nərimanov rayonunda Vətən müharibəsi iştirakçısı, qazi Fərhad Bədəlov ziyarət olunub

Bakı:

26 °C

42 %

4 m/s

Əlaqə

AZ RU EN

Ana səhifə / Sosial / Nərimanov rayonunda Vətən müharibəsi iştirakçısı, qazi Fərhad Bədəlov ziyarət olunub

Nərimanov rayonunda Vətən müharibəsi iştirakçısı, qazi Fərhad Bədəlov ziyarət olunub

12.03.2021 [09:09]

19 saylı Nərimanov seçki dairəsindən Milli Məclisin deputatı, Yeni Azərbaycan Partiyası (YAP) İdarə Heyətinin üzvü, “Yeni Azərbaycan” qəzetinin baş redaktoru Hikmət Babaoğlu və YAP Nərimanov rayon təşkilatının sədri Təmraz Tağıyev, həmçinin rayon təşkilatının bir qrup üzvü Nərimanov rayonunun sakini, Vətən müharibəsinin iştirakçısı, qazi kiçik çavuş Fərhad Gülağa oğlu Bədəlovu ziyarət ediblər.
Görüş zamanı Milli Məclisin deputatı, YAP İdarə Heyətinin üzvü, “Yeni Azərbaycan” qəzetinin baş redaktoru Hikmət Babaoğlu Müzəffər Ali Baş Komandan İlham Əliyevin rəhbərliyi ilə rəşadətli Ordumuzun 44 gün müddətində əzəli və əbədi torpaqlarımızı düşmən işğalından azad etməsi, həmçinin “Dəmir yumruq” əməliyyatı ilə xalqımızın qəlbindəki 30 illik nisgilə birdəfəlik son qoyulması barədə söhbət açıb. Hikmət Babaoğlu qeyd edib ki, Vətən müharibəsində əsgər və zabitlərimiz əsl qəhrəmanlıq nümunəsi göstəriblər.
Millət vəkili bildirib ki, müharibə dövründə dövlətimizin başçısının “Biz birlikdə güclüyük!” şüarını rəhbər tutan xalqımızın igid övladlarının ön cəbhədə, bütün Azərbaycan xalqının isə arxa cəbhədə səfərbər olması qürurvericidir. Hikmət Babaoğlu qəhrəman əsgərlərimizin döyüş meydanlarında göstərdiyi şücaətin tarixin yaddaşına həkk olunduğunu diqqətə çatdırıb, şəhidlərimizə Allahdan rəhmət, qazilərimizə şəfa diləyib.
YAP Nərimanov rayon təşkilatının sədri Təmraz Tağıyev də xalqımızın qəhrəman oğulları ilə qürur duyduğunu bildirib, onların torpaqlarımızı işğaldan azad etməklə tarix yazdıqlarını söyləyib. Bu müharibə həm də bütün dünyaya ölkəmizin gücünün və xalqımızın birliyinin nümayişi oldu.
Vətən müharibəsinin iştirakçısı, qazi Fərhad Bədəlov keçdiyi döyüş yolu barədə danışıb. O, Vətən müharibəsinin başladığı ilk gündən döyüşlərdə olduğunu bildirib. Qeyd edib ki, Laçın dəhlizi istiqamətində gedən döyüşlərdə yaralanıb.
Fərhad Bədəlov döyüşlər zamanı göstərdiyi qəhrəmanlığa görə Azərbaycan Prezidenti tərəfindən “Laçının azad edilməsinə görə”, “Qubadlının azad edilməsinə görə” və “Cəbrayılın azad edilməsinə görə” medalları ilə təltif olunub.
Görüş zamanı qazi və onun ailəsinin qayğıları dinlənilib, problemlərinin həlli istiqamətində müvafiq addımların atılacağı diqqətə çatdırılıb. Həmçinin ailəyə maddi yardım göstərilib. Qazi göstərilən diqqətə görə öz razılığını bildirib.

Paylaş:

Baxılıb: 788 dəfə