“Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

Bakı:

24 °C

60 %

2 m/s

AZ RU EN

Ana səhifə / Sosial / “Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

“Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

27.11.2020 [08:50]

“Vətən müharibəsində əldə olunan qələbəmizdə milli həmrəyliyimizin və azərbaycançılıq ideologiyasının rolu” mövzusunda təşkil edilən tədbirdə bildirilib ki, hər zaman dövlətinə sadiq olan Azərbaycan vətəndaşları 44 günlük Vətən müharibəsi zamanı da vahid mövqeden çıxış etdi
Xəbər verildiyi kimi, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) qəzet redaksiyalarına maliyyə yardımının göstərilməsi üçün müsabiqə elan edib. Müsabiqə çərçivəsində KİVDF tərəfindən “Azərbaycan Respublikasında Kütləvi İnformasiya Vasitələrinin İnkişafına Dövlət Dəstəyi Konsepsiyası”na uyğun olaraq, 19 istiqamət üzrə layihə-təkliflər təqdim olunub.
“Yeni Azərbaycan” qəzeti “Regionların sosial-iqtisadi inkişafının təşviq edilməsi”, “Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi”, eləcə də “Azərbaycançılıq ideyasının təbliği” istiqamətləri üzrə müsabiqənin qalibi olub. Hazırda redaksiya tərəfindən müsabiqə şərtlərinə uyğun olaraq qəzetin səhifələrində hər üç istiqamət üzrə müntəzəm qaydada materiallar dərc olunur. Eyni zamanda, “Yeni Azərbaycan” qəzetinin redaksiyası layihələrin icrası çərçivəsində müvafiq mövzuların müzakirəsi ilə bağlı onlayn “dəyirmi masa”lar keçirir.
Beləliklə, noyabrın 24-də növbəti onlayn “dəyirmi masa” “Azərbaycançılıq ideyasının təbliği” istiqaməti üzrə “Vətən müharibəsində əldə olunan qələbəmizdə milli həmrəyliyimizin və azərbaycançılıq ideologiyasının rolu, əhəmiyyəti” mövzusunda keçirilib. “Yeni Azərbaycan” qəzetinin müxbiri, layihə rəhbəri Pərviz Sadayoğlunun moderatorluğu ilə keçirilən tədbirdə Milli Məclisin deputatı, Yeni Azərbaycan Partiyası Gəncə şəhər təşkilatının sədri Naqif Həmzəyev, Milli Məclisin deputatı, Milli Cəbhə Partiyasının sədri Razi Nurullayev və Yeni Azərbaycan Partiyası Gədəbəy rayon təşkilatının sədri Rüstəm Nağıyev iştirak ediblər.
“Dəyirmi masa”da iştirak edən natiqlər vurğulayıblar ki, 1993-cü ildə Ulu Öndər Heydər Əliyevin hakimiyyətə gəlişi ölkəmizdə milli birliyin formalaşmasında əsas rol oynadı. O da bildirilib ki, hər zaman dövlətinə sadiq olan Azərbaycan vətəndaşları 44 günlük Vətən müharibəsi zamanı da vahid mövqeden çıxış etdi. Bildirlib ki, sentyabrın 27-dən başlayan Vətən müharibəsi dövründə xalqımız, o cümlədən də ölkəmizdə fəaliyyət göstərən siyasi qüvvələr birmənalı şəkildə Azərbaycan Prezidenti, Silahlı Qüvvələrin Ali Baş Komandanı İlham Əliyevin ətrafında sıx birləşərək torpaqlarımızın düşmən işğalından azad olunması uğrunda apardığmız haqq savaşının qələbə ilə başa çatmasında əhəmiyyətli rol oynadı. Vətənin bütövlüyü uğrunda ortaya qoyulan bu milli həmrəylik isə ən böyük uğurlarımızdandır.
Onlayn “dəyirmi masa”da mövzu ilə əlaqədar geniş fikir mübadiləsi aparılıb.

Paylaş:

Baxılıb: 621 dəfə