“Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

Bakı:

27 °C

43 %

4 m/s

AZ RU EN

Ana səhifə / Sosial / “Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

“Yeni Azərbaycan” qəzeti KİVDF-nin elan etdiyi müsabiqə üzrə növbəti onlayn “dəyirmi masa” keçirib

29.09.2020 [09:06]

“Azərbaycançılıq ideologiyası milli birliyimizin əsasını təşkil edir” mövzusunda təşkil olunan tədbirdə Azərbaycanda sülh, təhlükəsizlik şəraitində yaşayan xalqların dünyaya birgəyaşayış nümunəsi təqdim etmələri, ölkəmizin tolerantlıq nümunəsi olması və multikultural dəyərləri təşviq etməsi diqqətə çatdırılıb
Xəbər verildiyi kimi, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) qəzet redaksiyalarına maliyyə yardımının göstərilməsi üçün müsabiqə elan edib. Müsabiqə çərçivəsində KİVDF tərəfindən “Azərbaycan Respublikasında Kütləvi İnformasiya Vasitələrinin İnkişafına Dövlət Dəstəyi Konsepsiyası”na uyğun olaraq 19 istiqamət üzrə layihə-təkliflər təqdim olunub.
“Yeni Azərbaycan” qəzeti “Regionların sosial-iqtisadi inkişafının təşviq edilməsi”, “Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi”, eləcə də “Azərbaycançılıq ideyasının təbliği” istiqamətləri üzrə müsabiqənin qalibi olub. Hazırda redaksiya tərəfindən müsabiqə şərtlərinə uyğun olaraq qəzetin səhifələrində hər üç istiqamət üzrə müntəzəm qaydada materiallar dərc olunur. Eyni zamanda, “Yeni Azərbaycan” qəzetinin redaksiyası layihələrin icrası çərçivəsində müvafiq mövzuların müzakirəsi ilə bağlı onlayn “dəyirmi masa”lar keçirir.
Beləliklə, sentyabrın 21-də növbəti onlayn “dəyirmi masa” “Azərbaycançılıq ideyasının təbliği” istiqaməti üzrə “Azərbaycançılıq ideologiyası milli birliyimizin əsasını təşkil edir” mövzusunda keçirilib. “Yeni Azərbaycan” qəzetinin müxbiri, layihə rəhbəri Pərviz Sadayoğlunun moderatorluğu ilə keçirilən tədbirdə Milli Məclisin deputatı Müşfiq Məmmədli, Yeni Azərbaycan Partiyası (YAP) İsmayıllı rayon təşkilatının sədri Sevil Əhmədova və “Jurnalist Ekspert Mərkəzi” İctimai Birliyinin rəhbəri Ceyhun Musaoğlu iştirak ediblər.
“Dəyirmi masa”da iştirak edən natiqlər bildiriblər ki, 1993-cü ildə Ulu Öndər Heydər Əliyevin hakimiyyətə gəlişi ölkəmizdə milli birliyin formalaşmasında əsas rol oynadı. Qeyd edilib ki, müstəqilliyimizin ilk illərində separatizm meyillərinin baş qaldırdığı ölkəmizdə daxili qarşıdurmaların daha da güclənməsini istəyən dairələr vardı. Ölkəmizdə yaşayan xalqlar arasında milli nifaq salınmasına istiqamətlənmiş bu niyyətlər məhz Ulu Öndərimizin qətiyyətli siyasəti nəticəsində iflasa uğradı. Vurğulanıb ki, əsası Ümummilli Liderimiz tərəfindən qoyulan azərbaycançılıq ideologiyası Azərbaycanın bütövlüyünə, milli birliyimizin daha da gücləndirilməsinə xidmət edir.
O da diqqətə çatdırılıb ki, çoxmillətli ölkə olan Azərbaycanda sülh, təhlükəsizlik şəraitində yaşayan xalqlar daim multikultural dəyərlərə hörmətlə yanaşıb, dünyaya birgəyaşayış nümunəsi təqdim ediblər. Onlayn “dəyirmi masa”da mövzu ilə əlaqədar geniş fikir mübadiləsi aparılıb.

Paylaş:

Baxılıb: 529 dəfə