Ulu Öndər Heydər Əliyevin Bərdəyə hər gəlişi rayon tarixinin şanlı səhifəsinə çevrilib

Bakı:

21 °C

49 %

10 m/s

Əlaqə

AZ RU EN

Ana səhifə / Sosial / Ulu Öndər Heydər Əliyevin Bərdəyə hər gəlişi rayon tarixinin şanlı səhifəsinə çevrilib

Ulu Öndər Heydər Əliyevin Bərdəyə hər gəlişi rayon tarixinin şanlı səhifəsinə çevrilib

13.07.2019 [10:11]

Ümummilli Lider Heydər Əliyev hakimiyyətdə olduğu illərdə 14 dəfə Bərdəyə səfər edib, əmək adamları, sadə bərdəlilərlə unudulmaz görüşlər keçirib. Onun Bərdəyə hər gəlişi rayon tarixinin şanlı səhifəsinə çevrilib.
AZƏRTAC-ın bölgə müxbiri xəbər verir ki, bu barədə Ümummilli Liderimiz Heydər Əliyevin Azərbaycana rəhbərlik etməyə başlamasının 50 illiyi münasibətilə Bərdədə keçirilən tədbirdə bəhs edilib.
Tədbir iştirakçıları əvvəlcə Ulu Öndərin şəhərin mərkəzində ucaldılan abidəsini ziyarət edərək önünə tər gül dəstələri qoyublar.
Sonra iştirakçılar Heydər Əliyev Mərkəzində dahi rəhbərin zəngin və mənalı ömür yolunu əks etdirən eksponatlar, sənəd və fotoşəkillərlə tanış olublar.
Tədbir Ulu Öndər Heydər Əliyevin əziz xatirəsinin bir dəqiqəlik sükutla yad edilməsi ilə başlayıb.
Bərdə rayon İcra Hakimiyyəti başçısının müavini, Yeni Azərbaycan Partiyası (YAP) rayon təşkilatının sədri Fəqət Şadlinskaya çıxış edərək, Ulu Öndərin Azərbaycan xalqı qarşısındakı misilsiz xidmətlərindən, müdrik siyasətçinin xilaskarlıq missiyasından, respublikamıza rəhbərlik etdiyi dövrlərdə əldə olunan uğurlardan danışıb. Bildirib ki, Ulu Öndər Heydər Əliyevin 1969-cu ildə Azərbaycana rəhbər seçilməsindən sonra ölkə həyatının bütün sahələrində yeni inkişaf dövrü başlayıb. Respublikada çoxlu sayda istehsalat müəssisələri açılıb, sosial obyektlər, o cümlədən yaşayış binaları, xəstəxanalar, mədəniyyət ocaqları, məktəblər, uşaq bağçaları və s. inşa olunub. Həmin dövrdə sənaye inkişaf etdirilib, kənd təsərrüfatının yüksəlişi istiqamətində məqsədyönlü işlər görülüb. Aparılan ciddi islahatlar, həyata keçirilən silsilə tədbirlər nəticəsində Azərbaycan inkişaf sürətinə görə SSRİ-də ən qabaqcıl respublikalardan birinə çevrilib.
Fəqət Şadlinskaya Ulu Öndər Heydər Əliyevin 1993-cü ildə Azərbaycanda ikinci dəfə siyasi hakimiyyətə qayıdışından sonra əldə olunan nailiyyətlərdən də bəhs edib, dahi rəhbərin siyasi kursunun hazırda Prezident İlham Əliyev tərəfindən uğurla davam etdirildiyini diqqətə çatdırıb.
Tədbirdə vaxtilə Ulu Öndər Heydər Əliyevlə görüşmüş bərdəlilər onunla bağlı xatirələrini bölüşüblər. Sonda Ümummilli Lider Heydər Əliyevin hakimiyyətə gəlişinin 50 illiyi münasibətilə YAP Bərdə rayon təşkilatı tərəfindən partiya üzvü olan gənclər arasında keçirilən intellektual oyunun qalibləri mükafatlandırılıblar.

Paylaş:

Baxılıb: 497 dəfə