Nəsimili məktəblilərin Şəki şəhərində yay düşərgəsində istirahəti başa çatıb

Bakı:

15 °C

94 %

1 m/s

Əlaqə

AZ RU EN

Ana səhifə / Sosial / Nəsimili məktəblilərin Şəki şəhərində yay düşərgəsində istirahəti başa çatıb

Nəsimili məktəblilərin Şəki şəhərində yay düşərgəsində istirahəti başa çatıb

02.08.2017 [10:07]

Nəsimi rayon İcra Hakimiyyətinin Şəki şəhər İcra Hakimiyyəti ilə birgə Şəki şəhərində həyata keçirdiyi Nəsimi rayonunun şəhid ailələri, Qarabağ müharibəsi veteranları, rayonun aztəminatlı ailələrinin uşaqları, təhsildə və idmanda fərqlənən şagirdlər - ümumi sayı 100 nəfər yeniyetmə üçün yay istirahət düşərgəsində məktəblilərin istirahəti başa çatıb.
Nəsimi rayon İcra Hakimiyyəti və Şəki şəhər İcra Hakimiyyəti tərəfindən məktəblilərin xoş istirahəti üçün hər cür şərait yaradılan düşərgədə uşaqların istirahətini daha da maraqlı və yaddaqalan edən silsilə tədbirlər keçirilib.
Təntənəli bağlanış mərasimində Nəsimi rayon İcra Hakimiyyətinin başçısı Asif Əsgərov çıxış edərək düşərgə layihəsinin əhəmiyyətini vurğulayıb, “Gənc İlhamçılar” düşərgəsinin Azərbaycan Respublikasının Prezidenti İlham Əliyevin uşaq və yeniyetmələrə olan diqqət və qayğısınin bariz nümunəsi olduğunu bildirib, ölkə başçısının yeniyetmə və gənclərimizin sağlam böyüməsi, gənc nəslin vətənə məhəbbət, Azərbaycan dövlətçiliyinə sədaqət ruhunda tərbiyə olunması istiqamətində gördüyü işlərdən və Azərbaycan Respublikasının Birinci vitse-prezidenti Mehriban xanım Əliyevanın uşaq və yeniyetmələrə olan diqqət və qayğısından, bu istiqamətdə həyata keçirdiyi layihələrdən söz açıb.
Sonra Şəki şəhər İcra Hakimiyyətinin başçısı Elxan Usubov çıxış edərək məktəblilərin vətənə sevgi və məhəbbət ruhunda tərbiyəsi istiqamətində Nəsimi rayon məktəblilərinin “Gənc İlhamçılar” düşərgəsinin rolunu çox yüksək qiymətləndirərək, bu layihənin davamlı olmasının vacibliyini qeyd edib və dövlətimiz tərəfindən uşaq və yeniyetmələrlə bağlı həyata keçirilən tədbirlərdən danışıb.
Sonra düşərgədə keçirilən bilik və idman yarışlarında qalib gəlmiş, nizam-intizamda fərqlənən bir qrup şagirdlərə hədiyyələr və xatirə medalları, həmçinin uşaqların tərbiyəsi ilə məşğul olan dəstə rəhbərlərinə qiymətli hədiyyələr təqdim edilib.
Qeyd edək ki, məktəblilərin istirahəti üçün Şəki şəhərinin mədəni-tarixi yerlərinə ekskursiyalar, gəzintilər təşkil edilib.
Düşərgə uşaqların xatirində silinməz izlər buraxıb. Maraqlı istirahətdən sonra Bakıya qayıdan yeniyetmələr və onların valideynləri məktəbli uşaqlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz minnətdarlıqlarını bildiriblər.

Paylaş:

Baxılıb: 638 dəfə