Samirə Quliyeva: Müasir müstəqil Azərbaycanın qurtuluşu və dirçəlişi Ümummilli lider Heydər Əliyevin adı ilə bağlıdır

Bakı:

28 °C

56 %

9 m/s

AZ RU EN

Ana səhifə / Sosial / Samirə Quliyeva: Müasir müstəqil Azərbaycanın qurtuluşu və dirçəlişi Ümummilli lider Heydər Əliyevin adı ilə bağlıdır

Samirə Quliyeva: Müasir müstəqil Azərbaycanın qurtuluşu və dirçəlişi Ümummilli lider Heydər Əliyevin adı ilə bağlıdır

13.06.2017 [09:53]

“Müasir müstəqil Azərbaycan tərəqqi yolunda əmin addımlarla irəliləyir. Azərbaycanın sabitlik və təhlükəsizlik adası kimi dayanıqlı inkişafının əsasında duran başlıca amil Ümummilli lider Heydər Əliyevin ideyaları əsasında həyata keçirilən uğurlu daxili və xarici siyasət kursudur”. Bu fikirləri Yeni Azərbaycan Partiyası (YAP) Siyasi Şurasının üzvü, partiyanın Gənclər Birliyinin sədr müavini Samirə Quliyeva deyib. Onun sözlərinə görə, Azərbaycanın ötən müddət ərzində keçdiyi inkişaf yoluna nəzər saldıqda aydın olur ki, milli müstəqilliyimizin və inkişafımızın əsasında məhz Ümummilli lider Heydər Əliyevin zəngin dövlətçilik irsi və əbədiyaşar ideyaları dayanır: “1991-ci ildə yenidən müstəqillik əldə etdikdən sonra müxtəlif sosial-iqtisadi, siyasi problemlərlə üzləşən, vətəndaş müharibəsinin astanasında olan Azərbaycanı müstəqilliyini itirmək təhlükəsindən xilas edərək dirçəliş yoluna çıxaran Ulu öndər Heydər Əliyevin xalqımız və dövlətimiz qarşısındakı xidmətləri misilsizdir. Məhz gerçək müstəqilliyin əldə edilməsi, ölkəmizin xilası, qurtuluşu və dirçəlişi Onun adı ilə bağlıdır. Bu mənada qeyd edə bilərik ki, tariximizə Milli Qurtuluş Günü kimi daxil olan 1993-cü il iyunun 15-də Ümummilli lider Heydər Əliyevin Azərbaycan Respublikası parlamentinə Sədr seçilməsi ölkəmizin tarixində keyfiyyətcə yeni bir mərhələnin başlanğıcı oldu. Azərbaycan xaos və anarxiyadan xilas olaraq öz müstəqilliyini qorumağı, inkişaf mərhələsinə qədəm qoymağı bacardı. Ümummilli lider Heydər Əliyevin adı ilə bağlı olan Milli Qurtuluş Günü Azərbaycan tarixinin şanlı qürur səhifəsinə çevrildi. Bundan başqa, Ulu öndər Heydər Əliyev Azərbaycan xalqının xilaskarı olmasını ölkəmizin müstəqilliyini qoruyub saxlamaqla və yeni inkişaf üfüqləri açmaqla sübut etdi”.
“Əminliklə söyləmək olar ki, milli müstəqilliyimizin və inkişafımızın əsasında Qurtuluş məfkurəsi dayanır”, - deyən Samirə Quliyeva əlavə edib ki, “Ümummilli lider Heydər Əliyevin müəllifi olduğu dövlət quruculuğu siyasətinin fonunda əldə edilən nailiyyətlər milli inkişaf baxımından böyük əhəmiyyətə malikdir. Ulu öndər Heydər Əliyev Azərbaycanı, sözün əsl mənasında, müstəqil ölkəyə çevirdi, müstəqilliyimizi daimi və dönməz etdi. Müstəqilliyini itirmək, hətta dünyanın siyasi xəritəsindən silinmək təhlükəsi ilə qarşı-qarşıya qalan Azərbaycanın sonrakı illərdə iqtisadi inkişaf, siyasi sabitlik, müstəqil dövlət quruculuğu baxımından böyük uğurlar əldə etməsi məhz fenomenal şəxsiyyət Heydər Əliyevin siyasi dühası, zəngin dövlətçilik təcrübəsi və milli maraqlara söykənən praqmatik fəaliyyəti nəticəsində mümkün oldu”.
“Bu gün Heydər Əliyev ideyaları əsasında inkişaf edən Azərbaycan dünyada söz və nüfuz sahibinə çevrilib. Prezident İlham Əliyevin rəhbərliyi ilə həyata keçirilən uğurlu, məqsədyönlü siyasətin nəticəsidir ki, Azərbaycanın beynəlxalq mövqeyi davamlı olaraq möhkəmlənir, ölkəmizlə əməkdaşlıq etmək istəyənlərin sayı artır”, - deyə o bildirib.

Paylaş:

Baxılıb: 589 dəfə