“Səlis danışıq” Loqopedik və Psixoloji Mərkəzində 14 noyabr - Ümumdünya Loqopedlər Günü münasibətilə tədbir keçirilib

Bakı:

25 °C

64 %

7 m/s

AZ RU EN

Ana səhifə / Sosial / “Səlis danışıq” Loqopedik və Psixoloji Mərkəzində 14 noyabr - Ümumdünya Loqopedlər Günü münasibətilə tədbir keçirilib

“Səlis danışıq” Loqopedik və Psixoloji Mərkəzində 14 noyabr - Ümumdünya Loqopedlər Günü münasibətilə tədbir keçirilib

15.11.2016 [10:03]

Dünən “Səlis danışıq” Loqopedik və Psixoloji Mərkəzində 14 noyabr - Ümumdünya Loqopedlər Günü münasibətilə tədbir keçirilib. Mərkəzin rəhbəri Xavər Abdullayeva tədbir iştirakçılarını peşə bayramı münasibətilə təbrik edib və qeyd edib ki, bu, çox məsuliyyətli peşədir. Onun sözlərinə görə, loqopediya nitq inkişafı qüsurları haqqında pedaqoji elm olub, bu qüsurların aradan qaldırılması və qarşısını almaq üçün xüsusi təlim-tərbiyə sistemidir: “Nitq qüsurlarının aradan qaldırılması və qarşısının alınması şəxsiyyətin harmonik inkişafına kömək edərək, bilikləri qazanmaq üçün mövcud maneələri aradan qaldırır. Buna görə də loqopediya defektologiyanın bir sahəsi olub, eyni zamanda, ümumpedaqoji vəzifələrin həyata keçməsinə kömək edir”.
X.Abdullayeva deyib ki, “Səlis danışıq” Loqopedik və Psixoloji Mərkəzi 2006-cı ildən fəaliyyət göstərir. Mərkəz bu dövr ərzində bir sıra yeniliklərə imza atıb. Onun sözlərinə görə, mərkəz nitq qüsurlarının korreksiyası, nitqin ümumi inkişafı, autizm sindromlu uşaqlar, daun sindromlu uşaqlar və başqa problemli uşaqlarla bağlı xidmət göstərir. Artıq mərkəz təkcə Bakıda deyil, regionlarda da fəaliyyət göstərir. “Səlis danışıq” Loqopedik və Psixoloji Mərkəzində peşəkar mütəxəssislərin çalışdığını deyən X.Abdullayevanın sözlərinə görə, mərkəz ötən dövrdə ciddi nailiyyətlər qazanıb və buraya müraciət edən insanlar xidmətdən razıdırlar.
Autizm sindromu üzrə mütəxəssis Xəyalə Kərimova isə çıxışında bildirib ki, autizm 21-ci əsrin qlobal problemlərindən biridir. Onun sözlərinə görə, bu sindromlu uşaqların reabilitasiyası üçün müvafiq tədbirlər görülür: “Autizmli uşaq, hər bir digər uşaq kimi, şəxsiyyətdir, buna görə də ümumi tövsiyələr istifadə edərkən, uşağın spesifik reaksiyalarını nəzərə almaq lazımdır və uşaqla işləyən zaman onlara diqqət etmək vacibdir. Autizmli uşaqlar böyüyərkən uşaqlıqlarında aludə olduqları sahə üzrə işləyə bilərlər. Belə uşaqlarla hər gün məşğul olmaq lazımdır, bu, çox çətindir, lakin gündəlik məşğələlər nəticəyə gətirə bilər. 5 dəqiqədən başlamaq və tədricən məşğələnin vaxtını gün ərzində 2-3 saata qədər uzatmaq lazımdır. Bu uşaqların müxtəlif fobiyaları olur, onlar real təhlükəni görməyə bilərlər. Belə uşaqların nitq qüsurları da olur, bu səbəbdən də loqopedlərin üzərinə böyük vəzifə düşür”.
Tədbirdə digər çıxış edənlər də mövzu haqqında fikirlərini bildiriblər.

Paylaş:

Baxılıb: 689 dəfə