Nərimanov rayonunda “Multikulturalizm və tolerantlıq diyarı Azərbaycan” mövzusunda tədbir keçirilib

Bakı:

28 °C

57 %

10 m/s

AZ RU EN

Ana səhifə / Sosial / Nərimanov rayonunda “Multikulturalizm və tolerantlıq diyarı Azərbaycan” mövzusunda tədbir keçirilib

Nərimanov rayonunda “Multikulturalizm və tolerantlıq diyarı Azərbaycan” mövzusunda tədbir keçirilib

08.11.2016 [09:59]

Yeni Azərbaycan Partiyası (YAP) Nərimanov rayon təşkilatında Nərimanov rayon İcra Hakimiyyəti, Azərbaycan Respublikasının Prezidenti yanında Bilik Fondu, Bakı Beynəlxalq Multikulturalizm Mərkəzi və AMEA-nın təşəbbüsü ilə “Multikulturalizm və tolerantlıq diyarı Azərbaycan” mövzusunda tədbir keçirilib.
Tədbirdə Nərimanov rayon icra başçısının müavini İradə Mahmudova, YAP Nərimanov rayon təşkilatının sədri Təmraz Tağıyev, Azərbaycan Respublikasının Prezidenti yanında Bilik Fondunun icraçı direktoru Oqtay Səmədov, Bakı Beynəlxalq Multikulturalizm Mərkəzinın əməkdaşı Sərxanbəy Xuduyev, Nərimanov rayonunda fəaliyyət göstərən başqa millətlərin icma rəhbərləri və fəal gənclər iştirak ediblər.
Tədbiri giriş sözü ilə Nərimanov rayon İcra Hakimiyyəti başçısının müavini İradə Mahmudova açaraq qeyd edib ki, multikulturalizm və tolerantlıq tarixən azərbaycanlıların həyat tərzi olub, bu gün isə milli kimliyindən, dilindən, dinindən asılı olmayaraq, Azərbaycan dövlətinin hər bir vətəndaşının gündəlik həyat tərzinə çevrilib. İ.Mahmudova vurğulayıb ki, Prezident İlham Əliyevin Azərbaycan multikulturalizminin elmi əsaslarla öyrənilməsi və dünyada təbliği istiqamətində göstərdiyi konkret hədəflərə çatmaq üçün atılan əməli addımlar dövlət qurumları, hökumət adamları ilə yanaşı, hər bir vətəndaşımızın da üzərinə şərəfli vəzifə qoyur.
Sonra YAP Nərimanov rayon təşkilatının sədri Təmraz Tağıyev bildirib ki, beynəlxalq ictimaiyyəti təhdid edən təhlükəli amilləri - islamofobiyanı, dini nifrəti və s. vaxtında hiss edən ölkə başçısı cənab İlham Əliyevin Azərbaycanda 2016-cı ili “Multikulturalizm ili” elan etməsi dünya birliyinə bir siyasi mesajdır, sülhə, əmin-amanlığa, ədalətə çağırışdır. Bununla Azərbaycan dünyaya dialoq və inkişaf təklif edir.
Sonra Azərbaycan Respublikasının Prezidenti yanında Bilik Fondunun icraçı direktoru Oqtay Səmədov və Bakı Beynəlxalq Multikulturalizm Mərkəzinın əməkdaşı Sərxanbəy Xuduyev də çıxış edərək bildiriblər ki, Azərbaycan əsrlər boyu mədəniyyətlərin qovuşduğu bir məkanda yerləşməklə müxtəlif millətlər və dinlər arasında aparıcı rol oynayıb ki, nəticədə ölkədə mövcud olan dözümlülük, dostluq və həmrəylik yaranıb. Odur ki, Azərbaycanda hər bir etnos digər etnosların mədəni hüquqlarını tanıyır və bu hüquqlara hörmətlə yanaşır. Bütün bunlar da ona səbəb olub ki, əsrlər boyu ölkəmizin tarixində dini və yaxud etnik zəmində qarşıdurma baş verməyib. Bu isə Azərbaycanda multikulturalizmin tarixinin burada yaşayan millətlərin, etnik qrupların yaşı qədər olduğunun göstəricisidir.
Tədbirin sonunda Azərbaycan Respublikasının Prezidenti yanında Bilik Fondu tərəfindən YAP Nərimanov rayon təşkilatının sədri Təmraz Tağıyevə Fondun fəaliyyətini əks etdirən hədiyyə təqdim olunub.

Paylaş:

Baxılıb: 686 dəfə