Şahid ifadəsi: “Taleh Bağırov dövlət çevrilişi etmək, silahlanmaq, dini dövlət qurulması haqqında çıxışlar edirdi”

Bakı:

24 °C

78 %

4 m/s

AZ RU EN

Ana səhifə / Sosial / Şahid ifadəsi: “Taleh Bağırov dövlət çevrilişi etmək, silahlanmaq, dini dövlət qurulması haqqında çıxışlar edirdi”

Şahid ifadəsi: “Taleh Bağırov dövlət çevrilişi etmək, silahlanmaq, dini dövlət qurulması haqqında çıxışlar edirdi”

27.10.2016 [09:49]

Dünən Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi davam etdirilib.
APA-nın məlumatına görə, prosesdə şahid qismində Nardaran sakini Valeh Abbasov ifadə verib.
Sonra onun ibtidai istintaq zamanı verdiyi ifadə elan edilib. O, ifadəsində bildirib ki, T.Bağırovun Nardaranda Əbülfəz Bünyatovun evində qonaq olmasını, orada gündə iki dəfə yemək verilməsini eşidib həmin evə gedib. T.Bağırovu ilk dəfə orada görüb. T.Bağırov dini mövzulardan başqa, Azərbaycanda dövlət çevrilişi etmək, silahlanmaq, dini dövlət qurulması haqqında çıxışlar edib: “Mən başa düşdüm ki, onların fikri dövlət çevrilişi etməkdir, oradan uzaqlaşdım”.
Sonra iclasda ifadə verən Maştağa sakini Bəxtiyar Aşurov deyib ki, yolda gedəndə polislər onu saxlayıb ifadə almağa aparıblar.
Onun da ibtidai istintaqa verdiyi ifadə elan edilib. O, ifadəsində deyib ki, Hacı Baxış məscidində Taleh Bağırovun dövlətə qarşı çıxışlar etməsinin şahidi olub.
Prosesdə ifadə verən şahid Samir Babayev isə ötən il noyabrın 5-də Elçin Qasımovun həbsinin səbəbini öyrənmək üçün Sabunçu rayon Polis İdarəsinin qarşısına getdiklərini, orada saxlanılaraq bir gündən sonra sərbəst buraxıldığını deyib.
Prosesdə fasilə elan edilib.
Günün ikinci yarısında davam etdirilən prosesdə şahid qismində İlqar Atakişiyev ifadə verib.
O, Fuad Qəhrəmanlını sosial şəbəkədən tanıdığını deyib. O, F.Qəhrəmanlının yazdığı statuslara rəy yazdığını bildirib.
İ.Atakişiyev ibtidai istintaqa ifadəsində isə bildirib ki, Fuad Qəhrəmanlının “facebook” sosial şəbəkəsində olan şəxsi səhifəsində sonuncu tərəfindən yazılan çıxışa bəyənmə işarəsi edib. Məqsədi isə Fuad Qəhrəmanlını dəstəkləmək olmayıb. Fuad Qəhrəmanlı ilə həyatda və sosial şəbəkələrdə heç bir şəxsi və uzaq tanışlığının olmadığını qeyd edən İ.Atakişiyev sonuncunu mediada və sosial şəbəkədə şəkillərini və yazılarını görərək tanıdığını bildirib. O, Fuad Qəhrəmanlının siyasi fikirlərini bəyənmədiyini deyib, bunu Fuad Qəhrəmanlının xalqı mitinqlərə, aksiyalara, nizam-intizamsızlığa, iğtişaşlara, hakimiyyəti güc yolu ilə dəyişməyə çağırışları ilə izah edib. İfadəsində onu da bildirib ki, hətta son zamanlar F.Qəhrəmanlının fikirlərinin tam əleyhinə gedərək öz-özlüyündə sonuncunun xalqı çaşdırmağına, gənclərə pis nümunə olaraq onları vətəndaş davasına, dini nifrət və dinlər arasında təfriqə və düşmənçilik yaratmasına etirazını bildirərək bu kimi şəxslərin xalqın və millətin gənclərini, vətəndaşlarını yanlış fikirləri ilə çaşdıraraq uçuruma aparmasını yəqin edib.
Proses oktyabrın 28-də davam edəcək.

Paylaş:

Baxılıb: 644 dəfə