Qubadlı rayon İcra Hakimiyyətində ötən ilin yekunları və qarşıda duran vəzifələr müzakirə olunub

Bakı:

27 °C

48 %

3 m/s

Əlaqə

AZ RU EN

Ana səhifə / Sosial / Qubadlı rayon İcra Hakimiyyətində ötən ilin yekunları və qarşıda duran vəzifələr müzakirə olunub

Qubadlı rayon İcra Hakimiyyətində ötən ilin yekunları və qarşıda duran vəzifələr müzakirə olunub

10.02.2016 [10:06]

Fevralın 9-da Qubadlı rayon İcra Hakimiyyətində 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunmuş şura iclası keçirilib. Sumqayıtda keçirilən tədbirdə Prezident Administrasiyasının məsul işçisi Ağaəli Əhmədov, Milli Məclisin deputatı İmamverdi İsmayılov, rayonun idarə, müəsisə və təşkilat rəhbərləri, ictimaiyyət nümayəndələri iştirak ediblər.
Hesabat məruzəsi ilə çıxış edən rayon İcra Hakimiyyətinin başçısı Malik İsaqov öncə Azərbaycan Respublikasının Prezidenti İlham Əliyevin rəhbərliyi ilə ölkədə qazanılmış uğurlu nəticələrdən, Azərbaycanın beynəlxalq aləmdə rolunun artmasından danışıb. Çıxışına davam edən natiq bildirib ki, ötən il rayon əhalisi 36 min 700 nəfər təşkil edib. Məcburi köçkün həyatı yaşayan qubadlılılar respublikanın 42 şəhər və rayonunda məskunlaşıblar. Hesabat ilində köçkünlərin yaşayış şəraitlərinin yaxşıladırılması istiqamətində bir sıra işlər görülüb. O cümlədən 26 ailənin mənzil şəraiti yaxşılaşdırılıb.
Diqqətə çatdırılıb ki, 2015-ci ildə məcburi köçkünlərin kommunal problemlərinin həlli, sosial vəziyyətlərinin yaxşılaşdırılması, təhsil, səhiyyə, mədəniyyət sisteminin inkişaf etdirilməsi, əhaliyə xidmət göstərən idarə, müəssisə və təşkilatların, yerli icra strukturlarının fəaliyyətinin səmərəli qurulması istiqamətində iş davam etdirilib.
İcra Hakimiyyətinin başçısı deyib ki, hesabat dövründə yerli gəlir və xərcləri tənzimləmək üçün ayrılan vəsait 8 milyon 284 min manat, yerli gəlirlərə aid məbləğ 2 milyon 924 min manat olmaqla, cəmi daxilolma 11 milyon 208 min manat təşkil edib. Qeyd edilib ki, il ərzində rayon üzrə 341 ailəyə ünvanlı sosial yardım ödənilib, hər ailəyə ödənilən məbləğin miqdarı 141 manat olub. Rayon sakinləri arasında işsizliyin aradan qaldırılması istiqamətində də işlər davam etdirilib, 181 yeni iş yeri yaradılıb.
Dövlət Sosial Müdafiə Fondunun rayon şöbəsi və rayon Əhalinin Sosial Müdafiəsi Mərkəzində ümumilikdə 7827 nəfər pensiyaçı qeydiyyatda olub. İl ərzində 227 nəfərə əmək pensiyası təyin edilib. Rayon üzrə pensiyaların orta aylıq məbləği 166 manata çatıb. Bununla yanaşı, aztəminatlı ailələr də daim rayon İcra Hakimiyyətinin diqqətində olublar. Bu təbəqədən olanlara yas mərasimlərinin təşkili, müalicə və dərman preparatlarının alınması, bayram tədbirləri və sair məsələlərlə bağlı daxili imkanlar hesabına kömək göstərilib.
M.İsaqov qubadlılıların yığcam məskunlaşdıqları ərazilərin su, qaz və elektrik enerjisi ilə təminatından, təmir və yenidənqurma işlərindən də bəhs edib.
İclasda çıxış edən rayon təşkilatlarının rəhbərləri təmsil etdikləri ayrı-ayrı sahələr üzrə görülən işlər barədə məlumat verib, qarşıda duran vəzifələrin həlli ilə bağlı təkliflər irəli sürüblər. Bildirilib ki, həmişə dövlətçilik ənənələrinə sadiq olan rayon sakinləri bundan sonra da Prezident İlham Əliyevin həyata keçirdiyi düşünülmüş uğurlu siyasəti dəstəkləyəcək, ölkəmizin inkişafında əllərindən gələni əsirgəməyəcəklər.
Çıxışlarda 2015-ci ildə rayon üzrə görülən işlər qənaətbəxş qiymətləndirilib.
Hesabat yığıncağında Prezident Administrasiyasının məsul işçisi Ağaəli Əhmədov və Milli Məclisin deputatı İmamverdi İsmayılov çıxış ediblər.
Sonda tədbir iştirakçıları adından Prezident İlham Əliyevə müraciət qəbul olunub.
Pərviz SADAYOĞLU

Paylaş:

Baxılıb: 766 dəfə