Bilik günü Nəsimi rayonunun orta məktəblərində də qeyd olunub

Bakı:

16 °C

88 %

15 m/s

Əlaqə

AZ RU EN

Ana səhifə / Sosial / Bilik günü Nəsimi rayonunun orta məktəblərində də qeyd olunub

Bilik günü Nəsimi rayonunun orta məktəblərində də qeyd olunub

16.09.2015 [10:05]

Hər bir məktəblinin və müəllimin səbirsizliklə gözlədiyi 15 sentyabr - Bilik günü Nəsimi rayonunun bütün orta təhsil müəssisələrində böyük təntənə və bayram əhval-ruhiyyəsi ilə qeyd olunub. Əlamətdar günlə bağlı rayonun bütün orta məktəblərində böyük hazırlıq işləri aparılıb, yeni dərs ilinin ilk günü rəngarəng və maraqlı tədbirlər hazırlanıb.
Rayonun 23 saylı tam orta, 1 saylı orta məktəblərində yeni dərs ilinin başlanmasına həsr olunmuş tədbirlər keçirilib. Həmçinin rayon ərazisində yerləşən Texniki Humanitar Liseydə də 15 sentyabr - Bilik günü qeyd olunub. Tədbirdə çıxış edən liseyin direktoru Səidə Zeynalova lisey barədə ümumi məlumat verərək bildirib ki, bu təhsil ocağının binası 1963-cü ildə tikilib. Lisey əvvəllər axşam məktəbi kimi, 2000-ci ildən isə Texniki Humanitar Lisey kimi fəaliyyət göstərib. Liseydə təhsil V-XI siniflər arasındadır. Lisey 2008 və 2014-cü illərdə “Ən yaxşı ümumtəhsil müəssisəsi” adını qazanıb. Burada 1077 şagirdin təhsili ilə 91 müəllim məşğul olur.
Dövlət Proqramına əsasən bu il əsaslı təmir olunan lisey binası sentyabrın 10-da Prezident İlham Əliyevin iştirakı ilə istifadəyə verilib.
Bilik gününə həsr olunan tədbirlərdə iştirak edən Nəsimi rayon İcra Hakimiyyətinin başçısı Asif Əsgərov məktəblərin kollektivini yeni dərs ilinin başlanması münasibəti ilə təbrik edib, onlara təhsildə uğurlar arzulayıb.
Qeyd olunub ki, son illərdə qazanılan bütün uğurlar Prezident İlham Əliyevin təhsilin inkişafı ilə əlaqədar imzaladığı proqramlar çərçivəsində həyata keçirilən islahatların, ölkənin birinci xanımı Mehriban Əliyevanın təhsil obyektlərinin yenilənməsi sahəsində gördüyü işlərin və dövlətimizin bu sahəyə xüsusi qayğısının nəticəsi kimi dəyərləndirilməlidir. Bunun bariz nümunəsidir ki, ölkə başçısının imzaladığı Sərəncam və Dövlət proqramlarına əsasən Nəsimi rayonundakı orta və məktəbəqədər təhsil müəssisələrinin böyük əksəriyyəti əsaslı təmir olunub, 1 yeni uşaq bağçası, 2 məktəb üçün yeni əlavə korpus tikilib, 1 uşaq musiqi məktəbi, 1 uşaq texniki yaradıcılıq mərkəzi, 3 uşaq bağçası əsaslı təmir olunub. Bu il sentyabrın 10-da Prezident İlham Əliyev Nəsimi rayonundakı Texniki Humanitar Liseydə aparılan təmir-yenidənqurma işlərindən sonrakı vəziyyətlə tanış olub.
Asif Əsgərov rayon məktəblilərinin keçən tədris ilində qazandıqları uğurlardan da danışıb.
Daha sonra Asif Əsgərov Heydər Əliyev Fondunun prezidenti, millət vəkili Mehriban xanım Əliyevanın da ölkəmizdə təhsilin inkişafındakı əvəzsiz xidmətlərindən söz açıb, Fondun dəstəyi ilə görülən işlər barədə məlumat verib.
Məktəbin şagirdlərinin hazırladığı bədii kompozisiya, müasir bal və milli rəqslər tədbir iştirakçılarının alqışları ilə müşayiət olunub.
Ənənəvi Bilik günü tədbirləri rayonun digər məktəblərində də keçirilib, bu tədbirlərdə RİH-in məsul nümayəndələri, ağsaqqallar, veteranlar və rayon ictimaiyyətinin nümayəndələri iştirak ediblər.

Paylaş:

Baxılıb: 811 dəfə