“Bakcell”in “Virtual Futbol Çempionatı”nın qalibi Amerikadan qayıdıb

Bakı:

26 °C

52 %

4 m/s

Əlaqə

AZ RU EN

Ana səhifə / Sosial / “Bakcell”in “Virtual Futbol Çempionatı”nın qalibi Amerikadan qayıdıb

“Bakcell”in “Virtual Futbol Çempionatı”nın qalibi Amerikadan qayıdıb

11.08.2015 [10:03]

Azərbaycanın ilk mobil operatoru və aparıcı mobil internet provayderi olan “Bakcell” şirkəti tərəfindən 2015-ci ilin fevral-aprel aylarında “Futbol Bakcell ilə” layihəsi çərçivəsində təşkil olunan “Bakcell Virtual Futbol Çempionatı”nın qalibi Hacı Mirzəməmmədov “Mançester Yunayted” - “Barselona” oyununu izləmək və “Mançester Yunayted” futbol klubunun oyunçuları ilə görüşmək üçün ABŞ-a səfər edib. O, səfər çərçivəsində Memfis Depay, Matteo Darmian, Eşli Yanq, Maruan Fellaini, Ander Errera, David De Hea kimi ulduz oyunçularla görüşərək virtual futbol oynamaq imkanı qazanıb. Şirkətdən verilən məlumatda qeyd olunur ki, ABŞ-ın Kaliforniya ştatında keçirilən “Mançester Yunayted” - “Barselona” oyununu “Bakcell” şirkətinin xüsusi qonağı qismində izləyən Hacı səfərlə bağlı təəssüratlarını belə bölüşüb: “Bu yarış olmasaydı, mənim yəqin ki, heç vaxt “Mançester Yunayted” ulduzları ilə ABŞ-da görüş imkanım olmayacaqdı. “Bakcell”in təşkil etdiyi “Virtual Futbol Çempionatı”nda iştirak etdiyimə və qalib gəldiyimə görə çox sevinirəm. Yaradılan bütün imkanlara görə və ömür boyu xatırlayacağım ən gözəl anlar yaşatdığına görə “Bakcell” şirkətinə böyük minnətdarlığımı bildirirəm”.
“Ümidvaram ki, biz çempionatın qalibi olan Hacı Mirzəməmmədovun gözləntilərini qarşıladıq və o, Amerikada tətilini səmərəli keçirdi. Azərbaycan Futbol Federasiyaları Assosiasiyası və “Mançester Yunayted” ilə birlikdə həyata keçirdiyimiz “Futbol Bakcell ilə” layihəsi çərçivəsində Azərbaycanda futbolun inkişafına bütün səviyyələrdə dəstək olmağa çalışırıq. Futbol hamı üçündür. Bu oyunu real həyatda oynamayan insanlar da oyunları izləməkdən və ya “PlayStation”da virtual şəkildə oynamaqdan böyük həzz alırlar. Bunu nəzərə alaraq təşkil etdiyimiz “Bakcell Virtual Futbol Çempionatı” sayəsində sağlam idman rəqabətinin təşviq olunması və gənclərin boş vaxtlarını daha səmərəli keçirməsi üçün əlavə imkan yaratmış olduq. Bu çempionata maraq çox böyük oldu və 7000 nəfərə yaxın məktəbli qatıldı. Onlayn oyunlar oynamağı sevənlər üçün “Bakcell” yüksək sürətli internet bağlantısını təmin edir. Virtual oyun həvəskarları üçün biz gələcəkdə də eksklüziv imkanlar və məhsullar təqdim etməyi planlaşdırırıq”, - deyə “Bakcell”in baş marketinq direktoru Mariya Toyçeva bildirib.
Qeyd edək ki, “Bakcell Virtual Futbol Çempionatı” 2015-ci ilin fevral-aprel aylarında respublikanın paytaxtında və 8 regionunda yerləşən orta məktəblərin 9, 10 və 11-ci sinif şagirdləri arasında keçirilib. 26 aprel 2015-ci il tarixində baş tutan final görüşünün qalibi isə Hacı Mirzəməmmədov olub.
Səlim

Paylaş:

Baxılıb: 834 dəfə