“Akademi Group” MMC vətəndaşlara işbazlara aldanmamağı tövsiyə edir

Bakı:

19 °C

82 %

2 m/s

Əlaqə

AZ RU EN

Ana səhifə / Sosial / “Akademi Group” MMC vətəndaşlara işbazlara aldanmamağı tövsiyə edir

“Akademi Group” MMC vətəndaşlara işbazlara aldanmamağı tövsiyə edir

26.05.2015 [10:00]

“Akademi Group” Təhsil Mərkəzi 7 ildən artıqdır ki, azərbaycanlı gənclərin başda Türkiyə universitetləri olmaqla xaricdə təhsil almalarına peşəkar şəkildə xidmət göstərir. Son 5 ildə davamlı olaraq Azərbaycanda Türkiyə universitetlərinin təhsil sərgilərini də keçirən qurum öz nümunəvi xidməti sayəsində həm Azərbaycan, həm də Türkiyə ictimaiyyətinin böyük rəğbətini qazanıb.
İndiyədək xaricə təhsil almağa göndərilən gənclərdən heç biri Təhsil Mərkəzinin xidmətlərindən narazılıq etməyib. Bununla belə, son zamanlar Təhsil Mərkəzinin də ciddi narahatlıq keçirdiyi təəssüf doğuran vəziyyət yaranıb. Belə görünür ki, mərkəzin getdikcə artan nüfuzu bəzilərini narahat etməyə başlayıb və yaxud kimlərsə bundan sui-istifadə etməyə çalışırlar.
Bununla əlaqədar “Akademi Group” MMC açıqlama yayıb. Açıqlamada bildirilir ki, akademiyanın sosial şəbəkə hesablarına şərh yazan istifadəçilərin inboksuna Təhsil Mərkəzi adından olduğu iddia edilən mesajlar göndərilir, ünvan və telefon nömrələri verilir. Bundan başqa, bəzi yalançı “şirkət”lərin nümayəndələri tələbə və abituriyentlərlə görüş zamanı akademiyanın adından danışır, bütün məsələlərə Təhsil Mərkəzinin nəzarət edəcəyini söz verirlər.
“Akademi Group” MMC-nin açıqlamasında birmənalı şəkildə bildirilir ki, belələrinin sözügedən Təhsil Mərkəzinə heç bir aidiyyəti yoxdur. “Akademi Group” MMC-nin əməkdaşları xaricdə təhsil almaq istəyənlərlə yalnız Təhsil Mərkəzinin ofisində görüşürlər. Açıqlamada, həmçinin, vurğulanır: “Akademiyanın sosial şəbəkə hesabları saytı tərəfindən yönləndirilən hesablardır və bu hesablara gələn şərhlərə, sadəcə, şərh yazaraq cavab verilir. Özəl mesaj yazmadan Sizə özəl mesaj göndərilə bilməz; sosial şəbəkə hesablarımız və ya saytımızda verilən formları doldurduğunuz zaman gələn avtomatik e-maillər və ....@akademi.az sonluqlu e-maillər xaricində Sizə e-mail göndərilməsi mümkün deyil; Sizə hansısa bir reklam xarakterli e-mail gəldikdə, unutmayın ki, akademiya heç bir zaman ayrıca müqavilə imzalamadan ödənişli xidmət göstərmir, bir çox ödənişsiz xidmətlərimiz isə müqaviləsiz olaraq həyata keçirilir; akademiya tərəfindən ofislərdən kənar hər hansı bir yerdə müqavilə imzalanmır; akademiyanın Bakı, Gəncə və Lənkəran ofisləri ilə yanaşı, Mingəçevir və Qəbələ nümayəndəlikləri də fəaliyyət göstərməkdədir. Bu nümayəndəliklərin təmsilçiləri ofis xaricində sizlərə məlumat versələr də, ofisdən kənarda müqavilə imzalanmır və hər hansı bir ödəniş aparılmır; göstəriləcək xidmətlərin hər biri müqavilədə əks olunmalıdır”.
Vətəndaşlar hər hansı bir işbaza rast gəldikləri təqdirdə övladlarının gələcəyini riskə atmamaq naminə diqqətli olmalıdırlar. “Akademi Group” MMC vətəndaşlardan belə hallarla üzləşdikdə dərhal Təhsil Mərkəzinə məlumat vermələrini xahiş edir.

Paylaş:

Baxılıb: 998 dəfə