Səbail rayonunda II Dünya müharibəsində tarixi Qələbənin 70-ci ildönümü qeyd olunub

Bakı:

14 °C

82 %

7 m/s

Əlaqə

AZ RU EN

Ana səhifə / Sosial / Səbail rayonunda II Dünya müharibəsində tarixi Qələbənin 70-ci ildönümü qeyd olunub

Səbail rayonunda II Dünya müharibəsində tarixi Qələbənin 70-ci ildönümü qeyd olunub

09.05.2015 [12:49]

Dünən Səbail rayonunda II Dünya müharibəsində faşizm üzərində Qələbənin 70-ci ildönümü qeyd olunub.
Tədbir iştirakçıları əvvəlcə Sovet İttifaqı Qəhrəmanı Qafur Məmmədovun büstünün önünə rayon icra hakimiyyəti adından əklil qoyub.
Sonra tədbir Bayıl yaşayış sahəsindəki Cövdət Hacıyev adına 3 saylı musiqi məktəbində davam etdirilib.
Tədbiri açıq elan edən Səbail rayon İcra Hakimiyyətinin başçısı Asif Əsgərov əlamətdar gün münasibəti ilə veteranları və tədbir iştirakçılarını təbrik edib, onlara ən xoş arzularını çatdırıb. Böyük Vətən müharibəsinin iştirakçılarına, həmin illərdə arxa cəbhədə çalışanlar arasında sağ qalanlara - o günlərin canlı şahidlərinə bu günün hər birimiz üçün əziz olduğunu bildirən natiq II Dünya müharibəsində faşizm üzərində əldə olunmuş qələbə barədə tədbir iştirakçılarına ətraflı məlumat verib.
A.Əsgərov bildirib ki, Azərbaycan xalqı bu gün də öz keçmişi, xüsusi ilə müharibədəki iştirakı dövrü ilə fəxr edir. Müharibə veteranları xalqımızın ən əziz və hörmətli nümayəndələri olublar. Ulu öndər Heydər Əliyev daim onlara xüsusi qayğı və diqqət göstərmiş, onların problemləri ilə yaxından maraqlanmışdır: “Bu gün də Ulu öndərin layiqli davamçısı, Azərbaycan Respublikasının Prezidenti cənab İlham Əliyevin həyata keçirdiyi mühüm əhəmiyyətli tədbirlər hesabına müharibə veteranlarının sosial müdafiəsi daha da yaxşılaşır. Qələbənin 70 illiyi ərəfəsində ölkə başçısı cənab İlham Əliyevin Sərəncamı ilə 1941-1945-ci illər müharibəsi iştirakçılarına, həlak olmuş və ya sonradan vəfat etmiş döyüşçülərin dul arvadlarına, arxa cəbhədə fədakar əməyə görə orden və medallarla təltif olunmuş şəxslərə birdəfəlik maddi yardım verilməsi və növbədə olan bütün veteranların avtomobillərlə təmin olunması ölkə rəhbərliyinin veteranlara olan qayğısının bariz nümunəsidir”.
Tədbirdə çıxış edən veteranlar öz xatirələrindən söz açıb, onlara göstərilən diqqət və qayğıya görə ölkə rəhbərliyinə minnətdarlıqlarını bildiriblər.
Cövdət Hacıyev adına 3 saylı musiqi məktəbinin şagirdləri veteranlar qarşısında konsert proqramı ilə çıxış ediblər.
Tədbirdə Səfərbərlik və Hərbi Xidmətə Çağırış üzrə Dövlət Xidmətinin Səbail rayon İdarəsinin rəisi, polkovnik-leytenant Polad İbrahimov veteranlara “1941-1945-ci illər Böyük Vətən müharibəsində Qələbənin 70 illiyi” yubiley medalını təqdim edib. Tədbirdə veteranlara Səbail rayon İcra Hakimiyyəti tərəfindən hədiyyələr və maddi yadımlar verilib.

Paylaş:

Baxılıb: 767 dəfə