Heydər Əliyev
yeni azerbaycan logo

Ana səhifə / Sosial / Şirvanda 144 yaşlı park abadlaşdırılır

Şirvanda 144 yaşlı park abadlaşdırılır

07.12.2024 [16:31]

Şirvan şəhərinin “Köhnə şəhər” hissəsində, Kür çayının sahilində yerləşən İsmət Qayıbov adına parkda genişmiqyaslı yenidənqurma və əsaslı təmir işlərinə başlanılıb. İşlər “Yaşıl dünya naminə həmrəyli ili” çərçivəsində həyata keçirilir.

AZƏRTAC-ın bölgə müxbiri xəbər verir ki, parkın ərazisi 2,5 hektardır. Parkın mövcud vəziyyəti və şəhər əhalisinin çoxsaylı müraciətləri nəzərə alınaraq yenidənqurma layihəsi hazırlanıb. Layihə əsasında parkın ərazisində 1790 kvadratmetr tamet tavaların döşənməsi, 3023.4 poqonometr beton bordürlərin düzülməsi, 5435.1 kvadratmetr asfalt-beton örtüyün vurulması nəzərdə tutulub. Həmçinin park ərazisində 5 ədəd idman qurğusu, 1 ədəd turnik kompleksi, 3 ədəd yelləncək, 1 ədəd kompleks uşaq əyləncə qurğusu yer alacaq. Bundan başqa, ərazidə 40 ədəd işıq dirəyinin quraşdırılması, 30 ədəd müasir oturacağın və 30 ədəd tullantı qutusunun, 1 ədəd informasiya lövhəsinin qoyulması, 648 poqonometr yeraltı elektrik xəttinin və 865 poqonometr su xəttinin çəkilməsi işləri aparılacaq.

Hazırda parkda işlər davam etdirilir. Parkın yaxın zamanda şəhər sakinlərinin və qonaqların istifadəsinə verilməsi planlaşdırılır.

Qeyd edək ki, mədəniyyət və istirahət parkının tarixi mənbələrdə 1880-ci ildə bağ kimi salındığı qeyd olunur, 1991-ci ildən isə İsmət Qayıbov adına park adlandırılıb. Parkın ərazisində Sovet İttifaqı Qəhrəmanı Şirin Şükürovun büstü ucaldılıb. Park Azərbaycan Respublikası Nazirlər Kabinetinin 2 avqust 2001-ci il tarixli Qərarı ilə ölkə əhəmiyyətli bağ, park, monumental və xatirə abidəsi kimi qeydiyyata alınıb.

Paylaş:
Baxılıb: 181 dəfə

Xəbər lenti

Hamısına bax

YAP xəbərləri

İqtisadiyyat

Ədəbiyyat

Dünya

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31