Ədalət öz yerini tapır...

Bakı:

24 °C

47 %

3 m/s

Əlaqə

AZ RU EN

Ana səhifə / Siyasət / Ədalət öz yerini tapır...

Ədalət öz yerini tapır...

21.11.2023 [10:50]

Xocalı qatilləri, Meşəli qatilləri mühakimə qarşısındadırlar

Vətən müharibəsində əldə olunan Zəfər, eyni zamanda, lokal antiterror tədbirlərinin uğurla nəticələnməsi Azərbaycan üçün yeni perspektivlər formalaşdırdı. Bu uğurlar ölkəmizə həm də illərdir tapdanan, göz ardı edilən hüquqlarımızın təmin olunmasını, 30 ilə yaxın davam etmiş cəzasızlıq mühitinin aradan qaldırılmasını, bir sözlə, ədalətin bərpasına imkan yaradıb. Ermənistanın silahlı qüvvələrinin tərkibində, eyni zamanda ləğv olunmuş qondarma xuntanın törətdiyi cinayətlərdə əli olan, məsuliyyət daşıyan cinayətkarlar qanun və hüquq qarşısında cavab verir.

Son aylarda bu kimi araşdırmalar daha geniş şəkil alıb. Meşəli qatili Vaqif Xaçaturyanın, başqa bir cinayətkar Raşid Beqlaryanın istintaqa söylədikləri faktlar Azərbaycanın hüquq mühafizə orqanları tərəfindən araşdırılır.

Xocalıda qadın, uşaq və yaşlı insanlardan ibarət 200 insanı amansızlıqla qətlə yetirən...

Dövlət Təhlükəsizlik Xidmətinin mətbuat xidmətinin yaydığı məlumata görə, Azərbaycan Respublikası Cinayət Məcəlləsinin müvafiq maddələri ilə ittiham olunaraq həbs edilən Raşid Beqlaryan Xankəndi şəhərində yerləşən 3 saylı uşaq xəstəxanasında saxlanılmış azərbaycanlı əsirlərə və beynəlxalq humanitar hüquqla müdafiə olunan başqa şəxslərə işgəncə verməkdə, eləcə də sülh və insanlıq əleyhinə, müharibə cinayəti kimi digər ağır cinayət əməllərini törətməkdə, həmçinin qanunsuz erməni silahlı birləşmələrinin fəaliyyətində digər formada iştirak etməkdə şübhəli bilinir. Dindirilməsi zamanı isə Beqlaryanın Xocalı faciəsinin törədilməsində iştirakçı olduğu ortaya çıxıb. 1992-ci il fevralın 26-da Beqlaryanın da daxil olduğu silahlı birləşmələr azərbaycanlıları kütləvi qırğına məruz qoymaq məqsədilə Qarqarçayın sahili boyunca Ağdam rayonuna doğru hərəkət edən, əksəriyyəti qadın, uşaq və yaşlı insanlardan ibarət 200 nəfərədək mülki şəxsi Əsgəran qalasına yaxın ərazidə pusquya salaraq avtomat silahlardan atəş açmaqla qətlə yetirib. Cinayətkar dəstə üzvləri tərəfindən həlak olanların üzərilərindəki şəxsi əşyalar talan edildikdən sonra onların meyitləri Əsgəran qalası ətrafında basdırılıb.

İfadənin yerində yoxlanılması istintaq hərəkəti zamanı Raşid Beqlaryan mülki əhaliyə qarşı cinayət əməllərinin törədildiyi yerləri əyani şəkildə göstərərək bu barədə ətraflı məlumat verib.

Cinayətkarlar cavab verir...

Bəli, XX əsrin ən böyük faciələrindən biri sayılan Xocalı soyqırımı bəşəri cinayətdir. Bu gün Azərbaycana qarşı qondarma ittihamlarla beynəlxalq ədalət məhkəmələrinə muraciətlər ünvanlayan, xarici təşkilatlardan “yardım gözləyən” Ermənistan törətdiyi bu qətliamın cavabını verməlidir. Bu soyqırımını təşkil edən, həyata keçirən, bir sözlə, əli dinc insanların qanına batmış hər bir qatil və cinayətkar məhkəmə, hüquq və ədalət qarşısında cavab verməlidir. 30 ilə yaxın çirkin siyasi oyunlarla, hvadarlarının köməyi ilə məsuliyyətdən yayınan Ermənistan artıq bunu bacarmır. Azərbaycanın qətiyyəti, regionda yaratdığı yeni siyasi rallıqlar Ermənistanın təcavüzkar və cinayətkar simasını ifşa edir. Xocalıda qətlə yetirilmiş yüzlərlə günahsız insanın hüquqları, haqqı tanınır - onların qatilləri əsl cəzalarına çatır. Bu, Azərbycanın gücünü, qüdrətini və hər zaman haqqın yanında yer aldığını göstərən bir haldır. İllərlə törətdiyi cinayətlərin məsuliyyətindən boyun qaçıranlar bu gün ədalət mühakiməsi qarşısında öz cinayətlərini etiraf edirlər. Azərbaycan xalqı hər zaman buna inanırdı - hər zaman haqqın, ədalətin bərpa olunacağına, cinayətkarların öz cəzasına çatacağına inanırdıq. Bu gün artıq həmin inamımız həqiqətə çevrilir...

S.İSMAYILZADƏ

Paylaş:

Baxılıb: 547 dəfə