Səbr və qətiyyətin təntənəsi

Bakı:

24 °C

44 %

3 m/s

Əlaqə

AZ RU EN

Ana səhifə / Siyasət / Səbr və qətiyyətin təntənəsi

Səbr və qətiyyətin təntənəsi

03.10.2023 [11:07]

M.ABDULLAYEV

Ermənistan hakimiyyəti və forpost ölkənin xaricdəki havadarları indi də Azərbaycanın sentyabrın 19-da başladığı və 23 saat ərzində uğurla tamamladığı antiterror tədbirlərini hədəfə alıblar. Onlar ölkəmizin ünvanına əsassız ittihamlar səsləndirir, bizi Qarabağ bölgəsinin erməni əsilli sakinlərinə qarşı hansısa “etnik təmizləmə” aparmaqda günahlandırmağa çalışırlar. Halbuki belə iddialar reallıqdan tamam uzaqdır. Prezident İlham Əliyevin sentyabrın 29-da BMT-nin Məskunlaşma Proqramının (UN-HABITAT) və Azərbaycan Respublikasının Dövlət Şəhərsalma və Arxitektura Komitəsinin əməkdaşlığı ilə keçirilən “Şəhərsalma Həftəsi 2023” tədbirləri çərçivəsində Zəngilanda “Davamlı şəhərlər iqtisadi inkişafın hərəkətverici və bərabərsizliklərlə mübarizə aparan qüvvəsi kimi” mövzusunda 2-ci Azərbaycan Milli Şəhərsalma Forumunun açılış mərasimindəki çıxışında respublikamızı bəhs olunan antiterror tədirlərini həyata keçirməyə vadar edən amillərə diqqət çəkib.

İşğalçı Ermənistanın sabiq rəhbərləri ölkəmizə qarşı həmişə aqressiv yanaşmaları ilə fərqləniblər. Prezident İlham Əliyevin bildirdiyi kimi, yeni hökumətə bəslənilən ümidlər də özünü doğrultmadı. Ermənistanın hazırkı rəhbəri Nikol Paşinyan 2019-cu ildə Xankəndidə tribunadan bəyan etdi ki, “Qarabağ Ermənistandır və nöqtə”. Bu, ölkəmiz üçün qırmızı xətt idi. Ona qədər heç kəs belə bir ifadə işlətməmişdi. Bundan sonra Ermənistandan “yeni ərazilər uğrunda yeni müharibə” iddiaları eşidildi. Bu o anlama gəlir ki, ermənilər bizi yeni işğalla hədələyirdilər. Ermənistan tərəfindən aparılan yanlış hesablamalar, bizim potensialımızın, qüvvəmizin və gücümüzün nəzərə alınmaması bu ölkə üçün ciddi bir fəlakətə səbəb oldu.

Ermənistan rəhbərliyi eyni avantüraları postmüharibə mərhələsində də davam etdirir. Nikol Paşinyan Qarabağ da daxil olmaqla Azərbaycanın ərazi bütövlüyünü tanıdığını bildirib. Bununla belə, o, ölkələrin ərazi bütövlüyü və suverenliyi ilə bir araya sığmayan yanaşmalar ortaya qoyur. Sentyabrın 2-də Ermənistanın lideri qondarma rejimin rəhbərinə onun müstəqilliyi ilə bağlı təbrik məktubu göndərdi. Bu o demək idi ki, utancverici məğlubiyyətdən üç il sonra Ermənistan bizə qarşı yeni ərazi iddiası irəli sürür. 9 sentyabr tarixində qondarma “DQR”in “parlament”i 22 nəfərin səsi ilə “Dağlıq Qarabağ rejimi”nin “prezidenti”ni seçdi və həmin o “prezident” öz çıxışında “status” uğrunda mübarizə aparacağını bildirdi.

Bütün bu sadalanan faktlar Azərbaycana münasibətdə “qırmızı xətlər”in keçilməsi demək idi. Qalib Azərbaycan ölkəmizin milli maraqları ilə bir araya sığmayan belə davranışlara nə qədər dözməli idi? Ölkəmiz Qarabağ bölgəsində qanunsuz hərbi birləşmələrin tərkisilah edilməsi üçün antiterror tədbirlərinə başlamağa qərar verdi. Respublikamız bu tədbirləri özünün suveren hüquqları çərçivəsində uğurla tamamladı. Beləliklə, Azərbaycan 44 günlük müharibədə olduğu kimi, bu dəfə də öz səbrini və qətiyyətini bütün dünyaya nümayiş etdirdi. “Mən bunu hər kəsin bilməsini istəyirəm. Bunu Ermənistan hakimiyyəti də bilsin, onun arxasında duran himayədarları da bilsin, bu gün Azərbaycana qarşı qəbuledilməz planlar cızan tərəflərə buradan mesaj verirəm: Bizim səbrimizlə oynamasınlar. Biz səbirliyik, ancaq qətiyyətliyik. Biz haqlı olduğumuzu sübut edə bilirik və edirik. Ona görə yox ki, bizim gücümüz var, çünki haqq-ədalət bizim tərəfimizdədir”, - deyə Prezident İlham Əliyev vurğulayıb.

Paylaş:

Baxılıb: 526 dəfə