Dini Qurumlarla İş üzrə Dövlət Komitəsində "dəyirmi masa" keçirilib

Bakı:

25 °C

31 %

2 m/s

Əlaqə

AZ RU EN

Ana səhifə / Siyasət / Dini Qurumlarla İş üzrə Dövlət Komitəsində "dəyirmi masa" keçirilib

Dini Qurumlarla İş üzrə Dövlət Komitəsində "dəyirmi masa" keçirilib

23.09.2011 [10:24]

Əli Əhmədov: Milli-mənəvi dəyərlər Azərbaycanın inkişafının vacib şərtlərindən hesab olunmalıdır
Dini Qurumlarla İş üzrə Dövlət Komitəsində Azərbaycan Respublikasının müstəqilliyinin bərpa edilməsinin 20-ci ildönümünə həsr olunmuş “dəyirmi masa” keçirilib.
Dövlət Komitəsinin sədri Hidayət Orucov tədbir iştirakçılarını bu əlamətdar hadisə münasibətilə təbrik edib. O, müstəqil Azərbaycanın inkişafının əsas mərhələləri üzərində dayanaraq qeyd edib ki, Ermənistanın hərbi təcavüzünə və bizim torpaqları işğal etməsinə baxmayaraq, Azərbaycan böyük uğurlar qazanıb, sürətli iqtisadi inkişafa nail olub.
H.Orucov vurğulayıb ki, müstəqillik illərində Azərbaycan təkcə sosial-iqtisadi sahədə uğurlar qazanmaqla kifayətlənməyib həm də vicdan və dini etiqad azadlığını təmin edib: “Dinlərarası və mədəniyyətlərarası dialoq mərkəzinə çevrilmiş ölkəmizin tolerantlığı dünya dövlətləri üçün nümunə olub”.
Yeni Azərbaycan Partiyasının (YAP) Sədr müavini-İcra katibi, millət vəkili Əli Əhmədov çıxış edərək deyib ki, regionda və dünyada Azərbaycanın mövqelərinin möhkəmlənməsi, milli-mənəvi dəyərlərin möhkəm dayaqlar üzərində qərar tutması ölkənin müstəqilliyinin birbaşa nəticəsidir: “İnkişafın kökündə dayanan çoxlu amillər içərisində milli-mənəvi dəyərlər xüsusi qeyd olunmalıdır. Milli-mənəvi dəyərlər Azərbaycanın inkişafının vacib şərtlərindən hesab olunmalıdır”.
Onun sözlərinə görə, Azərbaycanda dözümlülük və tolerantlığın təmin edilməsinin kökündə dayanan əhəmiyyətli faktorlardan biri mili-mənəvi dəyərlər sistemidir: “Hər bir xalqın və millətin milli-mənəvi dəyərlər sisteminin nüvəsini onun dini baxışları təşkil edir”.
Ə.Əhmədov bildirib ki, din, dini inanclar sistemi də hər bir millətin inkişafında əhəmiyyətli rol oynayır: “Dinə təkcə insanların inanclar sistemi kimi baxmağın tərəfdarı deyiləm. Din daha geniş, daha əhatəli dəyərlər sistemidir”.
Sonra Qafqaz Müsəlmanları İdarəsi sədrinin müavini hacı Eldar Mikayılov, Rus Pravoslav kilsəsinin Bakı və Azərbaycan yeparxiyasının başçısı Aleksandr, Azərbaycan dağ yəhudiləri icmasının rəhbəri Semyon İxiilov, digər dini icmaların rəhbərləri qeyd ediblər ki, ölkəmizdə dini dözümlülük və tolerantlıq ümummilli lider Heydər Əliyevin dövlət-din konsepsiyasına uyğun olaraq təcəssüm tapıb. Hazırda Prezident İlham Əliyev bu kursu uğurla davam etdirir. Müsəlman, yəhudi və pravoslav məbədlərinin bərpası və inşası üzrə ardıcıl tədbirlər həyata keçirilir.
Milli mədəni və mənəvi dəyərlərin qorunub saxlanmasında, onların dünyada təbliğ edilməsində Heydər Əliyev Fondunun və onun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyevanın böyük rolunu da qeyd etmək lazımdır.
Bildirilib ki, Azərbaycan dövləti vətəndaşların mənəvi seçiminə hörmətlə yanaşır, lakin hər hansı ekstremizm, dözümsüzlük təbliği cəhdlərinin qarşısı qətiyyətlə alınıb və bundan sonra da alınacaq, dindən siyasi məqsədlər üçün istifadə edilməsinə imkan verilməyəcək.

Paylaş:

Baxılıb: 1147 dəfə