Vardanyanın “yürüş” arzusu da puç oldu...

Bakı:

29 °C

56 %

3 m/s

Əlaqə

AZ RU EN

Ana səhifə / Siyasət / Vardanyanın “yürüş” arzusu da puç oldu...

Vardanyanın “yürüş” arzusu da puç oldu...

21.12.2022 [10:52]

Separatçı milyarder “pullu mitinqçi” xidmətindən yararlana bilmir

Dekabrın 12-dən başlayaraq Şuşa-Laçın yolunda Azərbaycanın ekofəalları və QHT-ləri tərəfindən keçirilən etiraz aksiyası Qarabağdakı separatçıların işini çətinə salıb. Belə ki, “özünütəsdiq” üçün bəzi siyasi manipulyasiyalara əl atmağa çalışan separatçıların “təzə naziri” Ruben Vardanyan verdiyi “qərarları” bir-bir “ləğv etməkdədir”. Məsələn, Qarabağdakı separatçı ermənilərin “dövlət naziri” Ruben Vardanyan sosial şəbəkə vasitəsilə bir neçə gün öncə Xankəndidə keçirməyi “planlaşdırdığı” yürüşü çarəsizlikdən ləğv edib. Qeyd edək ki, separatçıların rəhbəri Arutyunyan 100 min ermənini bu mitinqə toplaşacağını deyirdi. Amma...

İlk olaraq həmin ərazidə yaşayan ermənilərin sayının 20 mindən artıq olmadığını nəzərə alsaq, Arutyunyanın 100 minlik arzusunun puç olması qaçılmazdır. İkinci bir tərəfdən isə, həmin şəxslərin çox az qismi bu yürüşlərdə və ya mitinqlərdə aktivlik nümayiş etdirir - bunu, sosial şəbəkələrin erməni seqmenti də təsdiqləyir. Hətta Ermənistanda yaşayan ermənilər belə separatçıları “mitinqçi alverində” günahlandırır, onların görüntü xatirinə saxtakarlıqlara imza atdığını bildirirlər. Uzağa getməyək, elə oktyabrın 30-da Xankəndidə separatçı rejimin çağırışı ilə keçirilən mitinq şousunda da eyni hallar təkrarlanmışdı. Mitinqin təşkilatçılarının əsas hədəfi aksiyadakı iştirakçıların çoxluğunu təmin etmək idi. Amma bu böyük biabırçılığa yol açmışdı. Belə ki, sosial şəbəkələrin erməni seqmentində bildirilmişdi ki, Xankəndidə Ermənistan siyasi cameəsinin təşkil etdiyi mitinqə gələnlərə pul paylanılıb. Qeyd edilirdi ki, bir müddət əvvəl Xankəndiyə köçən rusiyalı milyarder Ruben Vardanyan mitinqin çoxminli olması üçün xeyli xərcə düşüb. O, Xankəndidən kənarda olanların öz maşını ilə mitinqə qatılması üçün 8 litr pulsuz benzin verib, Ermənistandan gələnlərə isə 50 dollar mükafat ayırıb. Ətrafdan gələnlər Xankəndiyə çatmamış yanacaqdoldurma məntəqələrində 8 litr benzini pulsuz ala biliblər. Bunun üçün yanacaqdoldurma məntəqələrinə Vardanyan əvvəlcədən sifariş verib. Ermənistandan avtobusa doldurulub gətirilənlər isə Laçın yoluna daxil olduqdan sonra salondaca “mükafat”larını alıblar. Həmçinin mitinq iştirakçılarının su və qida ilə təminini də Ruben Vardanyan öz üzərinə götürüb.

Hətta bildirilirdi ki, Xankəndiyə gətirilənlər yalnız Ermənistan vətəndaşları olmayıb. Mitinqin “izdihamlı” keçməsi üçün İran ermənilərinin xidmətindən də istifadə olunmuşdu. Təbii ki, onlar da bu gəlişlərinin qarşılığında “50 dollarlıq xidmət haqqı” ilə təmin edilmişdilər. Bu “mitinqçilər”in hətta Ermənistanın paytaxtı İrəvanda da pul qarşılığında belə işlərdə istifadə olunduqları da bildirilirdi.

İndiki halda isə Vardanyan Laçın yolu vasitəsilə Xankəndiyə “mitinqçi” daşımaq imkanından məhrumdur. Əli hər yerdən üzülən Vardanyanın bir çıxış yolu qalırdı ki, ona da əl atdı - üzüsulu şəkildə yürüşdən imtina...

SADİQ

Paylaş:

Baxılıb: 503 dəfə